Jɔnn 14:31 - UWONBƆR A GBƆNPƆŊ LIKƆƆNL

³¹ amaa ni kpaa le nin dulinya nan n tinn ki biɛ ke n jiɛ Baa-n le ki tun waah wɔɔnim man nin dede. “Ni che ti fɔɔr do; daandaan nan.

Uwumbɔr aagbaŋ

³¹ M ban ke dulnyaa ni aanib bee ke m gee Nte Uwumbɔr, nima le m ŋani waah tuk mi pu na mɔmɔk. “Fiin, ti li cha man.”

Jɔnn 14:31 ပူးပေါင်းရင်းမြစ်များ

Matiu 26:39

Le u fɔr ki jon bi nintogil wama, ki gbaan le u yutunl tan ma tum, le ki miɛ Uwonbɔr ke, “N Baa, ni bi li fir ke, a laa che n nyu kiyiinyɔɔg nan yaan ni. Amaa che a bam le n tun, wee ni laa ye min a bami.”

Matiu 26:46

Ni fiiu man, wee ti jo! Ni lig, wan kɔɔrimin le chaan nin!”

Tibɔnyaan ti Luk ŋmee ti na 12:50

Amaa n jɔɔ nnyum a fum n gaa, ni yin ŋaam npoobiin le hali nin naah na li diɛ.

Jɔnn 10:18

Uba kaa fee n miɛfolin nmɔn n ban ni, amaa n tɔɔl a wiib le n ta bil bi. N jɔɔ tininkper a pɔɔm ki li fir taa ki bil nin tininkper a pɔɔm ki ji li fir gaa li. N nan gaa nsiim nan n Baa-n ban le.”

Jɔnn 12:27

“Daandaan nan n binbem ye limugil le, ke n yin len ke niin? ‘N Baa, feem gab n-yonn man wee n be nan naa’? Aai, ni nan bu le n nan dan.

Jɔnn 12:49

Nan bu-n maa pag n tɔɔl a pɔɔmin, amaa Baa wan tumin le beim maah li len man nin maah li pag man.

Jɔnn 13:1

Ni nan yin wonn kutaag Yuglagir a Chiigin le. Le Yisa nan nyi ke iyoo foo nin u nya dulinya nan yaan ki jo Baa-n ban. Waah pii nan jiɛ u yaab ban be dulinya nan yaan nin, le u nin nan ta u jiɛm man gbee-n kaah kpaa man ki wɔɔn bi.

Jɔnn 15:9

“Ke Baa-n kaah nan jiɛm man nin, man le n mu jiɛ ni. Daandaan nan li be nin n jiɛmin yaan na.

Jɔnn 18:11

Le Yisa nan bei Piita ke, “Ta a takoobi-n jiin kutɔɔgin na! N laa nyu kiyiig kan wee n Baa ta seimin yaan naa?”

Jɔnn 4:34

Le Yisa len ke, “N yaa jiir ye n tun wan nan tunim kaah ban man le ki sin diɛ itoon yan wee u seim ke n tun nin.

Filipi 2:8

Waah nan kpenn ki gaa uninfosaal a gbanann nin bu, le u nan jiin u ba tum, le ki chee nkum a mɔb, hali ki kpo lidapunpunl bu!