Jɔnn 15:5 - UWONBƆR A GBƆNPƆŊ LIKƆƆNL

⁵ “Min le ye linyagil; le ni ye ibon. Ni ye ke uninfosaal be nin min wee n be nin u ke, u li lo iloon takpem; naa ye n bu ke naa li fir ŋa niba.

Uwumbɔr aagbaŋ

⁵ “Min le ye lisupuul ngbaan. Le ni ye ibon. Unii umɔk kpaan m chee, m mu kpaan u chee na, udaan ngbaan ŋani tinyoor sakpen tii mi; ni mu yaa kaa kpaan m chee kan, naan ŋmaa ŋa nibaa.

Jɔnn 15:5 ပူးပေါင်းရင်းမြစ်များ

Matiu 13:21

Amaa waah kaa baan inyaan nin, ni ma bu waa ŋmag ti yuuri. Iyoo yan wee tibɔmug kaar bee limugil pii u tibɔr nmɔn bu ke, le un ta gab weem.

Jɔnn 12:24

N bei ni ibamɔn le, ndibim kaa nan lu tum ki bur ke, mu lee la ye mu ba le. Amaa mu bur ke, mu li naan kidibin gbaluŋ.

Jɔnn 15:16

Nim li kaa nan gann mi, amaa min li nan gann ni ke ni lo iloon yan kaa jɔɔ diɛmi. Wee Baa-n li sei ni niwann nan biɛn wee ni baan u n yinl bu.

Jɔnn 5:19

Le Yisa nan jiin ki bei bi ke, “N bei ni ibamɔn le, Bija-n kaa li fir ŋa niba u baantɔɔli, u li fir ŋa nan wee u kan u Baa-n ŋaan le, nan bu-n niwann nan biɛn wee Baa-n ŋaan nin Bija-n mu ŋaan ni ma le.

Jɔnn 9:33

Ni ye ke uja nan kaa nan bi nyan Uwonbɔr ban ke, waa nan bi li fir ŋa niba.”

Lituln 4:12

Nŋmarim kaa be u ba ban ni, le liyinl liba le kaa be dulinya nan yaan wee Uwonbɔr ta sei bininfob ke bin yin ki kan nŋmarimi, see Yisa a binba.”

Rom Yaab 12:5

man mu le ye ni Masiya ni, ti ninfo gbaluŋ le lagin ki ŋa tigbanann tiba, le ligbanann bɔgil liba ye igbanann bɔg yan gurin yaan le.

Rom Yaab 6:22

Amaa daandaan nan wee Uwonbɔr fee ni jaa ni tibirin wee ni nin ye Uwonbɔr a yomi nan, tinyɔɔr tan wee ni kan ye kasi a binbem le, le ni joorim ye limiɛfol lan kaa jɔɔ ndiɛm.

Rom Yaab 7:4

Ni bu, n nabum, ni tɔɔl kpo ki sei nsiimin na, Masiya a gbanann nin bu, ke ni fir ŋa Masiya wan nan fii nkumin nin kaah ye ban, na li ŋa man wee ti lo iloon ŋan ki sei Uwonbɔr.

1 Korenti 10:16

Naa ye kiyiinyɔɔg kan wee ti tenn Uwonbɔr kunɔɔpoog wee ki nyu ki poolin ni ye Masiya a cham lee? Boroboro kan wee ti war war ki ŋman ni, kaa ye Masiya a gbanann lee?

1 Korenti 12:12

Tigbanann ye nba le, hali nin taah le jɔɔ ibɔg ibɔg takpem nmɔn, hali nin ibɔg nmɔn biɛn kaah le yab nmɔn na ti lagin ye gbanann tiba le, Yisa mu ye man le.

1 Korenti 12:27

Daandaan nan ni ye Masiya a gbanann le, ni biɛn le ye tigbanann nmɔn a bɔgi.

2 Korenti 13:8

Taa li fir tun niba ki bii ibamɔn nmɔn ni, amaa ti le yin tun ibamɔn le.

2 Korenti 9:10

Uwonbɔr wan tenn bininfob idibool wee bi bu-n, ki ji tenn bi tijiir wee bi ji-n, U ma le li sei ni idibool ki che yin nɔb, man le U li che ni chiɛ ibuchin di takpem.

Galantiya 5:22

Amaa kinaaŋin a looi le ye njiɛm, nmɔn, nposɔɔn, limɔril, tiŋann, nbinben ŋan, si nba bu,

Efesusi 5:9

(nan bu-n nwonween a loonl ŋan ki jɔɔ nbuchin binben nin ibamɔn)

Filipi 1:11

ki gbee nin nbuchin binben man nyan Yisa Masiya ni, ki li ye kupag ki tenn Uwonbɔr.

Filipi 4:13

N li fir tun niwann biɛn Masiya kaah seim ngbananpɔɔn man nin bu.

Filipi 4:17

Naa ye n ban ipiin le, amaa n ban ni kan tinyɔɔr tan yin kpiɛ naah jɔɔ nan nin le.

Kolosiya 1:10

Ti miɛ ni niɛ le ke ni fir be nbinben man kpaan ki gbee Uyudaan a num niwann biɛn nin: Ki lo iloon yan ye itoon ŋan biɛn a looi, ki yabirig nin Uwonbɔr a nyinyim.

Kolosiya 1:6

wee ki dan ni ban nin. Tibɔŋann nmɔn lo iloon le ki yabirig dulinya nan yaan biɛn, ke naah nan ti tun man ni sisiigin lidaal lan wee ni nan gbir ti, ki biɛ Uwonbɔr a nyunyunbasanlin nin libamɔn yan be ipoolin nin biɛn.

Jemisi 1:17

Nan ŋan nin nan be kasi biɛn ye ipiin yan nyan paab le, ki nyan ti Baa wan jɔɔ papaab a weemin, wan kaa kpenn ke nbɔɔm kaah kpenn man nin.

1 Piita 2:4

Naah chaan Uyudaan ban nin, wan ye limiɛfol a tangbagil lan wee bininfob yii win, amaa le Uwonbɔr a num gbee u le U gann win,

2 Piita 3:18

Amaa ni li yabirig nin ti Yudaau nin ti feeru Yisa Masiya a nyunyunbasanl nin u nyinyimin na. Uma kpaan kupag daandaan nan nin isaŋ yan kaa jɔɔ diɛmi! Ibamɔn.