Jɔnn 1:51 - UWONBƆR A GBƆNPƆŊ LIKƆƆNL

⁵¹ Le u ji len ke, “N beiŋ ibamɔn le, a li kan papaab kaah loor, le Uwonbɔr a malakam do paab ki jiirin Uninfosaal a Bija-n bu.”

Uwumbɔr aagbaŋ

⁵¹ M tuk nimi mbamɔn la, ni ga kan kitaapaak chuu piir, ki ga kan Uwumbɔr aatuuntiib cha paacham ki ki sunni, min Unibɔn Aabo pu.”

Jɔnn 1:51 ပူးပေါင်းရင်းမြစ်များ

Matiu 25:31

“Uninfosaal a Bigin nan jirin nin u pag nin malakam biɛn n-yonn man ke, u na yin kal u naangbɔŋ bu le nin u pag.

Matiu 26:24

Uninfosaal a Big li jo ke naah sɔb Uwonbɔr a gbɔŋin u bu man ni. Amaa woo ni li bir ki sei wan yin kɔɔr Uninfosaal a Bigin! Baa bi ma udaan gbaa ke, ni bi sɔ.”

Matiu 3:16

Waah fun Yisa Uwonbɔr a nyunful diɛ-n, le Yisa nyan nnyumin weem. Libol nmɔn le kitilangbɔŋ loor, le u kan Uwonbɔr a Naaŋ kaah jiirin u bu ki nann ulanjel, ki nan wonn u bu.

Matiu 4:11

Le ulinlaril fɔr ki sin jiɛn u, le malakam dan ki nan ter u.

Matiu 8:20

Le Yisa jiin ke, “Tiŋɔgir jɔɔ ifal, le nnɔɔm man laan paab nan mu jɔɔ titar, amaa Uninfosaal a Big kaa jɔɔ waah li dɔɔn nan yaan ni.”

Matiu 9:6

Amaa wee ni biɛ ke Uninfosaal a Big jɔɔ tininkper a pɔɔm kutingbɔŋ nan yaan ki li fir jiɛn bininfob a bir ki per bi…” Le ki bei uja wan wee u gbanann kpo nan ke, “Fiim wee ki yuur a wan dɔɔn waŋ ki li kun na.”

Tibɔnyaan ti Mak ŋmee ti na 1:10

Yisa kaah nan nyan nnyum nmɔn yaan ki don nin, le u kan paab kaah loor, le Uwonbɔr a naaŋ jiirin ki nan tɔɔn ubu ki nann ulanjel.

Tibɔnyaan ti Mak ŋmee ti na 14:62

Le Yisa jiin ke, “Nn min le yen. Ni na li kan Uninfosaal a Big kaah ka Utindaan Uwonbɔr a nɔɔjiim paam, ki ji na li kan u ki miin u be titalangbann ni le ki jiirin!”

Tibɔnyaan ti Luk ŋmee ti na 2:13

Iyaayoo nmɔn le malakam takpem nan nyan paab ki jiirin ki nan kpiɛ malaka n bu ki pagir Uwonbɔr ke,

Tibɔnyaan ti Luk ŋmee ti na 2:9

Le Uyudaan a malaka nan degir bi bu. Le Uyudaan nmɔn a pag a weem wonn bi bu. Le bijawaam nan choo bi takpem.

Tibɔnyaan ti Luk ŋmee ti na 22:43

Le malaka nan nyan paab ki jiirin u bu ki pɔɔg u gbanann.

Tibɔnyaan ti Luk ŋmee ti na 22:69

Amaa daandaan nan ki jɔɔ chaa, Uninfosaal a Big li kal npɔɔndaan Uwonbɔr a nɔɔjiim paam.”

Tibɔnyaan ti Luk ŋmee ti na 24:4

Baah nan si kaa ji nyi baah tiɛr man nin, le libol nmɔn yaan bijab bilee ban nan yee tiwanpenn tan nyagin nan sir bi ban.

Tibɔnyaan ti Luk ŋmee ti na 3:21

N-yonn man wee bininfob biɛn nan gaa Uwonbɔr a nyunfulin, le Yisa mu nan gaa Uwonbɔr a nyunful. Le waah nan be miɛ Uwonbɔrin le paab loor,

Jɔnn 1:50

Le Yisa ke, “Nan bu wee a ŋa yada-n ye maah beiŋ ke n bi kan ŋaah ka bikinkam a tumin le. A li kan niwann nan jon man.”

Jɔnn 10:1

“N bei ni ibamɔn le, uja wan kaa nɔɔ ntimansanmɔnn ki kɔɔ ipee a kpinkpenlin ni, amaa ki yug lagir niba paam ki kɔɔ ke, u ye unaayig le nin wan feen.

Jɔnn 10:7

Man bu le Yisa ji nan ke, “N bei ni ibamɔn le, min le ye ipee-n a diig a timansanmɔnn.

Jɔnn 13:16

N bei ni ibamɔn le, utoontunn kaa be ki jon u daan wi, le ntoon mu kaa jon wan tun wi.

Jɔnn 13:38

Tɔ le Yisa jiin ke, “A sin li kpo n buu? N beiŋ ibamɔn le, a li niɛ ke ŋaa nyimi itaa itaa, le ukooja nni mɔɔ!

Jɔnn 14:12

N bei ni ibamɔn le, wan biɛn ŋaam yada ke u li tun maah tun man nin. U li tun tiwann tan jon man, nan bu-n n chaa Baa-n ban le.

Jɔnn 16:20

N bei ni ibamɔn le, ni li mɔɔ ki fabin amaa le ni mɔ dulinya yaab. Ni sufu li bii, amaa ni sufu biil nmɔn li kpann nmɔn.

Jɔnn 16:23

Lidaal nmɔn nan foo ke naa ji na yin baanim niba. N bei ni ibamɔn le, n Baa li sei ni nan biɛn wee ni baan n yinlin bu.

Jɔnn 21:18

N beiŋ ibamɔn le, ŋaah nan pɔɔn nin, a ti yee a wan yɔɔr a tɔɔl le ki jo ŋaah ban nan paam; amaa ni ye a por ke a yin tann a nɔɔi le, le uba n ta a wann yɔɔr ki yeeŋ ki taaŋ jo ŋaah kaa ban a jo nan paam.”

Jɔnn 3:3

Le Yisa jiin ki bei u ke, “N beiŋ ibamɔn le, uba kaa li fir kan Uwonbɔr a naami, see ke bi ji ma u.”

Jɔnn 3:5

Le Yisa jiin ke, “N beiŋ ibamɔn le, uba kaa li fir kɔɔ Uwonbɔr a naamin ni, see ke bi ma u nin nnyum nin Kasi a naaŋin.

Jɔnn 5:19

Le Yisa nan jiin ki bei bi ke, “N bei ni ibamɔn le, Bija-n kaa li fir ŋa niba u baantɔɔli, u li fir ŋa nan wee u kan u Baa-n ŋaan le, nan bu-n niwann nan biɛn wee Baa-n ŋaan nin Bija-n mu ŋaan ni ma le.

Jɔnn 5:27

Le u sei u tininkper a pɔɔm ke u li ji tibɔra nan bu-n u ye Uninfosaal a Bija le.

Jɔnn 6:26

Le Yisa jiin ke, “N bei ni ibamɔn le, ni chonn bam le, naa ye naah kan ligaril a siɛra bu, amaa naah ŋman boroboro le ki gbee-n bu.

Jɔnn 6:32

Le Yisa bei bi ke, “N bei ni ibamɔn le, naa ye Moziz le nan sei ni boroboro kan nan nyan paabin ni, amaa n Baa le tenn boroboro bamɔn kan nyan paabin.

Jɔnn 6:47

N bei ni ibamɔn le, wan ŋa yada jɔɔ limiɛfol lan kaa jɔɔ diɛm.

Jɔnn 6:53

Le Yisa bei bi ke, “N bei ni ibamɔn le, naa ye ni ŋman Uninfosaal a Bija a gbanann ki nyun u cham ke, naa jɔɔ limiɛfol ni ban ni.

Jɔnn 8:34

Le Yisa jiin ke, “N bei ni ibamɔn le, wan biɛn ŋa tibir ye tibir a yomu le.

Jɔnn 8:51

N bei ni ibamɔn le, ni ye ke wan biɛn ŋmag maah wɔɔn man ni ke, waa li nyi kpo.”

Jɔnn 8:58

Le Yisa jiin ke, “N bei ni ibamɔn le, Abiraham a na kaah nan maa win, ki miin n pii ye le!”

Lituln 10:11

Le u kan paab loor le niba nann likinkenl takpenl ki nyan paab ki jiirin nin imɔgban ina.

Lituln 7:56

Le u len ke, “Lig, n kan paab kaah loor wee Uninfosaal a Big si Uwonbɔr a nɔɔjiim paam.”

2 Tesalonika 1:7

ki sei nim ban wee bi mugir ni-n lifooril, nin ti biɛn. Ni na yin ŋa n-yonn man wee Uyudaan Yisa nan kpiir ki nyan papaab nin nŋmipeen nin u malakam ban jɔɔ npɔɔn nin.

2 Tesalonika 1:9

Bi li ji fala wan kaa jɔɔ ndiɛmi bi tudaril nmɔn a poolin. Uwonbɔr na li ŋɔɔr bi ki nyan Uyudaan ban ki che bin lann u pɔɔm man jɔɔ jilima-n,

1 Timoti 3:16

Ti biɛn chee tibɔwoonkaarin kaah polig man ti wonjiɛnlin na: U nan degirin nin tigbanann na, Kinaaŋ nan wɔɔn waah kan nnyaŋim man na, Malakam nan kan wa, Bi nan mɔɔn u bɔr ki sei ibol biɛn na, Bi nan ŋa u yada dulinya nan yaan na, U nan ta u don paab nin jilimau.

Hiibru Yaab 1:14

Naa ye malakam biɛn ye nnaam ban tun itoon le ki tenn ban biɛn yin kan nŋmarimin naa?

Juud 1:14

Enog wan ye Adam a yaabisagira bilile nan, nan pag ilinlen leen ki jiin bininfob nan paama: “Lig, Uyudaan nin U kasidam tuturil a turil le chaan nin,

Tibɔkpiirkaan 19:11

Le n nan kan paab kaah loor, le utanpeen si niin n nintogil, le wan jig ki a yinl ye yada daan nin ibamɔn. Le u ji tibɔr nin tibuchinn, ki tog bitɔb.

Tibɔkpiirkaan 4:1

Ni bɔɔn bu le n nan lig, ki kan paab a naam a naanganl kaah loor ki yaa. Le likukɔl lan wee n pii nan chinn gbir wee li nann kunaatuŋin beim ke, “Donn do, wee n wɔɔniŋ nan kpaa talar ki na yin tun ni niɛ nan biɛn a bɔɔn.”