Jɔnn 14:27 - UWONBƆR A GBƆNPƆŊ LIKƆƆNL

²⁷ Nposɔɔn li be ni ni; nposɔɔn man be n nin le n ta sei ni. Maa sei ni ke dulinya kaah tenn man nin ni. Ni laa che ni mug ni sufu ki laa san bijawaami.

Uwumbɔr aagbaŋ

²⁷ “M tii nimi nsuudoon la. Maah kpa nsuudoon pu na, kina le m tii nimi. Dulnyaa aawan aa ŋmaa tii nimi nsuudoon ke maah tii nimi pu na. Ni taa cha ilandak li muk nimi, ki taa san ijawaan man.

Jɔnn 14:27 ပူးပေါင်းရင်းမြစ်များ

Matiu 10:26

“Mambu ni laa san bi bijawaami. Niba li kaa be ki pii wee kaa na li piiri, bee ki woo wee kaa na li nya npaan nin ni.

Tibɔnyaan ti Luk ŋmee ti na 1:79

Ni na li wonn bininfob ban be libunbɔnlin ki san nkum a jawaam nan bu, Ni ma wɔɔn ti nsan man li sei tim nposɔɔn nan.”

Tibɔnyaan ti Luk ŋmee ti na 10:5

“Ni yin kɔɔ iniin yan yaan ke ni chinn ki len ke, ‘Nposɔɔn li be iniin nan bu.’

Tibɔnyaan ti Luk ŋmee ti na 12:4

“N jɔtiib, n bei ni le, ni laa san bininfob bijawaami, bi lee li fir ku ni gbanann a binba le; amaa le kaa ji li fir ŋa ni niba.

Tibɔnyaan ti Luk ŋmee ti na 2:14

“Kupag ye Uwonbɔr wan be paab nan a yaan le. Nposɔɔn li be dulinya nan a ninfob ban bu wee U nyɔɔr be-n.”

Jɔnn 14:1

“Ni laa che ni mug ni sufu. Ni gaa Uwonbɔr jiu; ki gaa n mu jiu.

Jɔnn 16:33

“N bei ni ni niɛ nan, naah li ŋa man wee ni li jɔɔ nposɔɔn nni. Dulinya nan yaan ni li kan tibɔmugkaar. Amaa ni che ni sufu li pɔɔu! N nyaŋ dulinyau.”

Jɔnn 20:19

Nnyantoon a chinchinn a weem a daal a jɔɔg, le bi bɔɔnɔɔbin nan lagin be kudiig kiba a poolin, bi nan kpal inaangan le baah nan san Juu yaab bijawaamin bu, le Yisa dan ki nan sir bi sisiigin ki ke, “Nposɔɔn li be nin ni!”

Jɔnn 20:21

Le Yisa ji nan bei bi ke, “Nposɔɔn li be nin ni! N Baa kaah nan tum man nin, man le n mu tun ni.”

Jɔnn 20:26

Iween ilile a bɔɔn U bɔɔnɔɔb ji nan be iniin le, le Tomasi nan be bi ban. Hali inaangan nan kpal le, amaa le Yisa kɔɔn ki nan sir bi sisiigin ki bei bi ke, “Nposɔɔn li be nin ni!”

Lituln 10:36

Ni nyi tibɔr tan wee Uwonbɔr nan pag sei Iziral yaab ki wɔɔn bi tibɔŋann tan ye nposɔɔn Yisa Masiya bu, u ma ye ti biɛn a Yudaau.

Lituln 18:9

Weemba a nyiɛg le Pɔɔl nan kan zii le Uyudaan pag nin u ke: “Laa san bijawaami; wee ki li mɔɔn n bɔŋann nmɔn na, ki laa ŋmin ni.

Rom Yaab 1:7

N poor nim ban biɛn be Rom wee Uwonbɔr jiɛ ni ki yin ni wee ni ye U ninfogann kaabin: Ti Baa Uwonbɔr nin ti Yudaau Yisa Masiya a nyunyunbasanl nin nposɔɔn li be nin ni.

Rom Yaab 15:13

Che tama a Wonbɔru win gbeen ni nmɔn biɛn nin nposɔɔn naah ga U jin nin bu, wee ni li jɔɔ tama kan yab ki tan lagir, Kasi a Naaŋin a pɔɔm bu.

Rom Yaab 5:1

Mambu, ti yada kan che ti ŋa bininfoŋam Uwonbɔr ban nin, li che ti be Uwonbɔr ban nin nposɔɔn ti yudaau Yisa Masiya bu,

Rom Yaab 5:10

Taah nan ye Uwonbɔr a duntiibin, le U bija a kumin bu tim nin U ma jir ki mɔŋ nin tab, nan jon man le ye taah jir mɔŋ nin Uwonbɔr nan, U bija a miɛfolin bu ti li kan fee gab.

Rom Yaab 8:6

Wan ta u potiɛl ŋa tigbanann a bamin yaan ke ni ye nkum le, amaa lipotiɛl lan mu wee Kasi a Naaŋin ŋmagin ye limiɛfol le nin nposɔɔn;

1 Korenti 1:3

Ti Baa Uwonbɔr nin ti Yudaau Yisa Masiya a nyunyunbasanl nin nposɔɔn li be ni bu.

Galantiya 1:3

Ti Baa Uwonbɔr nin ti Yudaau Yisa Masiya a nyunyunbasanl nin nposɔɔn li be ni bu,

Galantiya 5:22

Amaa kinaaŋin a looi le ye njiɛm, nmɔn, nposɔɔn, limɔril, tiŋann, nbinben ŋan, si nba bu,

Galantiya 6:16

Uwonbɔr a posɔɔm nin u nyunyunbasanl li be ban nɔɔ nwɔɔm nan bu, hali nin ban ŋa Uwonbɔr a bɔŋann nin yada-n ban ye Juu yaab nin ban kaa ye Juu yaabin biɛn.

Filipi 4:7

Le Uwonbɔr a posɔɔm, man yab ki lagir uninfosaal a biɛm bu-n le che ni ŋmag Masiya ni sufu ni nin ni potiɛlin.

Kolosiya 1:2

Le sɔb kugbɔŋ nan ki tenn nim ban ye ti nabum ban be kasi ki si bogil liba Masiya ni Kolosiya a tiŋin ni. Ti Baa Uwonbɔr a nyunyunbasanl nin u posɔɔm li be nin ni.

Kolosiya 1:20

Uma bu le Uwonbɔr nan che niwann biɛn jir mɔŋ nin tab, Yisa a cham man nan nyan lidapunpunl bu-n le che nposɔɔn dan.

Kolosiya 3:15

Ni che Masiya a posɔɔmin li ŋmag ni sufu, ke naah ye tigbanann tiba a ninfob wee u yin nposɔɔn ni. Ni li tenn Uwonbɔr kunɔɔpooga.

2 Tesalonika 1:2

Ti Baa Uwonbɔr nin ti Yudaau Yisa Masiya a nyunyunbasanl nin nposɔɔn li be ni bu.

2 Tesalonika 3:16

Uyudaan wan ye nposɔɔndaan baan tɔɔl n sei ni nposɔɔn isaŋ biɛn nin niwann biɛn nin. Uyudaan li be nin ni biɛn.

2 Timoti 1:7

Uwonbɔr kaa ta Kinaaŋ kan li che ti san bijawaam le sei ti, amaa U sei ti Kinaaŋ kan li che ti jɔɔ npɔɔn le, nin njiɛm nin taah li dar tiba a tul man.

Hiibru Yaab 13:20

Uwonbɔr wan ye nposɔɔndaan wan nan ta tipoor tan kaa jɔɔ diɛmin a cham ki fiin ti yudaau Yisa wan ye upeekpaaŋanin nkumin nin,

Hiibru Yaab 7:2

le Abiraham nan nyan waah jɔɔ nan biɛn piig a poolin libaba ki sei u. Chinchinn, Melikizɛdɛg a yinl a taai le ye “Tibuchinn a bɔru”; le ki ji ye “Salem a bɔru” le li mu a taai ye “Nposɔɔn a bɔru.”

Tibɔkpiirkaan 1:4

Min Jɔnn, le sɔb kugbɔŋ nan ki tenn biwonjiɛm a laginn tilile tan be Asiya a yerin ni: Linyunyunbasanl nin nposɔɔn lan nyan Uwonbɔr ban li be nin ni, Uma wan be, nin wan nan be, nin wan yin dan, ki ji nyan ntinaam milile man be u naangbɔŋin u nintogilin li be ni ban.

Tibɔkpiirkaan 2:10

Ni laa che bijawaam jɔɔ ni fala kan wee ni yin ji nbu. N bei ni le, Sintani li loon nim bibam tiloondirin ki mag ni, le nin che ni ji fala iweehn piig. Ni le li ŋmag ni yadau, hali ni le ye nkum ke ni, wee n nan sei ni limiɛfol a yuchigirig.

Tibɔkpiirkaan 21:8

Amaa ban kaa jɔɔ lipoobil, nin ban kaa jɔɔ yada, nin bipootondam, nin bininfokub, nin ban tun iwanchɔgin toon lipiibanl nin lijabanl, nin ban ye binyɔgdam, nin bibawomanib, nin tibɔkardam biɛn na yin be lichibil a ŋmiim a mɔgilin yaan. Ni niɛ le ye nkum man kpiɛ milee.”