Jɔnn 13:14 - UWONBƆR A GBƆNPƆŊ LIKƆƆNL

¹⁴ Daandaan nan maah ye ni yudaau nin wan wɔɔnn wee ki ŋunn ni taafar nan, ni baantɔɔl li ŋunn tab a taafara.

Uwumbɔr aagbaŋ

¹⁴ Tɔ, min u ye Nidindaan ni nimi Aamɔmɔkr na aah finn nitaa pu na, ni ŋan ke ni mu li finni tɔb aataa kina.

Jɔnn 13:14 ပူးပေါင်းရင်းမြစ်များ

Jɔnn 11:2

Meri, wan a ninja bun nan, u ma nan ye wan nan kpaar tulaali ki jaa Uyudaan bu ki ji ta u tɔɔl a yukper ki ŋmir U taafar.

Lituln 20:35

Maah tun man nmɔn n wɔɔn ni le ke see ke ti tun takpem wee ki ter bilanjiim, ni li tiɛr Uyudaan Yisa kaah nan len ke: ‘Tikaar be wan pu bu ki jon wan gaan na.’ ”

Rom Yaab 12:10

Ni ta ni baga ki ŋa kunabitiig a jiɛmin yaan. Ki li tenn tab jilima ki jon ni tɔɔl.

Rom Yaab 12:16

Ni li be nin tab nin nmɔn na. Ni laa jɔɔ kalanbaani; amaa ni chee ki li be nin bilanjiima. Ni laa wɔɔn ni biɛmi.

1 Korenti 12:3

Mambu le n bei ni ke, uninfo wan jɔɔ kasi a Naaŋ a pɔɔm ki pag kaa li fir poo bimɔb ki ŋa Yisa, uba mu kaa li fir ke, “Yisa ye Uyudaan ni,” see kinaaŋin be u ni.

1 Korenti 8:13

Ni bu, ni ye nan wee n ji-n li che n na big n tun tibir ke, maa ji li ŋman tinann ni, wee ki che un lu.

2 Korenti 10:1

Min Pɔɔl wan jɔɔ jiininba nin nbinben ŋan Masiya ban ni, le tenn ni bimɔb nan, min wan wee ni ke n be ni ban ke n san bijawaamin amaa wee n nyan ngbaan ke n jɔɔ lipoobilin!

2 Korenti 8:9

Ni nyi ti Yudaau Yisa Masiya a nyunyunbasanl kaah ye man. U nan ye uwandaan le, amaa nim bu le u kpann faladaan, naah li ŋa man wee u fala nmɔn n che ni kpann biwandam.

Galantiya 5:13

N nabum, Uwonbɔr le nan yin ni le ni kpann ban ye biba. Amaa ni li nyi ni nɔɔ ye nba nmɔn bu ki tun tigbanann a kɔlisa a toon; amaa ni li tun tenn tab nin njiɛma.

Filipi 2:11

le lilanbil biɛn na li pag npaan ni ke Yisa Masiya le ye Uyudaan, wee Uwonbɔr wan ye ti Baa n kan kupag.

1 Timoti 5:10

wee bininfob nyi u nbamɔm u toon ŋan bu, ki ta jiin waah wubiri u buwaab man, nin waah tun jiininba a toon ki tenn biwonjiɛm man, nin waah gaan bicham u niin man, nin waah li tenn ban be limugilin literil lan, nin waah ta u ba ki sei itoon ŋan nin biɛn man.

Hiibru Yaab 12:2

Ni che ti ta ti num ki tɔɔn Yisa bu, wan ye ti yada a piinim nin njoorimin. U nan jin fala lidapunpunl bu nin limɔril kaa san ifa, nmɔn man nan dɔ guu nbu, ki kal Uwonbɔr a naangbɔŋ bu u nɔɔjiim paam.

1 Piita 4:1

Mambu, Masiya kaah nan jin fala u gbanann nin man nin, ni ŋaam sili ki li ŋmag u binbem nmɔn na, nan bu-n wan jin fala u gbanann nin nin diɛ tibir a manuga.

1 Piita 5:5

Binaachipɔm, man mu li ye ni, ni li jɔɔ limɔcheel ki tenn ban jon ni. Ni biɛn, ni ta jiininba ke tiwann yɔɔr tan wɔɔn ke ni jɔɔ jiininba ki sei tab, nan bu-n, “Uwonbɔr yiin kalanbaanidam le, amaa le ki san jiininbadam kunyunyunbaag.”