Jɔnn 12:20 - UWONBƆR A GBƆNPƆŊ LIKƆƆNL

²⁰ Girig yaab biba nan ŋmar ban nan jon yuglagir a chiigin yaan bin tan jiɛn Uwonbɔr.

Uwumbɔr aagbaŋ

²⁰ Binib bi dan Jerusalem bi nan ji njim ngbaan ki doon Uwumbɔr na, bi ponn ni bibaa nan ye Griik yaab.

Jɔnn 12:20 ပူးပေါင်းရင်းမြစ်များ

Tibɔnyaan ti Mak ŋmee ti na 7:26

Upii nmɔn kaa nan ye Juu a ninfou wi, bi nan ma u Fonisiya a tiŋ le, Siriya a tingbɔŋin. Le u balin Yisa ke u nyan kinaanbiig u bisa nmɔn a gbanann nin na.

Jɔnn 12:1

Yuglagir a chiig kaah nan nan gur iween iloobin, le Yisa nan foon Batani, nan yaan wee Lazarusi, wan wee Yisa nan fiin nkuminin be-n.

Jɔnn 12:19

Ni ma bu le Farasiimin nan pag bei tab ke, “Lig, naa kpiɛ ti niba. Lig dulinya nan yaab biɛn kaah nɔɔ u man!”

Jɔnn 7:35

Le Juu yaabin nin baan tab ke, “Uja nan yin jo laa wee taa li fir ban kan waa? U li jo nan yaan wee ti yaa ninfob yaal ki be Girig yaabin ni, ki tan li wɔɔn Girig yaabaa?

Lituln 14:1

Pɔɔl nin Banabasi kaah nan foo Ikoniɛm nan, le bi kɔɔ Juu yaab a wonjiɛndirin, ke baah pii ti ŋaan man nin. Niin le bi nan pag nbamɔm, le Juu yaab nin ban kaa ye Juu yaab takpem ŋa yada.

Lituln 16:1

Le Pɔɔl foon Deba, le ki jon foo Lisitira, nan yaan wee u kan ubɔɔnɔɔr wan wee bi yi u ke Timoti. Wan a na nan ye Juu a ninfou ki ye yada daan ni, amaa le u baa ye Girig a ninfou.

Lituln 17:4

U nan pag ki kpenn Juu yaab biba a lam, le bi nin dan ki nan kpiɛ u ma Pɔɔl nin Silasi bu. Le Girig yaab ban jiɛn Uwonbɔr, nin bipiib ban jɔɔ jilima takpem nan kpiɛ bi bu.

Lituln 20:21

N bei Juu yaab nin Girig yaab biɛn ke bin kpenn bi binbema ki jir Uwonbɔr ban, ki ŋa ti Yudaau Yisa yada.

Lituln 21:28

le ki ji tann ke “Iziral yaab, ni ter ti ni! Uja nan le choon ilog biɛn, ki pag ki bii ti ninfob ki bii ti siim nin iwonjiɛn niin nin paam, nan ji kpiɛ ye ti jɔɔ ban kaa ye Juu yaabin chaan tiwonjiɛn niin nan yaan, ki bii ti kasi a niin nmɔn.”

Lituln 8:27

Le Filib fii ki nyan ki piin u sanchonl, le ki to Itopiya a jau uba wan wee bi faarin ki miin u mu nyan lisanchonl le ki chaa kun. Uja nmɔn nan ye Itopiya a piibɔru wan a naam a yinl nan ye Kandasi a lig ŋmagib a gbansɔbib a yudaau le, u nan jon Jerusalam le un tan jiɛn Uwonbɔr,

Rom Yaab 1:16

Ifa kaa jɔɔm tibɔŋann nin a mɔɔnim bu, nan bu-n ti ye Uwonbɔr a pɔɔm le ki sei ban biɛn ŋa yada ke bin kan feegab: Juu yaab li yin chinn kan feegab le ban kaa ye Juu yaabin mu nin paan.

Rom Yaab 10:12

Juu yaab nin ban kaa ye Juu yaab kaa jɔɔ nbɔgirimi, uyudaan uba nmɔn le ye bi biɛn nan a yudaau le u kaar takpem be ban biɛn yi win nbu,

Galantiya 2:3

Hali Tatusi, wan nan be n ban nin, nin waah le nan ye Girig a ninfou nmɔn biɛn ni, baa nan mugir u ke un jii u punli.

Galantiya 3:28

Mambu, nbɔgirim kaa ji be ban ye Juu yaab nin ban kaa ye Juu yaab a sisiigin ni, kaa be biyom nin ban ye bi ba nan a sisiigin ni, kaa be bijab nin bipiib mu a sisiigin ni, ni ma bu ni biɛn ye nba le Masiya ni.

Kolosiya 3:11

Ni ma kaa jɔɔ nbɔgirim ban ye Juu yaab nin Girig yaabin, ban jii bi pun nin ban kaa jii bi pun, ban ye bicham nin bidindamin, nin ban jɔɔ kulɔŋ a binbem nin ban jɔɔ kufɔŋ a binbem, biyom nin ban ye bi ba, amaa Masiya le ye bi biɛn le ki be bi biɛn ni.