Jɔnn 10:12 - UWONBƆR A GBƆNPƆŊ LIKƆƆNL

¹² Wan kpaa ipee nmɔn ki gaan tiyɔr kaa ye upee daan ni. Mambu u nan kan ligbingbel chaan ke, u jaar ipee-n le ki guun. Le ligbingbelin nan leg ipee-n ki worin.

Uwumbɔr aagbaŋ

¹² Unii u kpaa ipiih ŋimombil pu, kaa ye upihdaan na, u yaa kan lisapol choo kan, u ga san cha i. Lisapol ga chur i, ki cha i yaa.

Jɔnn 10:12 ပူးပေါင်းရင်းမြစ်များ

Matiu 10:16

“Ni lig man, n tun ni le, ni yin be le ke ipee kaah be igbingbel a sisiigin man ni. Ni ma bu ni che ni num li ween ke iwaa-n, amaa wee ki li be soon ke ilanjelin.

Matiu 7:15

“Ni li nyi tibɔkar a linlem nan bu, ban chaan ni ban ki nann ipee, wee ki sin ye igbingbel bamɔn nan.

Jɔnn 10:13

Nan bu wee u guun nin, u ye wan kpaa ki gaan tiyɔr le mambu u poobil kaa wii ipee-n bu.

Jɔnn 10:2

Uja wan nɔɔ ntimansanmɔnn ki kɔɔ-n le ye u pee yin a kpaaru.

Jɔnn 10:3

Wan dɔ guu-n li loor ntimansanmɔnn ki sei u, le ipee-n pelig u kukɔl. U yi u pee yin a yin le ki ta i nya.

Lituln 20:29

N nyi ke maa nan be a bɔɔn ke, tibɔkardam ban nann igbingbelin na li dan ni sisiigin, ki bii Uwonbɔr a ninfob.

1 Timoti 3:3

ki laa ye udanyugbeer, ki laa ye ukɔnban ni, amaa ki li ye wan be soon, ki laa ye umɔkpefari bee ulig ban ni.

1 Timoti 3:8

Ni li ye man ki sei bititerib mu, ni kpaa talar le nin bi li jɔɔ nbinben ŋan wee bininfob li tenn bi jilima, ki li ye bibamɔndam, ki laa nyuu ndaam takpemi, ki laa ban bin kan tiyɔr tibɔkar bu.

2 Timoti 4:10

Nan bu-n, Demasi kaah ban dulinya nan nbu che u jiɛnim le ki jon Tesalonika. Kiresensi mu jon Galantiya, le Tatusi mu jon Dalimasiya

Taitus 1:7

Nibu, uwonjiɛn sanliir kaah ŋmag Uwonbɔr a toon yin ni, naa ŋan nin u li jɔɔ igalin bee ki mugir u tabi, ki laa ye wan a ŋuul fii yɔli yɔli, ki laa ye udanyugbeeri, ki laa ye ukɔnban bee ki laa ban tinyɔɔr tan kaa jɔɔ jilima.

1 Piita 5:2

Ni li kpaa Uwonbɔr a peei yan wee u taa ŋa ni nɔɔn nin na, ki li tun ke uwonjiɛn sanliira wee ni laa ye bi mug ni le amaa ni tɔɔl a bam bu, ke Uwonbɔr kaah ban ni li be man nin; kaa ye ilig a bam bu, amaa ki li ye ban ŋa sili nin ni tun;

2 Piita 2:3

Tibɔkardam a jaŋuuŋ nbu, bi na li teen iteen baah li ŋa man ki ji ni dulim, nan na yin bii bin a sili pii beera, le nan yin bii bin kaa dɔ jiɛn ni.