Jɔnn 14:21 - UWONBƆR A GBƆNPƆŊ LIKƆƆNL

²¹ Wan biɛn chee ki ŋmag n siimin kaah ban man ke, u ma ye wan jiɛm. Wan jiɛm ke u li kan njiɛm n Baa ban, le n mu li jiɛ u ki ta nba ki wɔɔn u.”

Uwumbɔr aagbaŋ

²¹ “Unii umɔk nyi maakaal ki kii mu na, uma le gee mi. Unii yaa gee mi kan, Nte Uwumbɔr ga li gee udaan ngbaan. M mu ga li gee u, ki ga di mbaa mɔk u.”

Jɔnn 14:21 ပူးပေါင်းရင်းမြစ်များ

Tibɔnyaan ti Luk ŋmee ti na 11:28

Le U jiin ke, “Tikaar be bininfob ban gbir Uwonbɔr a bɔr ki chee ti nan bu,”

Jɔnn 14:15

Ni ye ni jiɛm ke, ni li chee maah bei ni man.

Jɔnn 14:18

Maa li jiɛn ni wee ni be ni binba ke nkpeebimi; n li dan ni ban.

Jɔnn 15:14

Ni ye ni ŋa n siimin kaah len man ke ni ye n jɔtiib le.

Jɔnn 16:14

U li ta kupag ki seim ki ta nan ye n yann nin ki wɔɔn ni.

Jɔnn 16:27

Aai, Baa-n tɔɔl jiɛ ni nan bu-n naah jiɛm wee ki ŋaam yada ke n nyann Uwonbɔr ban nin bu.

Jɔnn 17:23

Le n li be nin bi wee A li be nim. Che bi li jɔɔ nmɔkpaa bamɔn na. Wee nin che dulinya yaab nbiɛ ke Fin le tunim le ki jiɛ bi hali ke ŋaah jiɛm man nin.

Lituln 22:18

zii nmɔn yaan le n kan Uyudaan, le u beim ke. ‘Ŋa weema! Nya Jerusalam libol libol nan na, nan bu-n ni ye a bei Jerusalam yaab n bɔr ke, baa yin gaa tibɔr nmɔn ni.’

2 Korenti 12:8

N balin Uyudaan nfim mitaa ke un nyan nkunkon nmɔn n ban na.

2 Korenti 3:18

Amaa tim ban wee likinkenl kaa deg ti num paamin, le ti kan ti Yudaau kaah jɔɔ tiŋann man takpem, le ni kpenn ti le ti nann u, le ti yaa ŋam nmɔn kpiɛg, le tiŋam nmɔn nyan Uwonbɔr wan ye kinaaŋin ban le.

2 Korenti 4:6

Uwonbɔr kaah nan len ke, “Che nwonween nwonn libunbɔnlin.” U ma che u wonweem ween ti sufu ni, ke un sei ti nbiɛm a weem man li sei Uwonbɔr kupag Masiya a num paam.

2 Tesalonika 2:16

Ti Yudaau Yisa Masiya nin ti Baa Uwonbɔr, wan jiɛ ti nin U nyunyunbasanlin bu n kɔɔn ti lipoobil ki sei ti tama ŋaŋ,

2 Timoti 4:22

Uyudaan li be nin a naaŋ. Linyunyunbasanl li be a bu.

1 Jɔnn 2:5

Amaa wan biɛn chee u mɔbonlin ke, Uwonbɔr a jiɛm ŋa ibamɔn udaan ban na. Ni niɛ nan le che ti biɛr taah be nin Uwonbɔr man:

1 Jɔnn 3:1

Ni lig ti Baa Uwonbɔr kaah pu ki jiɛ ti tan lagir man, ke bi li yi ti ke Uwonbɔr a buwaab! Man mu le ti sin ye! Nan bu wee dulinya yaab kaa nyi ti-n ye baah kaa nyi Uwonbɔr nle.

1 Jɔnn 5:3

Taah li jiɛ Uwonbɔr man sɔ: Ti chee U siimin na. Le U siim nmɔn kaa ye litugili,

2 Jɔnn 1:6

Njiɛm sɔ: Ke ti li nɔɔ U siimin. A li ke naah nan gbir man npiinimin nin, U siim ye le ke ti li choon nin njiɛm.

Tibɔkpiirkaan 2:17

Wan jɔɔ litul ke, ni che un gbir Kinaaŋ kaah bei biwonjiɛm a laginn man. Wan fir nyaŋ ke, n li sei u kulɔŋ a boroboro kan woo-n, wee bi yi ke maana-n. N mu ji li sei u litangbag penl lan wee liyinl pɔnl sɔb paan li bu, le wan gaa litangbagil nmɔn a binba le li nyi liyinl nmɔn a taai.”

Tibɔkpiirkaan 22:14

“Tikaar be ban ŋunn bi wann yɔɔr bu, bi na li kan nsan limiɛfol a siigin ki nɔɔ itimansanmɔnn nin yaan ki kɔɔ kitiŋ nmɔn yaan.

Tibɔkpiirkaan 3:20

Min sɔ! N si ntisamɔn ki kpaar linaanganl. Ni ye wan gbir n kukɔl wee ki loor linaanganl ke, n li kɔɔ wee ki nan ji nin u, wee u mu nji nim.