Jɔnn 11:42 - UWONBƆR A GBƆNPƆŊ LIKƆƆNL

⁴² N nyi ŋaah gbaa gbir n bɔr, amaa n len man le bininfob ban si do nan nbiɛ, wee ki ŋa yada ke fin le tunim.”

Uwumbɔr aagbaŋ

⁴² M nyi ke n‑yoonn mɔmɔk aa ŋun maah len aa chee pu na. Kinipaak ki si do na pu, le m len kina, ke bi pak ke sin le tun ni mi.”

Jɔnn 11:42 ပူးပေါင်းရင်းမြစ်များ

Matiu 26:53

Ŋaa nyi ke n bi li fir miɛ n Baa wee un terim maa, u bi li tun malakam a tɔtogib weem ni, ke bin jo turpiig nin bilee?

Jɔnn 11:22

Amaa n nyi ke hali daandaan nan a baan nan biɛn bu ke Uwonbɔr li ta ni ki seiŋ.”

Jɔnn 11:31

Juu yaab ban nan be Meri ban iniin, ki sar u sufu-n, kaah nan kan waah fii weem ki nyan man nin, le bi nyan nɔɔ u, ki tiɛr ke u nan chaa kukaagin yaan le un tan mɔɔ.

Jɔnn 11:43

Waah nan len man ki diɛ-n, le Yisa yin nin nkukɔ pɔɔn ke, “Lazarusi, nyann!”

Jɔnn 12:11

nan bu-n u kum a fiim bu le Juu yaab pam nan labir chaa Yisa ban le ki ŋaan u yada.

Jɔnn 12:17

Tɔ le waah nan fiin Lazarusi nkumin ki yin u nyan kukaagin ni, le kuninfogbaluŋ ban nan be niin ni nan mɔɔn tibɔr nmɔn.

Jɔnn 17:21

ke bi biɛn n ŋa nba; ke Ŋaah be nni wee n mu be A ni man nin. Che bi mu li be nin tima wee dulinya yaab n ŋa yada ke Fin le tunim ni.

Jɔnn 17:25

“N Baa Wan ye tibuchinn daan, hali dulinya yaab kaah kaa le nyiŋin, min nyiŋ, le bi nyi ke Fin le tunim.

Jɔnn 17:8

Nan bu-n n ta imɔleen yan wee A ta seimin ki sei ba, le bi gaa i. Bi nyi ibamɔn ke n nyan Fin ban le, ki ŋa yada ke Fin le tunim.

Jɔnn 20:31

Amaa nsɔbim nan ye ni ŋa mi yada le ke Yisa le ye Masiya, Uwonbɔr a Bija, le ni ŋa u yada ke ni li kan limiɛfol u yinlin.

Jɔnn 3:17

Uwonbɔr kaa nan tunn u bija dulinya nan yaan ke un nan bii dulinya le, amaa u bu le dulinya yaab li kan feegab.

Jɔnn 8:16

Amaa N jin tibɔr ke, maah len man nin ye ibamɔn le, nan bu-n maa be n binba. N si Baa, wan nan tumin ban le.

Jɔnn 8:29

Wan nan tunimin be n ban; waa jaam n binba, nan bu-n n gbaa ŋaan nan gbee u num le.”

Jɔnn 8:42

Le Yisa bei bi ke, “Ni ye Uwonbɔr le ye ni Baa ke, ni bi li jiɛm, nan bu-n n nyann Uwonbɔr ban le ki be do daandaan nan. Maa dan n baantɔɔl a pɔɔmin ni; amaa u ma nan tum.

Rom Yaab 8:3

Uwonbɔr tun nan wee nsiimin kaa fir tun nna nan bu-n uninfosaal a gbanann kaa nan fir ŋmag nsiim nmɔn ni, le U tun U tɔɔl a big le ki nann uninfosaal wan ye tibirdaan nin ke un nan mann tibir a manug. Le ki bii tibir tan be uninfosaal a gbanann nin ni-n,

Galantiya 4:4

N-yonn nmɔn kaah nan nan foon biɛn nin, le Uwonbɔr tun U tɔɔl a bija, wan wee upii ma u, wee nsiim ŋmag u,

Hiibru Yaab 5:7

Yisa kaah nan be dulinya nan yaan n-yonn man nin, u nan miɛ Uwonbɔr le ki bei U waah ban nan, ki mɔr nkukɔpɔɔn nin tinyinyinn ki ŋaan U, Uwonbɔr wan li fir fee u nkumin nin, waah nan jɔɔ jiininba ki tenn Uwonbɔr nin limɔcheelin bu le U nan gbir u miɛm.

Hiibru Yaab 7:25

Mambu u li fir fee ban dan Uwonbɔr ban u ma bu-n iyoo biɛn ki gab, nan bu-n iyoo biɛn u be le ki miɛ ter bi.

1 Jɔnn 4:14

Le ti kan ki jin siɛra ke ti Baa-n le nan tunn U Bija ke un nan ŋa dulinya nan a feeru.