Jɔnn 10:14 - UWONBƆR A GBƆNPƆŊ LIKƆƆNL

¹⁴ “Min li ye upeekpaar ŋan nin; n nyi n pee le n pee yin mu nyim,

Uwumbɔr aagbaŋ

¹⁴ Min le ye upihdaanyaan na, ki nyi maapiih. Le maapiih mu nyi mi,

Jɔnn 10:14 ပူးပေါင်းရင်းမြစ်များ

Jɔnn 10:11

Min le ye upeekpaar ŋan nin. Upeekpaar ŋan nin le taa u miɛfol ki kpenn ipee.

Jɔnn 10:13

Nan bu wee u guun nin, u ye wan kpaa ki gaan tiyɔr le mambu u poobil kaa wii ipee-n bu.

Jɔnn 10:27

N yaa pee pelig n kukɔl le; n nyi i, le i nɔɔm.

Jɔnn 17:3

Daandaan nan limiɛfol lan kaa jɔɔ ndiɛm nmɔn ye nan le: Ke bin biɛ fin wan ye ibamɔn a Wonbɔru win, nin Yisa Masiya, wan wee a tun nin.

Jɔnn 17:8

Nan bu-n n ta imɔleen yan wee A ta seimin ki sei ba, le bi gaa i. Bi nyi ibamɔn ke n nyan Fin ban le, ki ŋa yada ke Fin le tunim.

2 Korenti 4:6

Uwonbɔr kaah nan len ke, “Che nwonween nwonn libunbɔnlin.” U ma che u wonweem ween ti sufu ni, ke un sei ti nbiɛm a weem man li sei Uwonbɔr kupag Masiya a num paam.

Efesusi 1:17

N le miɛ ti Baa wan ye ti Yudaau Yisa Masiya a Wonbɔru, ki ye ti Baa wan ye jilimadaan nin ke, Un sei ni Kinaaŋ a lam nin kpiir wɔɔn, wee ni mann biɛ U nbamɔm.

Efesusi 3:19

ki biɛ Masiya a jiɛm kaah jon nnyinyin biɛn man, wee nin gbeen nin Uwonbɔr a magim nin U binbenŋam ke naah gbeen Uwonbɔr ban man nin.

Filipi 3:8

Ni la yab ki jon ni tɔɔ, maah ta niwann biɛn gab nin maah gaa Masiya n yudaau wan jɔɔ tinyɔɔr ki jon niwann biɛn nin, uma bu le n ta niwann biɛn gab. Min ban ke ni ye lifatanpol a mɔɔr le naah li ŋa man wee n fir ki gaa Masiya,

2 Timoti 1:12

Ni ma che n ji fala ke maah ji man nan. Nin ni ma biɛn ni, ifa kaa jɔɔmi, nan bu-n n nyi wan wee n ŋa u yada-n, le n nyi ke u sin li guurim ki nan kpaa u jirin daal.

2 Timoti 2:19

Nin ni ma biɛn yɔli, Uwonbɔr kaah pii bil lifiɛl lan nin sir nbamɔma, le u daagim a sɔbim paa li bu: “Uyudaan nyi ban ye u yaab,” le “Wan biɛn mu ban un nɔɔ Uyudaan ke, un kpenn u binbema ki nya titoonbir a tumin na.”

1 Jɔnn 5:20

Le ti ji nyi Uwonbɔr a big kaah dan ki nan sei ti nbiɛm, ke nin che ti biɛ Uma wan ye ibamɔndaan nin. Le ti mu be nin Uma wan ye ibamɔndaan nmɔn, hali nin U big Yisa Masiya. U ye ibamɔn a Wonbɔru le nin limiɛfol lan kaa jɔɔ ndiɛm.

Tibɔkpiirkaan 2:13

N nyi naah be nan yaan, nan yaan wee Sintani a naam a gbɔŋ be-n. Amaa le ni sin ŋmag n yinl nbamɔm. Naa ta naah ŋaam yada-n ki jaa, hali nin Antipasi a yonn nin wan nan ye n yada a siɛradaau ibamɔn nin, wee bi nan ku u ni tiŋin ni, Sintani a binbebolin.

Tibɔkpiirkaan 2:19

N nyi ni ŋaar, ni jiɛm ni yada, ni toon nin ni nnyiginim, le ni nin tun ki jon naah nan chinn ki tun man nin na.

Tibɔkpiirkaan 2:2

N nyi ni ŋaar, ni nunman nin ni mɔril man. Ki ji nyi naah kaa ban bininfob ban a pooi to, mambu le ni nan mag ban nan ke bi ye itoon wee kaa sin ye-n ki biɛ baah ye tibɔkardam man.

Tibɔkpiirkaan 2:9

N nyi ni fala a jim bu nin naah ye faladam, amaa ni ye bijɔɔndam le! Ki nyi biba kaah jɔɔ kutingbiig ki bei ni ke bi ye Juu yaab le amaa kaa sin ye; amaa bi ye Sintani a wonjiɛndiig a ninfob le.

Tibɔkpiirkaan 3:1

Ki ji ke, “Sɔb sei Sadisi yaab a wonjiɛm a lagim a malaka ke: Wan ŋmag Uwonbɔr a naam milile nin iŋmabil ilile-n a mɔleen sɔ. N nyi ni ŋaar kaah ye man; bininfob nyi ke ni fo le amaa ni kpou.

Tibɔkpiirkaan 3:15

N nyi ni ŋaar kaah ye man, naa ton ni kaa ji sɔɔn ni. N bi ban ke ni li ye ban ton le bee ban sɔɔn!

Tibɔkpiirkaan 3:8

N nyi ni ŋaar kaah ye man. Ni lig, n loor ntisamɔn le ki sei ni le uba kaa li fir loon ntisamɔn nmɔn ni. N nyi naah jɔɔ npɔɔn wama, amaa ni biɛn yɔli ni ŋmag n mɔleen le kaa yii n yinli.