Jɔnn 13:34 - UWONBƆR A GBƆNPƆŊ LIKƆƆNL

³⁴ N sei ni nsiim pɔm le: Ni li jiɛ taba. Ni kpaa le ni li jiɛ tab ke maah jiɛ ni man nin.

Uwumbɔr aagbaŋ

³⁴ M tii nimi nkaal pɔɔn la, ke ni li gee tɔb. Maah gee nimi pu na, ni mu li gee tɔb kina.

Jɔnn 13:34 ပူးပေါင်းရင်းမြစ်များ

Matiu 5:44

Amaa n bei ni le, ni li jiɛ ni dataama, ki li miɛ Nween ki tenn ban mugir ni nan na,

Jɔnn 15:17

N siim sɔ: Ni li jiɛ taba.

Jɔnn 17:21

ke bi biɛn n ŋa nba; ke Ŋaah be nni wee n mu be A ni man nin. Che bi mu li be nin tima wee dulinya yaab n ŋa yada ke Fin le tunim ni.

Rom Yaab 12:10

Ni ta ni baga ki ŋa kunabitiig a jiɛmin yaan. Ki li tenn tab jilima ki jon ni tɔɔl.

Rom Yaab 13:10

Njiɛm kaa tenn kunkɔɔn tab kidaŋi mambu njiɛm ye nan gbeen nsiimin le.

Rom Yaab 13:8

Ni laa che lipɔnl liba ngur dɔ kaa yɔn ni, man ke lipɔnl lan le gbaa be ki ye ti li jiɛ tabin a binba, ni ma bu wan jiɛ uninfosaal kpiɛg ke u gbeen nsiimin na.

Galantiya 5:22

Amaa kinaaŋin a looi le ye njiɛm, nmɔn, nposɔɔn, limɔril, tiŋann, nbinben ŋan, si nba bu,

Galantiya 5:6

Ni ma bu Masiya ban, taah jii ti pun bee taah kaa jii kaa kpaa talari. Nan kpaa talar le ye yada kan be npaanin nin njiɛm.

Galantiya 6:10

Mambu, taah kan nsan nin ti li tun itoon ŋan, ni che ti li tun itoon ŋan ki tenn bininfob biɛn na, naah dii tɔɔ ban bu le ye ban ye biwonjiɛm a niin yaab.

Galantiya 6:2

Ni li tug tab a tugi ya man, ni ye ni ŋaan man ke, ni li gbeen Masiya a siimin.

Efesusi 5:2

ki li be njiɛm a binbema, ke Masiya kaah jiɛ ti ki ta u ba ki mann kumanug kan jɔɔ nbaam mɔɔm ki sei Uwonbɔr ti bu man nin.

Kolosiya 1:4

nan bu-n ti gbir naah ŋa Yisa yada man, nin naah jiɛ Uwonbɔr a ninfo gannkaabin man na,

1 Tesalonika 3:12

Uyudaan n che njiɛm man wee ni jɔɔ ban ni tabin n mann tann ki pii uninfo biɛn, ke ti yaa bamin kaah be nin ni man nin.

2 Tesalonika 1:3

N nabum, ni ye ti poor Uwonbɔr le ni bu, ni ŋan nin ti ŋa man, nan bu-n ni yada-n le mann yabirig le takpem, le njiɛm man wee ni jiɛ tabin mann kpiɛg le.

Hiibru Yaab 13:1

Ni li jiɛ ni kpiɛtiib ke ni nabuma.

Jemisi 2:8

Ni ye a ŋmag nnaam a siim man be Uwonbɔr a mɔleen yin nin ki ke, “Li jiɛ a kunkɔɔn taba ke ŋaah ban a ba man nin,” ke a ŋa man ke a ŋa choba.

1 Piita 1:22

Naah mann niba kasi wee ki jɔɔ ibamɔn a mɔcheelin wee ki jiɛ ni nabum ibamɔn ni, ni li jiɛ tab nin ni sufu biɛn na.

2 Piita 1:7

ki ta kunabitiig a ŋann ki kpiɛ nwonjiɛn binben nin, ki ta njiɛm ki kpiɛ kunabitiig a ŋann nin.

1 Jɔnn 3:11

Tibɔr tan wee ni gbir npiinimin nin sɔ: Ke ti li jiɛ taba.

1 Jɔnn 3:23

U siim sɔ: Ke ti ŋaam U bija Yisa Masiya a yinl yada, wee ki li jiɛ tab ke waah siin ti man nin.

1 Jɔnn 4:21

Le U sei ti nsiim nan: Uninfo wan biɛn jiɛ Uwonbɔr ke, ni kpaa le nin u li jiɛ u nabig mu.

2 Jɔnn 1:5

Daandaan nan upii jiɛkaa, maa sɔb n siinpɔm le ki tenn niŋi, amaa nsiim man wee ti pii nan gbir npiinimin nin. N beiŋ le ke ti li jiɛ taba.