Jɔnn 10:28 - UWONBƆR A GBƆNPƆŊ LIKƆƆNL

²⁸ N sei i limiɛfol lan kaa jɔɔ diɛm le, le yaa jɔɔ yin buri; uba kaa li fir fee i n nɔɔn ni.

Uwumbɔr aagbaŋ

²⁸ M tii maanib limɔfal li kaa kpa ndoon na. Baan kpo, ubaa mu aan ŋmaa nyan bi ŋŋaal ni.

Jɔnn 10:28 ပူးပေါင်းရင်းမြစ်များ

Tibɔnyaan ti Mak ŋmee ti na 13:22

Bilinlarib na li be. Biba mu na li bei ke bi ye Masiya le. Biba mu na li len ke bi ye Uwonbɔr a linlem le. Bi na li tun ligaril a toonl nin ligaril a siɛra ki pɔɔn bi ba ki lar Uwonbɔr a ninfogannkaab.

Tibɔnyaan ti Luk ŋmee ti na 23:46

Le Yisa nan tiɛn nmɔpɔɔn ki ke, “N Baa, n ta n naaŋ ki ŋubin a nɔɔn na.” Waah nan len man ki diɛ-n le u foor u diɛm a foorug.

Jɔnn 10:29

N Baa, wan ta i sei mi, yab jon ni biɛn na; uba kaa li fir fee i n Baa a nɔɔn ni.

Jɔnn 11:25

Le Yisa bei u ke, “Min le ye nkum a fiim nin limiɛfol. Wan ŋaam yada li kan limiɛfol, hali nin waah le kpe-n biɛn na;

Jɔnn 14:19

Naa li yuuri, dulinya nan yaab kaa ji li kami, amaa nim li kam. Nan bu-n maah yin gbaa be nin n miɛfolin, ni mu yin be le nin limiɛfol.

Jɔnn 17:2

Nan bu-n fin le sei u tininkper a pɔɔm le u jon bininfob biɛn ke un sei ban biɛn wee A ta sei win limiɛfol lan kaa jɔɔ ndiɛm.

Jɔnn 18:9

Ni niɛ nan ŋa ke nin che imɔbon yan wee u nan pagin gbeen le: “Ban wee a nan ta seimin bi ni uba kaa bori.”

Jɔnn 3:36

Wan le ŋa Bija-n yada ke u li kan limiɛfol lan kaa jɔɔ diɛm, amaa wan yii Bija-n ke waa li kan limiɛfoli, nan bu-n Uwonbɔr a ŋuufiiŋ yin gbaa be udaan bu le.”

Jɔnn 4:14

amaa wan biɛn nyun nnyum man wee n tenn win ke nnyunyum kaa ji li choo wi. Ibamɔn, nnyum man wee n tenn win yin kpann nnyunbunkaam le ki bun u poolin ki sei u limiɛfol lan kaa jɔɔ diɛmi.”

Jɔnn 5:24

“N bei ni ibamɔn le, wan biɛn gbir n mɔleen wee ki ŋa Uwonbɔr wan nan tumin yada li kan limiɛfol lan kaa jɔɔ diɛm wee kaa li kpo; u lagir nkum bu ki kan limiɛfola.

Jɔnn 6:27

Ni laa tun ki ban tijiir tan li bii, amaa ni li gbaar ban tijiir tan li che ni kan limiɛfol lan kaa jɔɔ diɛm, tan wee Uninfosaal a Bigin yin sei ni-n. Uwonbɔr wan ye Baa-n le ta u cheem a daagim ki paan u bu.”

Jɔnn 6:37

Nan biɛn wee Baa-n ta seim li dan n ban, le wan biɛn dan n ban ke maa li ŋɔɔr wi.

Jɔnn 6:47

N bei ni ibamɔn le, wan ŋa yada jɔɔ limiɛfol lan kaa jɔɔ diɛm.

Jɔnn 6:68

Le Simɔnn Piita jiin u ke, “Uyudaan, ti ni yin jo ŋma ban naa? A jɔɔ limiɛfol lan kaa jɔɔ diɛmin a mɔboi le.

Lituln 7:59

Baah nan be gabir win, le Sitifin miɛ Uwonbɔr ke, “Uyudaan Yisa gaa n naaŋ.”

Rom Yaab 5:17

Ni ye uninfo uba a bir bu, le nkum nɔɔ uninfo uba nmɔn bu ki dan ke, man ke Uwonbɔr a buchin piin yan yab ki san ti kunyunyunbaagin ma jon man na, U ma ye Yisa Masiya wan sei ti limiɛfolin.

Rom Yaab 5:2

wan a yada bu wee ti kan Uwonbɔr a nyunyunbasanl lan yaan wee ti nin be nan. Le ni mɔ ti nin tama kan wee ti jɔɔ-n ke ti na li por Uwonbɔr a pag.

Rom Yaab 5:21

naah ŋa man wee titoonbir che nkum nyaŋ bininfob biɛn nin, man mu le nbuchin binben mu yin che linyunyunbasanl mu n sei ti limiɛfol lan kaa jɔɔ ndiɛmi ti Yudaau Yisa Masiya bu.

Rom Yaab 5:9

Waah ta U chamin ki ŋunn ti ki ŋa ti bininfoŋam nan, nan jon man le ye, U bu le ti yin kan nŋmarim ki nya Uwonbɔr a ŋuufiiŋin yaan;

Rom Yaab 6:23

Titoonbir a nyɔɔr ye nkum le, amaa le Uwonbɔr a piin ye limiɛfol lan kaa jɔɔ ndiɛm ti Yudaau Masiya ni.

Rom Yaab 8:1

Mambu, daandaan nan Uwonbɔr kaa yin bii bininfob ban be nin Masiya nni,

Rom Yaab 8:29

Ban wee Uwonbɔr pii nan nyi ki bon ke bi na li chee ki kpenn ki li be ke u bija-n kaah be man nin, wee nin che U bija nmɔn nŋa kibininkpeeg u nabum takpem a sisiigin.

Filipi 1:6

n jɔɔ tidindann, ki nyi ke Uwonbɔr wan piin itoon ŋan nan nin ni-n, u yin ŋmag ni man le hali nin n-yonn man wee u na yin diɛ itoon ŋan nmɔn, Masiya a jirin daal.

2 Tesalonika 2:13

Ni ye ti le li poor Uwonbɔr le iyoo biɛn ni bu, n nabum, nim ban wee Uyudaan jiɛ, nan bu-n npiinimin Uwonbɔr nan gann ni le ke ni kan nŋmarim Kinaaŋin a pɔɔmin ki ŋa ni u kasi a ninfob nin naah ŋa ibamɔn nin yada-n.

1 Timoti 1:16

Amaa ni niɛ bu le Uwonbɔr nan sam kunyunyunbaag, ke min wan ye chinchinn a birdaau win, wee Masiya n fir wɔɔn u mɔril lan kaa jɔɔ tarig wee ni li ye limagil ki sei ban li ŋa Yisa yada ki kan limiɛfol lan kaa jɔɔ ndiɛmi.

2 Timoti 1:12

Ni ma che n ji fala ke maah ji man nan. Nin ni ma biɛn ni, ifa kaa jɔɔmi, nan bu-n n nyi wan wee n ŋa u yada-n, le n nyi ke u sin li guurim ki nan kpaa u jirin daal.

Hiibru Yaab 7:25

Mambu u li fir fee ban dan Uwonbɔr ban u ma bu-n iyoo biɛn ki gab, nan bu-n iyoo biɛn u be le ki miɛ ter bi.

1 Piita 1:5

ban wee Uwonbɔr a pɔɔm guu ni-n, ni yada bu-n, hali nin feegab a nyɔɔr kaah na li foon, tan ŋa sili ki na li kpiir iyoo yan na yin joorin.

1 Jɔnn 1:2

Limiɛfol nmɔn degirin na; ti kan limiɛfol nmɔn ki jin li siɛrau, limiɛfol lan kaa jɔɔ diɛm nmɔn a bɔr le ti pag ki tenn ni nan, lan nan be Baa-n ban nin, li degirin ti buu.

1 Jɔnn 2:19

Bi nyan ti ban na, amaa baa sin ye ti yaabi. Bi bi ye ti yaab ke, bi bi li paar ti ban; amaa baah nyan ti ban nin nmɔn le wɔɔn ke bi ni uba kaa ye ti yaa wi.

1 Jɔnn 2:25

Waah siin ti limɔsiinl lan ye le ke, U li sei ti limiɛfol lan kaa jɔɔ diɛm.

1 Jɔnn 5:11

Siɛra nmɔn sɔ: Uwonbɔr sei ti limiɛfol lan kaa jɔɔ diɛma, le limiɛfol nmɔn be U Bija-n ban le.

Juud 1:1

Min Juud wan ye Yisa Masiya a toontunnu ki ye Jemisi a nabigin, Le sɔb kugbɔŋ nan tenn bininfob ban wee Uwonbɔr yin bin, wee bi ye Uwonbɔr a ninfob jiɛkaab wee Yisa Masiya ŋmag bin:

Juud 1:21

Ni li ŋmag niba Uwonbɔr a jiɛmin yaan na, ki li guu Uyudaau Yisa Masiya a nyunyunbasanl lan na yin ta ni ki kɔɔ limiɛfol lan kaa jɔɔ ndiɛmin yaan.

Juud 1:24

Uwonbɔr wan li fir ŋmag ni wee ni laa lu-n, U li ta ni ki siin U nintogil U pag kan kaa jɔɔ igalin ki jɔɔ nmɔn takpen nin bu.