Jɔnn 14:6 - UWONBƆR A GBƆNPƆŊ LIKƆƆNL

⁶ Le Yisa jiin ke, “Min le ye nsan nin ibamɔn nin limiɛfol. Uba kaa chaan Baa-n ban ni wee naa ye min bu.

Uwumbɔr aagbaŋ

⁶ Le Yesu bui u, “Min le ye nsan ngbaan, ni mbamɔn, ni limɔfal. Ubaa aan dan Nte Uwumbɔr chee, see u dii mi.

Jɔnn 14:6 ပူးပေါင်းရင်းမြစ်များ

Matiu 11:27

“Tɔ, n Baa le wɔɔm tibɔr nan biɛn. Uba kaa nyi min Bija-n kaah ye wan ni see n Baa-n; le uba mu kaa nyi n Baa-n ni, see min, wan ye u bija nan, ke maah kpiir ki wɔɔn ban wee n ban ni.

Jɔnn 1:14

Limɔbonlin nan kpann tigbanann nin ncham le ki nan ŋa u kukɔɔbol ti ban. Ti nan kan u paga, kupag kiba kpeŋ kpeŋ, kan nan nyan ti Baa ban nin, ki gbee nin linyunyunbasanl nin ibamɔn nin.

Jɔnn 1:17

Uwonbɔr le nan che Moziz sei ti nsiim; le Yisa Masiya mu bu le ti kan linyunyunbasanl nin ibamɔn.

Jɔnn 1:4

U ni le limiɛfol nan be, limiɛfol nmɔn nan ye usaal a wonweem le.

Jɔnn 10:28

N sei i limiɛfol lan kaa jɔɔ diɛm le, le yaa jɔɔ yin buri; uba kaa li fir fee i n nɔɔn ni.

Jɔnn 10:7

Man bu le Yisa ji nan ke, “N bei ni ibamɔn le, min le ye ipee-n a diig a timansanmɔnn.

Jɔnn 10:9

Min le ye ntimansanmɔnn; wan biɛn nɔɔm ki kɔɔ li kan feegab. U li nɔɔm kɔɔ ki nɔɔm nya, ki tan kan timɔɔr sɔɔn.

Jɔnn 14:19

Naa li yuuri, dulinya nan yaab kaa ji li kami, amaa nim li kam. Nan bu-n maah yin gbaa be nin n miɛfolin, ni mu yin be le nin limiɛfol.

Jɔnn 15:1

Min le ye busub bamɔm, le n Baa le ye ukpadaan.

Jɔnn 18:37

Le Palati ke, “Tɔ a ye ubɔr le!” Le Yisa jiin u ke, “A jɔɔ ibamɔn nin ŋaah pag ke n ye ubɔr nmɔn. Ibamɔn buu, ni ma bu le bi mam, ni ma bu le n dan dulinya nan yaan, n nan ji ibamɔn a siɛra. Le ban be ibamɔn paamin pelig n bɔr.”

Jɔnn 5:21

Nan bu-n Baa-n kaah le fiin ban kpo nkumin ki tenn bi limiɛfol man nin, man le Bija-n mu tenn ban wee u num gbee limiɛfol.

Jɔnn 6:33

Nan bu-n Uwonbɔr a boroboro ye min wan nyan paab ki jiirin ki nan tenn dulinya nan a ninfob limiɛfolin le.”

Jɔnn 6:51

Min le ye boroboro kan fo-n wee ki nyan paabin. Ni ye uninfo wan ŋman boroboro nan ke, u yin be le ki gbaa be. Boroboro nan le ye n gbanann, tan wee n yin ta sei dulinya, dulinya nan a miɛfol bu.”

Jɔnn 6:57

Ke Baa wan fo-n kaah nan tum wee n be ki jɔɔ limiɛfol Baa-n bu-n, man mu le wan ŋman n gbanann li jɔɔ limiɛfol n bu.

Jɔnn 6:68

Le Simɔnn Piita jiin u ke, “Uyudaan, ti ni yin jo ŋma ban naa? A jɔɔ limiɛfol lan kaa jɔɔ diɛmin a mɔboi le.

Jɔnn 8:32

Ni li biɛ ibamɔn kaah ye nan, le ibamɔn nmɔn li che ni kan feegab.”

Jɔnn 8:51

N bei ni ibamɔn le, ni ye ke wan biɛn ŋmag maah wɔɔn man ni ke, waa li nyi kpo.”

Lituln 3:15

Nim le ku limiɛfol daan nmɔn, amaa le Uwonbɔr fiin u nkumin. Le tim le ye ni siɛradam.

Lituln 4:12

Nŋmarim kaa be u ba ban ni, le liyinl liba le kaa be dulinya nan yaan wee Uwonbɔr ta sei bininfob ke bin yin ki kan nŋmarimi, see Yisa a binba.”

Lituln 9:2

ke un gaa tigbann ki jo Damasiko a wonjiɛndirin ki tan choo ban nɔɔ Yisa a samin bijab nin bipiib ki ta bi jirin Jerusalam ki nan ŋa bi kuloondiigin.

Rom Yaab 15:16

ke n ŋa Masiya a toontunnu ki sei ban kaa ye Juu yaabin ki ta Uwonbɔr a bɔŋann nin tun itoon ke uminmanirin, wee Uwonbɔr n gaa ban kaa ye Juu yaabin ke kumanug kan wee Kasi a Naaŋ ŋa ki kasi-n.

Rom Yaab 5:2

wan a yada bu wee ti kan Uwonbɔr a nyunyunbasanl lan yaan wee ti nin be nan. Le ni mɔ ti nin tama kan wee ti jɔɔ-n ke ti na li por Uwonbɔr a pag.

Rom Yaab 5:21

naah ŋa man wee titoonbir che nkum nyaŋ bininfob biɛn nin, man mu le nbuchin binben mu yin che linyunyunbasanl mu n sei ti limiɛfol lan kaa jɔɔ ndiɛmi ti Yudaau Yisa Masiya bu.

1 Korenti 15:45

Man le ni sɔb Uwonbɔr a gbɔŋin ke, “Chinchinn a ninfou Adam nan ye wan fo le,” le Adam wan joorin mu ye wan tenn kinaaŋ a miɛfol.

Efesusi 2:18

Masiya bu le kinaaŋ kiba nmɔn ta ibol ilee nmɔn biɛn foon ti Baa Uwonbɔr ban.

Kolosiya 2:17

Ti nan le ye tiwann tan yin dan nin a jinjiim amaa niwann bamɔn nin be Masiya ni le.

Kolosiya 2:9

Ni ma bu Uwonbɔr a nunaŋ be Masiya a gbanann nin le waah nan ye uninfo-n,

Kolosiya 3:4

Masiya wan ye ni miɛfolin nan degirin ke, iyaayoo nim nin uma na li degirin nin kupag.

Hiibru Yaab 7:25

Mambu u li fir fee ban dan Uwonbɔr ban u ma bu-n iyoo biɛn ki gab, nan bu-n iyoo biɛn u be le ki miɛ ter bi.

Hiibru Yaab 9:8

Kasi a Naaŋ nan wɔɔn ni niɛ le ke, nsan man chaa kasi mu a kasi a bolin kaa la loori, chinchinn a wonjiɛn nanboŋin kaah la si n bu.

1 Piita 1:21

Uma bu le ni ŋa Uwonbɔr yada, wan nan fiin Yisa nkumin ki sei u kupag, mambu ni yada a ŋaam nin ni tama be Uwonbɔr ban le.

1 Piita 2:4

Naah chaan Uyudaan ban nin, wan ye limiɛfol a tangbagil lan wee bininfob yii win, amaa le Uwonbɔr a num gbee u le U gann win,

1 Piita 3:18

Nan bu-n nba le Masiya nan kpo ki sei tibirdam biɛn, ubuchin nan gaa ban kaa ye bibuchim a kum ki kpo, ke un che ni foo Uwonbɔr ban. Bi nan ku u le tigbanann ni le u ji kan limiɛfol Kinaaŋ bu,

1 Jɔnn 1:8

Ni ye ti ke taa jɔɔ tibir ke, ti lar ti ba le, le ibamɔn kaa be ti ban ni.

1 Jɔnn 2:23

Wan yii Bija-n ke udaan kaa jɔɔ Baa-n ni; wan gbir sei Bija-n ke, udaan jɔɔ Baa-n mu.

1 Jɔnn 5:20

Le ti ji nyi Uwonbɔr a big kaah dan ki nan sei ti nbiɛm, ke nin che ti biɛ Uma wan ye ibamɔndaan nin. Le ti mu be nin Uma wan ye ibamɔndaan nmɔn, hali nin U big Yisa Masiya. U ye ibamɔn a Wonbɔru le nin limiɛfol lan kaa jɔɔ ndiɛm.

1 Jɔnn 5:6

Yisa Masiya le ye wan nan dan nin nnyum nin ncham. Naa ye nnyum a binba bu le u nan dan ni, amaa nnyum nin ncham bu. Le Kasi a Naaŋ jin ni siɛra, nan bu-n Kinaaŋin ye ibamɔn le.

2 Jɔnn 1:9

Uninfo wan paa lagir wee kaa gbaa be Masiya a wɔɔmin yaan ke, waa jɔɔ Uwonbɔr i; wan gbaa be nwɔɔmin yaan ke, u jɔɔ Baa nin Bija-n le.

Tibɔkpiirkaan 1:5

Linyunyunbasanl nin nposɔɔn lan ji nyan Yisa Masiya, wan ye ibamɔn a siɛradaau win, kibininkpeeg kan chinn fii nkumin, nin wan ye dulinya nan a bɔrtiib biɛn a bɔru win li be ni ban. Wan jiɛ ti wee ki ta u cham ki nyan ti tibirin nin,

Tibɔkpiirkaan 19:11

Le n nan kan paab kaah loor, le utanpeen si niin n nintogil, le wan jig ki a yinl ye yada daan nin ibamɔn. Le u ji tibɔr nin tibuchinn, ki tog bitɔb.

Tibɔkpiirkaan 20:15

Ni ye wan a yinl kaa nan sɔb ŋa limiɛfol a gbɔŋin yaan ke, bi nan ti ta u le ki gab nŋmi a mɔgilin yaan.

Tibɔkpiirkaan 22:1

Iyaayoo le malaka nan wɔɔnim nkpen man ye limiɛfol a nyum, ki ween ke niɛnu a maarin, ki puu nyan Uwonbɔr nin Kipeebigin a naangbɔŋin,

Tibɔkpiirkaan 22:17

Le Kinaaŋ nin ki bɔɔnh nin len ke, “Dan!” Wee ki che wan gbir nlen ke, “Dan!” Nnyunyum jɔɔ wan ke, ni che un dan; le wan ban ke ni che un gaam limiɛfol a nyum sei kaam man ye yɔli.

Tibɔkpiirkaan 3:14

Le ki ji ke, “Sɔb ki sei Laodisiya a wonjiɛm a malaka ke: Wan a yinl ye Ibamɔn nin, nin ibamɔn a yada a siɛradaan wee ki ŋmag nan biɛn wee Uwonbɔr naan nin a mɔleen sɔ.

Tibɔkpiirkaan 3:7

Ki ji ke, “Sɔb sei Filadelifiya a wonjiɛm a laguŋ a malaka: Wan be kasi ki ye ubamɔndaan ki ŋmag Defid a naanganl a piimin a mɔleen sɔ. U loor nan ke uba kaa li fir loon ni, le nan mu wee u loon ke uba kaa be ki li fir loor ni.