Jɔnn 14:26 - UWONBƆR A GBƆNPƆŊ LIKƆƆNL

²⁶ Amaa Utiter, Kasi a Naaŋ, wan wee Baa-n yin tun u n yinl bu-n, li wɔɔn ni niwann biɛn ki tiɛr ni niwann nan biɛn wee n nan bei ni.

Uwumbɔr aagbaŋ

²⁶ Nte Uwumbɔr ga tun ni Uteter, maayimbil pu. Uteter ngbaan ye Waafuur Nyaan la. Uma le ga mɔk nimi tibɔr mɔmɔk aatataa, ki ga teer nimi maah tuk nimi tibɔr timɔk na.

Jɔnn 14:26 ပူးပေါင်းရင်းမြစ်များ

Matiu 1:18

Baah nan ma Yisa Masiya man sɔ: U na Meri nan ye Josef a jakpeŋ le, amaa baa la nan kɔɔn tabi, le bi nan kan ki miin Meri jɔɔ lipool le. Kasi a Naaŋ a pɔɔm bu.

Matiu 1:20

Amaa waah ni nan tiɛr ni niɛ nan bu-n, le Uwonbɔr a malaka degirin u bu tidindɔgin ni, le ki nan bei u ke, “Fin Josef wan ye Defid a yaabil nan, laa san bijawaam ke a ta Meri kun ki tan ŋaa u a poo, nan bu-n waah jɔɔ lipool lan ni, Kasi a Naaŋ a pɔɔm le che u choo lipool nmɔn.

Matiu 28:19

Ni bu, ni li chaa kutingbɔŋ nan yaan, binib a booli biɛn ban ki ŋa bi n-yaa bɔɔnɔɔb, ki fu bi Uwonbɔr a nyunful, Baa nin Bija nin Kasi a Naaŋ a yinl bu,

Matiu 3:11

“Min fun ni nnyum man wɔɔn ke ni jiɛn ni toonbira, amaa wan yin ŋɔɔrin n bɔɔn nan ma jon ma, le maa pii kpaan nin n tu u naatagili, u ma yin fun ni Kasi a Naaŋ nin nŋmi.

Tibɔnyaan ti Mak ŋmee ti na 12:36

Kasi a Naaŋ le nan gbeen Defid, le u ke, ‘Uwonbɔr nan bei n Yudaau ke, kalim n nɔɔjiim paam hali nin maah na li che a dataam nkpann a taai a tɔɔn bol.’

Tibɔnyaan ti Mak ŋmee ti na 13:11

Bi nan ta ni ki jon bibɔjib ban ke, ni laa che ni mug ni naah li pag man ni, n-yonn nmɔn nan foo ke, Kasi a Naaŋ li wɔɔn ni naah li pag man, tibɔr tan wee ni na yin pag nmɔn kaa na yin ye ni baantɔɔl a bɔri, ni na yin nya Kasi a Naaŋin ban le.

Tibɔnyaan ti Luk ŋmee ti na 1:15

U nan yin ye lininfo gbingbemil le Uwonbɔr a nintogil, kaa biɛ nan yin nyu ndaam a booli biɛn ni. U na yin gbee nin Kasi a Naaŋ le u maalimin na.

Tibɔnyaan ti Luk ŋmee ti na 1:35

Le malaka n bei u ke, “Kasi a Naaŋ li jiirin a bu, Uwonbɔr wan be paab nan a pɔɔm li biin a bu. Ni ma bu ŋaah li maa kibig kan nan yin ye kasi daan le, le bi li yin u Uwonbɔr a Bija.”

Tibɔnyaan ti Luk ŋmee ti na 1:41

N-yonn man wee Elizabef gbir Meri a poori, le u big dam dam u poolin. N-yonn nmɔn le Kasi a Naaŋ gbeen Elizabef.

Tibɔnyaan ti Luk ŋmee ti na 1:67

Le Kasi a Naaŋ nan gbeen Jɔnn a baa Zakariya, le u pag ilinlen leen ke,

Tibɔnyaan ti Luk ŋmee ti na 11:13

Ke ni ye nim tibirdam nyi naah li sei ni buwaab liwanŋanl man ke, ni Baa Uwonbɔr wan be papaab nan man kaa ni li ta Kasi a Naaŋ nan ki sei bininfob ban miɛ win naa?”

Tibɔnyaan ti Luk ŋmee ti na 2:25

Uja uba le nan be Jerusalam, bi nan yi u ke Simiɛn. U nan ye uninfo buchinn le ki sin ŋmag Uwonbɔr a siimin nbamɔm, le Kasi a Naaŋ nan be u bu, ki lig lidaal man wee Uwonbɔr na li fee Iziral yaab ki jaa.

Tibɔnyaan ti Luk ŋmee ti na 24:49

N yin sei ni nan wee n Baa nan siin limɔsiinl ke u li sei ni-n le; amaa ni laa nya kitiŋin yaan ni, ki li guu n-yonn man wee npɔɔn na li nya paab ki jiirin ki nan piin ni bu.

Tibɔnyaan ti Luk ŋmee ti na 3:22

le Kasi a Naaŋ jiirin u bu nin tigbanann ki nann ulanjel. Le likukɔl nyan paab ki len ke, “Fin le ye n bija, wan wee n jiɛ; fin le n num gbee.”

Jɔnn 1:33

Maah bi li nyi wi, wee naa ye wan nan tunim ke n nan fu bininfob Uwonbɔr a nyunfulin le nan beim, ‘Uja wan wee ni kan Kinaaŋ jiirin ki nan tɔɔn u bu-n le ye wan li ta Kasi a Naaŋ ki fu bininfob Uwonbɔr a nyunful.’

Jɔnn 12:16

Chinchinn u bɔɔnɔɔb kaa nan biɛ ni niɛ biɛn nan ni. See Yisa a pag a bɔɔn le bi nin nan biɛ ke nan sɔb nan, nan sɔb u bu le, le bi nan tun ni niɛ nan biɛn ki sei u.

Jɔnn 14:16

Le n li baan Baa-n, wee un ji sei ni utiter uba wan na li gbaa be nin ni n-yonn biɛn.

Jɔnn 14:25

N pag ni nan biɛn maah la be ni ban nin le.

Jɔnn 15:26

“Utiter, wan wee n yin tun u wee un nyann Baa-n ban nin, ki ye ibamɔn a naaŋ kan nyann Baa-n ban nin dan ke, u li ji n siɛra.

Jɔnn 16:7

Amaa n bei ni ibamɔn le: N fɔr ke ni yin kpiɛ nim le. Maa jon ke, Utiterin kaa yin dan ni ban ni; amaa n jon ke, n li tun u ni ban.

Jɔnn 2:22

Waah nan fii nkumin a bɔɔn, le Yisa a bɔɔnɔɔb ni nan tiɛr waah nan len man nin. Le bi nan ŋa Uwonbɔr a gbɔŋ nin imɔleen yan wee u nan pagin yada.

Jɔnn 20:22

Le ki nan foor ki jaa bi bu ki ke, “Ni gaam Kasi a Naaŋ.

Jɔnn 6:45

Ni sɔb bilinlem a gbɔŋin ke: ‘Uwonbɔr na li wɔɔn bi biɛn.’ Ban biɛn pelig Baa-n kaah len man nin wee ki tinn u ban nin li dan n ban.

Jɔnn 7:39

Yisa kaah nan pag man nin, u nan len Uwonbɔr a Kasi a Naaŋ kan wee ban ŋa u yada-n na yin ga-n le. Ki nan nan kpaa n-yonn nmɔn nin, Uwonbɔr kaa la nan ta Kinaaŋin ki sei ban ŋa u yada-n ni, nan bu-n Yisa kaa la nan kan kupagi.

Lituln 1:2

ki nan kpaa lidaal lan wee bi nan nan ta u don paabin, Kasi a Naaŋin kaah nan che u wɔɔn u tooi yan wee u gann nin, le Uwonbɔr nin nan ta u don paab.

Lituln 1:4

Kulaguŋ kuba ni, le u nan lagin ki ka ji nin bi, le ki nan sei bi limɔsiinl nan: “Ni laa nya Jerusalami, amaa ni li guu ipiin yan wee n baa nan siin limɔsiinl lan wee ni gbir n pag li bɔrin.

Lituln 1:8

Amaa ni li kan npɔɔn n-yonn man wee Kasi a Naaŋin li jiirin ni bu-n, le ni na li ji n siɛra Jerusalam nin Judiya a timin biɛn nin Samariya nin dulinya nan a logi nan biɛn.”

Lituln 11:16

Le n tiɛr Uyudaan kaah nan len man nin, ‘Jɔnn nan fun ni Uwonbɔr a nyunful le, amaa nim ma yin gbee nin Kasi a Naaŋ le.’

Lituln 13:2

Baah nan be jiɛn Uwonbɔr ki lolig imɔɔŋin, le Kasi a Naaŋ nan bei bi ke, “Ni nyam Banabasi nin Sɔɔl, wee bin tun itoon yan wee N yin bi ke bin tun ni.”

Lituln 13:4

N-yonn nmɔn le Kasi a Naaŋ nan ta bininfob bilee nmɔn ki nyan nsan bu, le ki che bi jon Selesiya ki tan kɔɔ kuŋaluŋ niin ki jon Saipuru.

Lituln 15:28

Ni ŋan ki sei Kasi a Naaŋ nin tim wee ti laa che nin mug ni ki jo nsiim man sɔb nan ni:

Lituln 15:8

Uwonbɔr wan nyi uninfosaal a sufu ni nin, u ma gaa ban kaa ye Juu yaab ki sei bi Kasi a Naaŋ, ke waah nan sei ti man nin.

Lituln 16:6

Kasi a Naaŋ kaah kaa nan chee ke bin mɔɔn tibɔrin nmɔn Asiya a yerin nin ni, le Pɔɔl nin u ninɔɔtabin nan nɔɔ Ferijiya nin Galantiya a tingbɔŋin.

Lituln 2:33

Le Uwonbɔr ji ta u kaan U nɔɔjiim paam. Waah kal n-yonn man nin, le u gaa Kasi a Naaŋ kan wee Uwonbɔr nan siin limɔsiinl ke U na li sei win, Kasi a Naaŋ nmɔn le u ta sei ti, le ti gbir ki kan.

Lituln 2:4

Le bi biɛn nan gbee nin Kasi a Naaŋ ki piin ki pag ileen pɔɔn kinaaŋin a pɔɔmin.

Lituln 20:28

Ni li ŋmag niba nbamɔm nin ipee yan biɛn wee Kasi a Naaŋ ta ŋubin ni nɔɔn ke ni li guu-n. Ni li guu Uwonbɔr a ninfobin na, ban wee U ta U cham ki daa-n.

Lituln 20:35

Maah tun man nmɔn n wɔɔn ni le ke see ke ti tun takpem wee ki ter bilanjiim, ni li tiɛr Uyudaan Yisa kaah nan len ke: ‘Tikaar be wan pu bu ki jon wan gaan na.’ ”

Lituln 28:25

Le limɔkpel nan dan bi sisiigin le bi piin ki worin, baah gbir Pɔɔl a mɔboi joor kaai n-yaa bɔɔn ke. “Kasi a Naaŋ nan pag ibamɔn le ki sei ulinlenn Azaya, le u pag ki sei ni Yaajam:

Lituln 5:3

Le Piita baan u ke, “Ananiɛsi, ba ŋa wee a che Sintani kɔɔ a sufu ni, wee a por tibɔkar ki sei Kasi a Naaŋ ki nyan ilig yan wee a kɔɔr a paamin ki woon naa?

Lituln 7:51

“Tɔ, le Sitifin ji nan len ke, “Ni tuli pɔɔ pam, naa nɔɔ Uwonbɔr a sam nin ni sufu, kaa pelig u bɔri! Iyoo biɛn ni yiin Uwonbɔr a Kasi a Naaŋin le, ke ni yaajam kaah nan yii u man ni!

Lituln 7:55

Amaa le Sitifin gbee nin Kasi a Naaŋ, le ki waan lig papaab, ki kan Uwonbɔr a pag, le Yisa si Uwonbɔr a nɔɔjiim paam,

Rom Yaab 14:17

Nan bu-n Uwonbɔr a naamin kaa ye tijikaar nin tiwann nyuwann a bɔri, amaa mi ye nbuchin binben le, nin nposɔɔn, nin nmɔn Kasi a Naaŋin yaan,

Rom Yaab 15:13

Che tama a Wonbɔru win gbeen ni nmɔn biɛn nin nposɔɔn naah ga U jin nin bu, wee ni li jɔɔ tama kan yab ki tan lagir, Kasi a Naaŋin a pɔɔm bu.

Rom Yaab 15:16

ke n ŋa Masiya a toontunnu ki sei ban kaa ye Juu yaabin ki ta Uwonbɔr a bɔŋann nin tun itoon ke uminmanirin, wee Uwonbɔr n gaa ban kaa ye Juu yaabin ke kumanug kan wee Kasi a Naaŋ ŋa ki kasi-n.

Rom Yaab 5:5

Le tama kaa li che ti ji ifa, nan bu-n Uwonbɔr nan che U Kasi a Naaŋ kan wee U ta sei ti-n le kpaar U jiɛmin ki ŋa ti sufu ni.

1 Korenti 12:3

Mambu le n bei ni ke, uninfo wan jɔɔ kasi a Naaŋ a pɔɔm ki pag kaa li fir poo bimɔb ki ŋa Yisa, uba mu kaa li fir ke, “Yisa ye Uyudaan ni,” see kinaaŋin be u ni.

1 Korenti 6:19

Naa nyi ke ni gbanann ye Kasi a Naaŋ a diig lee? Naa ye u ma le Uwonbɔr ta u ki sei ni nnaa? Naa ye niba

2 Korenti 13:14

Ti yudaau Yisa Masiya a nyunyunbasanl nin Uwonbɔr a bam, nin Kasi a Naaŋ a mɔkpaam li be ni biɛn ban.

2 Korenti 6:6

ti ye bipopendam le, ki jɔɔ nnyinyin, limɔril nin nbinben ŋan ki gbee nin Kasi a Naaŋ nin njiɛm,

Efesusi 1:13

Ni tɔɔl nan kpiɛ ki be nin Masiya le, naah nan gbir imɔleen yan ye ibamɔn nin, ki ye ni feeja a bɔŋann nin. Naah ŋa yada-n bu, le Uwonbɔr ta U yaa daagim ki daag ni, lan ye limɔsiinl Kasi a Naaŋin,

Efesusi 1:17

N le miɛ ti Baa wan ye ti Yudaau Yisa Masiya a Wonbɔru, ki ye ti Baa wan ye jilimadaan nin ke, Un sei ni Kinaaŋ a lam nin kpiir wɔɔn, wee ni mann biɛ U nbamɔm.

Efesusi 4:30

Ni laa bii Uwonbɔr a Kasi a Naaŋ a sufu, wan wee Uwonbɔr taah daag ni nkpenim a manugin a daal.

1 Tesalonika 4:8

Mambu uninfo wan yii kaa nɔɔ nwɔɔnim nan ke, naa ye uninfosaal le u yii amaa u yii Uwonbɔr wan sei ni U Kasi a Naaŋin le.

2 Timoti 1:14

Li ŋmag tinyɔɔŋann tan wee bi nan ta wɔɔniŋ nna, Kasi a Naaŋ kan be ti ni-n li teriŋ wee a fir ŋmag ti nbamɔm.

Taitus 3:5

le U fee ti gab, naa ye ibuchin toon le ti tun ni, amaa U nyunyunbasanl bu. U fee ti gab waah nan fun ti nnyum ki sei ti nmaal pɔɔn nin kinaaŋ pɔŋ Kasi a Naaŋ a pɔɔm bu,

Hiibru Yaab 10:15

Kasi a Naaŋin mu jin kumanug nmɔn a siɛra ki sei ta. Chinchinn u len ke:

Hiibru Yaab 2:4

Uwonbɔr tɔɔl nan jin mi siɛra nin ligaril a siɛra nin lijinjeel a toon nin ligaril a toon balbal, nin waah nan ta U kasi a Naaŋ a piini ki tol bi waah ban man.

Hiibru Yaab 3:7

Ke Kasi a Naaŋ kaah len ke: “Dinan, ni ye ni gbir U kukɔl ke,

Hiibru Yaab 9:8

Kasi a Naaŋ nan wɔɔn ni niɛ le ke, nsan man chaa kasi mu a kasi a bolin kaa la loori, chinchinn a wonjiɛn nanboŋin kaah la si n bu.

1 Piita 1:12

Ni nan kpiir ki wɔɔn bi ke baa nan tun tenn biba le, amaa nim. Bilinlemin kaah nan pag tiwann tan wee ni gbirin wee ban mɔɔn tibɔŋann nin mɔɔn ti sei ni Kasi a Naaŋ kan nyan paabin a pɔɔm bu-n. Hali malakam ban bin biɛ tiwann nmɔn le.

2 Piita 1:21

Ni ma bu-n ilinlen leen kaa nan nyan uninfosaal a sufu a bamin le, amaa Uwonbɔr a Kasi a Naaŋ le nan be bininfob ban le ki che bi pag ilinlen leen.

1 Jɔnn 2:20

Amaa Kasi daan nin kpaar nkpam ki wur ni buu, le ni biɛn nyi ibamɔn nin.

1 Jɔnn 2:27

Nim bu ke naah nan gaa likpanwuril lan nin be ni ban, ni bu naa ji ban uba nwɔɔn ni. Amaa a li ke likpanwuril nmɔn kaah wɔɔn ni niwann biɛn nin, wee likpanwuril nmɔn ye ibamɔn nin, kaa ye kularugin, a li ke likpanwuril nmɔn kaah wɔɔn ni man nin, ni li be u ban na.

1 Jɔnn 5:7

Nan bu-n tiwann titaa le jin ni siɛra:

Juud 1:20

Amaa nim, n jɔtiib, ni li kpiɛg ni ba ni kasi a yada wee ki li miɛ Kasi a Naaŋ.

Tibɔkpiirkaan 2:11

Wan jɔɔ litul ke, ni che un gbir Kinaaŋ kaah bei biwonjiɛm a laginn man. Wan fir nyaŋ ke, waa li kan nkum man yin kpiɛ milee-n a daŋ kolibi.”