Jɔnn 12:36 - UWONBƆR A GBƆNPƆŊ LIKƆƆNL

³⁶ Ni ta ni yada ki ŋa wan ye nwonween wee ki la be ni ban ni na, wee ni nan kpann nwonween a bum.” Yisa kaah nan pag man ki diɛ-n, le u fɔɔr bi ban ki tan woon.

Uwumbɔr aagbaŋ

³⁶ Buyoonn min u ye nwiihn na laa bi ni chee na, gaa mi ki kii man, aan ki ŋa nwiihn ni aabim.” Yesu aah len kina na, le u nyan nima ki bɔr ke bi taa ki kan u.

Jɔnn 12:36 ပူးပေါင်းရင်းမြစ်များ

Matiu 21:17

Le u nyan ki jiɛn bi Jerusalam ki jon Betani a tiŋin ki tan dɔ.

Matiu 5:14

“Ni ye dulinya nan a wonweem le. Kitiŋ kan be ligungonl a paab kaa li fir woon ni.

Tibɔnyaan ti Luk ŋmee ti na 16:8

“Le utoontunn ninkpelin a yudaau pag u, ki ke u jɔɔ nlam. Nan bu-n Uwonbɔr a ninfob kaa jɔɔ nlam nin bin ter tab Uwonbɔr a toon yin ke dulinya yaab kaah jɔɔ nlam nin bin ter tab man ni.

Jɔnn 1:7

U nan dan ki ye siɛra jir le ki wɔɔn nwonween nmɔn bu, wee u ma bu uninfosaal n ŋa yada.

Jɔnn 11:54

Mambu le Yisa kaa ji nan chonn kubabugin Juu yaab kaah be nan yaan nin. Amaa u nan nyan le ki jon kitiŋ kan bi yi ke Efiram, wee kaa fɔg nin kukunkɔɔgin ni, le ki nan tan be nin u bɔɔnɔɔb.

Jɔnn 12:37

Hali nin Yisa kaah nan ŋa ligaril a siɛram bi nintogil a bɔɔn, baa le la nan ŋa u yada.

Jɔnn 12:46

N dan dulinya nan yaan le ke nwonween nin, wee uba laa ŋa min yada wee ki sin ji be libunbɔnlin ni.

Jɔnn 3:21

Amaa wan biɛn be nin ibamɔn nin ke u chaan nwonween nin le, wee bin kan npaan nin ke waah ŋa man nin u ŋa Uwonbɔr a pɔɔm bu le.

Jɔnn 8:12

Yisa kaah ji nan pag sei bininfobin, u nan ke, “Min le ye dulinya nan a wonweem. Wan biɛn nɔɔm kaa li nyi chonn libunbɔnlin ni, amaa u li jɔɔ nwonween man tenn limiɛfol.”

Jɔnn 8:59

Mambu le bi nan pii itangbag ke bin gab u, amaa le Yisa woon Iwonjiɛn niin a guguubin ban ki nyan.

Efesusi 5:8

Ni gbaa tɔɔl la nan be libunbɔnlin le, amaa le ti Yudaau bu, ni nin kpann ban be nwonweenin le daandaan nan. Mambu ni li be ke nwonween a buwaaba,

1 Tesalonika 5:5

Ni biɛn nan ye nwonween nin nweehn a buwaab le. Taa ye kunyiɛg bee libunbɔnl a ninfobi.

1 Tesalonika 5:8

Amaa tim kaah ye nweehn a ninfobin, ni che ti li chor ti bau, ki li jɔɔ yada nin njiɛm man li guu ti gbanann, ki li jɔɔ nŋmarim a tama man wee ti li ta chig ti yul bu ke kijabig.