Jɔnn 15:16 - UWONBƆR A GBƆNPƆŊ LIKƆƆNL

¹⁶ Nim li kaa nan gann mi, amaa min li nan gann ni ke ni lo iloon yan kaa jɔɔ diɛmi. Wee Baa-n li sei ni niwann nan biɛn wee ni baan u n yinl bu.

Uwumbɔr aagbaŋ

¹⁶ Nimi le aa nyan mi. Min le nyan nimi, ki siin ke ni li ŋani tinyoor ti ga li bi n‑yoonn mu kaa kpa ndoon na, ke ni yaa mee Nte Uwumbɔr tiwan maayimbil pu kan, u ga tii nimi.

Jɔnn 15:16 ပူးပေါင်းရင်းမြစ်များ

Matiu 21:22

Nan biɛn wee ni li miɛ Uwonbɔr ni bu, ni ye ni ŋa yada ke, ni sin li kan.”

Matiu 7:7

“Li miɛu ke bi li ta seiŋ; li ban na, ke a li kan; li kpaar linaanganla, ke li li loor ki seiŋ.

Tibɔnyaan ti Luk ŋmee ti na 6:13

Naah nan wonn njakpanyiɛn ni, le u nan yin u bɔɔnɔɔb le ki gann binib piig nin bilee ki yin bi ke u tooi:

Jɔnn 13:18

“Maa pag nan ki tenn ni biɛn ni; n nyi ban wee n nan gann. Amaa ni nan le yin che nan sɔb dɔ Uwonbɔr a gbɔŋin nin ŋa ibamɔn: ‘Min nin wan por n jiirin le nan lig ziɛnim.’

Jɔnn 15:19

Ni ye ke ni ye dulinya nan yaab ke, ki li jiɛ ni ke ki yaabin. Naah ye man nin, naa ye dulinya nan yaabi, amaa n nan gann ni ki nyan ni dulinya nan yaan na. Mambu le dulinya nan nan ni.

Jɔnn 15:5

“Min le ye linyagil; le ni ye ibon. Ni ye ke uninfosaal be nin min wee n be nin u ke, u li lo iloon takpem; naa ye n bu ke naa li fir ŋa niba.

Jɔnn 6:70

Le Yisa jiin ke, “Maa nan gann ni Piig nin bilee lee? Nin ni ma biɛn nin, ni ni uba ye ulinlaril le!”

Lituln 1:24

Le ki miɛ Uwonbɔr ke, “Uyudaan, fin le nyi uninfo biɛn a sufu ni. Wɔɔn ti bininfob bilee nan a sisiigin wan wee a gann,

Lituln 1:8

Amaa ni li kan npɔɔn n-yonn man wee Kasi a Naaŋin li jiirin ni bu-n, le ni na li ji n siɛra Jerusalam nin Judiya a timin biɛn nin Samariya nin dulinya nan a logi nan biɛn.”

Lituln 10:41

Amaa naa ye bininfob biɛn le nan kan wi, amaa ban wee Uwonbɔr pii gann bi wee bi ye siɛra damin le nan kan u, nin tim ban nan lagin ki jin ki nyun nin u kum a fiim a bɔɔn nin.

Lituln 22:14

“Le u len ke, ‘Uwonbɔr wan ye ti yaajam a Weemin pii ganiŋ le, ke a biɛ u bam, ki kan U ninfo Buchiu, ki ji gbir u mu a mɔnn.

Lituln 9:15

Amaa le Uyudaan bei u ke, “Fin li chaau, uma ye wan wee N gann u ke un mɔɔn N yinl ki bei ban kaa ye Juu yaab nin bi bɔrtiib nin Juu yaab.

Rom Yaab 1:13

N nabum, maa ban ni laa nyi ke iyoo takpem n lolig le ke n dan ni ban (amaa le tibɔr kɔɔ le maa li fir ŋa man ni ki nan kpaa daandaan nan) naah li ŋa man wee n fir ki kan bininfob takpem ni sisiigin, ke maah pii kan man ban kaa ye Juu yaabin a sisiigin biba-n.

Rom Yaab 1:5

U ma nin U yinlin bu, le Uwonbɔr san ti kunyunyunbaag, le ki ŋa ti itoon ke ti yin bininfob ban kaa ye Juu yaabin a booli biɛn ke bi li jɔɔ limɔcheel bi yada kan wee bi jɔɔ-n bu.

Rom Yaab 15:4

Nan biɛn wee bi nan sɔb bil n-yonn man nan jon nin bi nan sɔb bil ti yaa wɔɔnim bu le, wee ti li jɔɔ limɔril nin ngbananpɔɔn nin tama imɔleen nin bu.

Rom Yaab 9:21

Uyɔgmaar kaa jɔɔ npɔɔn nin un ta liyɔgkonl liba ki maa kuchiig daal a bool ki jin ta liyɔgkonl nmɔn ki maa libool lan wee bi jɔɔ tun itoon idaa biɛn naa?

1 Korenti 10:11

Ni niɛ nan biɛn nan tun ki ye limagil le ki sei bi, ni nan ye ikpaan le ki sɔb dɔ ki sei tim ban nan joor bɔɔn dulinya nan a diɛmin.

Galantiya 1:15

Amaa Uwonbɔr, wan nan gannim ke baa la ma min, naah nan nan gbee U num n-yonn man nin le U yim U nyunyunbasanl bu,

Efesusi 2:10

Uwonbɔr le naan tim, Yisa Masiya bu le u sei ti itoon ŋan a binbem, ke ti li tun man wee u pii nan lol ke ti li tun nin na.

Kolosiya 1:23

ni ye ni yin gbaa be nin ni yada ke, ki si chib, kaa fɔɔr tama kan wee tibɔŋann nin ŋmagin ke, ti ma ye tibɔŋann tan wee ni gbirin, wee bi mɔɔn ti sei kuwonaaŋ biɛn dulinya nan yaan, tan bu wee min Pɔɔl kpann utoontunn.

Kolosiya 1:6

wee ki dan ni ban nin. Tibɔŋann nmɔn lo iloon le ki yabirig dulinya nan yaan biɛn, ke naah nan ti tun man ni sisiigin lidaal lan wee ni nan gbir ti, ki biɛ Uwonbɔr a nyunyunbasanlin nin libamɔn yan be ipoolin nin biɛn.

1 Timoti 2:7

Ni niɛ nan bu le Uwonbɔr gannim ki ŋaam wan mɔɔn nin ntoon. N pag ibamɔn le, maa por tibɔkari, ki ye wan wɔɔn ban kaa ye Juu yaab yada a bamɔn.

2 Timoti 1:11

Tibɔŋann nan bu, le Uwonbɔr nan gannim ki ŋaam umɔleenmɔɔn, nin ntoon nin wan wɔɔnn.

2 Timoti 2:2

Ta tibɔr tan wee a gbir n pag kuninfogbaluŋ a numin nin, ki wɔɔn bininfob ban si nbamɔm wee ki mu ye ban li fir wɔɔn bi kpiɛtiibin.

Taitus 1:5

Nan bu wee n nan jiɛn niŋ Kereti a tiŋin nin nan ye nan le, n nan ban a gbaar itoon yan nan gur kaa diɛ n le ki sin gann bininkpeeb ntim biɛn nin ke maah nan wɔɔniŋ man nin.

Hiibru Yaab 11:4

Yada bu le Ebiɛl nan mann kumanug ŋaŋ ki sei Uwonbɔr ki jon Kenn a manug. Yada bu le Uwonbɔr nan pag u ke u ye ubuchin le, Uwonbɔr kaah nan pag nan ŋan ki jiin u manugin paamin. Yada bu le u le la pag, hali nin waah le kpo nan.

Jemisi 3:18

Ban jɔɔ limɔril ki bu tibur nin nposɔɔn nin, bi na li chiɛ nin tibuchinn.

1 Piita 3:15

Amaa ni taam Masiya ki ŋa ni sufu ni wee u li ye ni Yudaau. Ki sin li ye ban ŋa sili iyoo biɛn ki guu uninfo wan biɛn li baan ni nan bu wee ni jɔɔ tama. Amaa ni ŋa man nin nbinbem ŋan nin jilima,

1 Piita 3:2

ni ye bi kan ni kasi nin ni jilima a binbem ke.

1 Jɔnn 4:10

Njiɛm sɔ: Naa ye ti jiɛ Uwonbɔr le, amaa Uma jiɛ ti, le ki tunn U bija le u nan mann tibir a manug ti yaa bir bu.

1 Jɔnn 4:19

Ti jiɛ U nan bu-n Uma nan chinn jiɛ ti.