Jɔnn 11:32 - UWONBƆR A GBƆNPƆŊ LIKƆƆNL

³² Meri kaah nan foo nan yaan wee Yisa nan be-n wee ki kan win, le u gbaan Yisa a taatum le ki ke, “Uyudaan, a nan bi be do ke, n ninja nan kaa nan bi li kpo.”

Uwumbɔr aagbaŋ

³² Le u ti fuu Yesu aah bi nin chee na. Waah kan u na, le u gbaan unimbiin ni, ki bui u, “Ndindaan, aa yaa ba bi do kan, nninja aa ba ga kpo.”

Jɔnn 11:32 ပူးပေါင်းရင်းမြစ်များ

Tibɔnyaan ti Luk ŋmee ti na 17:16

U nan gbaan Yisa a nintogil le ki sei u kunɔɔpoog. U nan ye Samariya a ninfou le.

Tibɔnyaan ti Luk ŋmee ti na 5:8

Simɔnn Piita kaah nan kan man nan, le u gbaan Yisa a taatum, ki bei u ke, “Fɔɔr n ban ki li chaau, Uyudaan, n ye tibirdaan le!”

Tibɔnyaan ti Luk ŋmee ti na 8:41

Uja uba nan be niin le bi yi u ke Jairu; u nan ye kuwonjiɛndiig a ninkpelu le; le u dan ki nan gbaan Yisa a nintogil ki ke un dan u niin

Jɔnn 11:2

Meri, wan a ninja bun nan, u ma nan ye wan nan kpaar tulaali ki jaa Uyudaan bu ki ji ta u tɔɔl a yukper ki ŋmir U taafar.

Jɔnn 11:21

Le Maata bei Yisa ke, “Uyudaan, ni ye ke a nan bi be ke, n ninja kaa nan bi li kpo.

Jɔnn 11:37

Amaa le bibam ke, “U ma wan nan ligir ujɔɔn a numin kaa bi li fir guur uja nan wee u laa kpoo?”

Jɔnn 4:49

Le ibɔrniin a gbansɔbir win ke, “Uninkpel, jiirin weem, ke naa ye man ke n bija nmɔn li kpo.”

Tibɔkpiirkaan 22:8

Min, Jɔnn, le ye wan gbir ki kan ni nan biɛn. N-yonn man wee n nan gbir wee ki kan ni-n, le n sɔɔn malaka wan gbaa wɔɔnimin a taatum ki jiɛn u.

Tibɔkpiirkaan 5:14

Le tiwann naan wann tan fo tina-n len ke, “Ibamɔn” le bininkpeebin sɔɔn tum ki jiɛn Uwonbɔr.

Tibɔkpiirkaan 5:8

Waah nan gaa kugbɔŋ nmɔn ki diɛ-n, le tiwann naan wann tan fo tina-n nin bininkpeeb pilee nin bina-n sɔɔn tum Kipeebig nmɔn a nintogil. Bi biɛn nan jɔɔ tibiɛr le nin salima a yir, le nnyɔgkusim gbee bi sam nmɔn yaan, ki ye Uwonbɔr a ninfogannkaabin a wonmiɛl.