Jɔnn 12:26 - UWONBƆR A GBƆNPƆŊ LIKƆƆNL

²⁶ Wan ban un tun terim ke ni ye u li nɔɔm le, le n be nan yaan ke, n toontunnu mu li be niin. N Baa li sei wan tun tenn min jilima.

Uwumbɔr aagbaŋ

²⁶ Unii yaa ban ke u tun lituln tii mi kan, udaan li dii mi. Maah bi nin chee na, maatutunn mu ga li bi nima. Unii yaa tun lituln tii mi kan, Nte Uwumbɔr ga nyuŋ udaan.”

Jɔnn 12:26 ပူးပေါင်းရင်းမြစ်များ

Matiu 16:24

Amaa le ki bei u bɔɔnɔɔb ke, “Wan ban un nɔɔm ke, see ke u yii u ba le ki yuur u kum a dapunpunl ki nɔɔm.

Matiu 25:21

“Le u yudaau nmɔn jiin bei u ke, ‘N faan, a ye utoontunn ŋan le! Ki ji tun nbamɔm, ŋaah ŋmag wama nan nbamɔm nan, mambu, n yin ta tiwann takpem a ninkper le ki ŋa a nɔɔn. Npopeen man wee n jɔɔ nan, ni ye min nin fin yaal le.’

Tibɔnyaan ti Mak ŋmee ti na 8:34

Le Yisa bei u bɔɔnɔɔb nin bininfob ban biɛn nan nɔɔ win ke, bin fɔɔr ki mal u ni, le ki bei bi ke, “Wan ban un nɔɔ min ke, see ke u yii u ba, wee ki yuur u kum a dapunpunl ki li nɔɔm,

Tibɔnyaan ti Luk ŋmee ti na 12:37

Bitoontum ban wee bi yudaau li foon ki miin bi guu u kunim nan npopeen ye bi yaan le. N bei ni ibamɔn le, u li ŋa sili ni itoon, ki che u toontum nmɔn kal le un yuur tijiir ki nan sei bi, le bin ji.

Tibɔnyaan ti Luk ŋmee ti na 6:46

“Ba ŋa wee ni yim ‘Uyudaan, Uyudaan,’ kaa sin tun maah len man naa?

Tibɔnyaan ti Luk ŋmee ti na 9:23

Le u bei bi biɛn ke, “Uninfo wan ban un nɔɔ min ke, see ke, u yii u ba ki yuur u dapunpunl idaan biɛn ki li nɔɔm.

Jɔnn 10:27

N yaa pee pelig n kukɔl le; n nyi i, le i nɔɔm.

Jɔnn 13:16

N bei ni ibamɔn le, utoontunn kaa be ki jon u daan wi, le ntoon mu kaa jon wan tun wi.

Jɔnn 14:15

Ni ye ni jiɛm ke, ni li chee maah bei ni man.

Jɔnn 14:3

Ni ye ke n jon tan mann npaan ke, n li jirin ki nan ta ni wee nitɔɔl tan li be n ban nan yaan wee n be-n.

Jɔnn 15:20

Ni li tiɛr imɔbon yan wee n nan pag ki sei nin na: ‘Utoontunn kaa yab jon u daau wi.’ Ni ye bi nan mugirim ke, bi li mugir ni mu. Ni ye bi chee sei n wɔɔm ke, bi li chee sei ni mu a wɔɔm.

Jɔnn 17:24

“N Baa, n ban bininfob ban wee A ta seimin na li be n ban le maah na yin be nan yaan nin. Wee bin kan npagim, kupag kan wee A nan ta seimin, nan bu-n Ŋaah jiɛm n-yonn man wee dulinya kaa la nan naan nin.

Jɔnn 21:22

Le Yisa jiin u ke, “Ni ye n ban u li be nin u miɛfol ki nan kpaa n-yonn man wee n li jirin ke, ni ye ba ki sei ŋaa? Ni kpaa le nin a nɔɔm.”

Rom Yaab 1:1

Pɔɔl, wan ye Masiya a toontunnu, wee U yim ki gannim ki ŋaam ntoon ke n mɔɔn Uwonbɔr a bɔŋann nin,

Rom Yaab 14:18

nan bu-n uninfo wan ye Masiya a toontunn u wee ki tun man ke ni gbeeg Uwonbɔr a num le, le bininfob chee sei ke ni ŋan.

2 Korenti 4:5

Naa ye ti mɔɔn ti baantɔɔl a bɔr le, amaa ti mɔɔn Yisa Masiya a bɔr le, ke u ma ye ti Yudaau, le tim ye ni toontum, Yisa bu.

2 Korenti 5:8

N len na, ti jɔɔ tidindann, n bi li ban ke na ti pii bi nyan tigbanann a niin nan yaan na ki kun Uyudaan ban na.

Galantiya 1:10

N gbaar ki ban bininfob le n ke n toon ŋan bee Uwonbɔr aa? Bee n ban bininfob a num le n gbee maa? Ni ye n le la bi gbaar ban bininfob a num le n gbeem ke, maa bi yin ye Masiya a yomu wi.

Filipi 1:23

N be niwann nilee nmɔn a sisiigin le: N sufu ban ke n nya dulinya nan yaan ki tan li be Masiya ban, ni ma ŋan takpem;

Kolosiya 3:24

naah nyi ke ni na li gaa lifaal Uyudaan ban nin wee ni ye tiyɔrin. Ni ma bu Uyudaan Masiya le ni tun ki tenn.

Kolosiya 4:12

Epafarasi, wan ye ni ni uba wee ki ji ye ni toontunn kpiɛg Masiya a toon nin mu poor ni. U miɛ Uwonbɔr le nin linunmanl iyoo biɛn ki tenn ni, ke ni sir kenken ki li ye bininfob chegirikaab ban tun Uwonbɔr a bam.

2 Piita 1:1

Min Simɔnn Piita wan ye Yisa Masiya a toontunnu nin u toomin, Le sɔb kugbɔŋ nan ki tenn ban wee Uwonbɔr nin ti Yudaau Yisa Masiya a buchin binbem bu che bi kan yada kan ŋan ke ti yaagin:

1 Jɔnn 5:3

Taah li jiɛ Uwonbɔr man sɔ: Ti chee U siimin na. Le U siim nmɔn kaa ye litugili,

Juud 1:1

Min Juud wan ye Yisa Masiya a toontunnu ki ye Jemisi a nabigin, Le sɔb kugbɔŋ nan tenn bininfob ban wee Uwonbɔr yin bin, wee bi ye Uwonbɔr a ninfob jiɛkaab wee Yisa Masiya ŋmag bin:

Tibɔkpiirkaan 14:4

Bi ma ye ban kaa bii biba lipiibanlin ni, nan bu-n bi ŋmag biba le chasi. Bi nɔɔ Kipeebigin kaah chaa nan yaan biɛn le. Bi ma ye ban wee Uwonbɔr nan da bininfob a sisiigin, ke bin ŋa chinchinn a ninfob ki sei Uwonbɔr nin Kipeebigin.