Jɔnn 1:44 - UWONBƆR A GBƆNPƆŊ LIKƆƆNL

⁴⁴ Filib nan nyan Befisada a tiŋin le, u ma nin Anduru nin Piita

Uwumbɔr aagbaŋ

⁴⁴ Filip do le ye Betseda aatiŋ ni. U ni Andru ni Piita nyan ni kitinbaan ni la.

Jɔnn 1:44 ပူးပေါင်းရင်းမြစ်များ

Matiu 10:3

Filib nin Batolomiu; Tomasi nin Matiu wan nan ye ulanpogaar nan, nin Jemisi wan nan ye Alifiu a bija nan, nin Tadiɛsi,

Matiu 11:21

“Woo Korazin yaab; woo Befisada yaab, ni ye ligaril a toon gbingbemi nan, nan bi tun Taya nin Sidonn a timin, ke naah nan tun man ni timin nan ke, naah bi nan bi jiɛn bi toonbir weem, ki pug bi ba nfatama.

Tibɔnyaan ti Mak ŋmee ti na 3:18

nin Anduru, nin Filib, nin Batolomiu, nin Matiu, nin Tomasi nin Jemisi wan ye Alifiu a bija nan, nin Tadiɛsi, nin Simɔnn wan wee bi yi u ke Zealo wee u nan kɔn u bol a kaal bu-n,

Tibɔnyaan ti Mak ŋmee ti na 6:45

Libol nmɔn le Yisa nan che u bɔɔnɔɔb kɔɔ kuŋaluŋ ki lii u sam ki tan lɔŋ limɔgil a dool, ki chaa Befisada; amaa le u ma paar ke un jaa bininfobin.

Tibɔnyaan ti Mak ŋmee ti na 8:22

Le bi nan foo Befisada, le bininfob biba nan ŋmag ujajɔɔn uba ki dan Yisa ban ki nan balin u ke un ta u nɔɔ ki maa wa.

Tibɔnyaan ti Luk ŋmee ti na 10:13

“Woo, Korazin yaab! Woo, Befisada yaab! Nan bu-n ni ye ligaril a toon biɛn nan nan bi tun Taya nin Sidonn yaab a sisiigin ke naah tun ni sisiigin man nan ke, bi bi li jiɛn bi toonbir weem, ki yee npoobiin a wan yɔɔr, ki pug bi gbanann nfatam, wee ni wɔɔn ke bi jiɛn bi toonbira.

Tibɔnyaan ti Luk ŋmee ti na 6:14

U nan gann Simɔnn (wan wee u nan yi u ke Piita nan) nin Simɔnn a waal Anduru, nin Jemisi, nin Jɔnn, nin Filib, nin Batolomiu,

Tibɔnyaan ti Luk ŋmee ti na 9:10

Ni bɔɔn bu le u tooi nan nan jirin ki nan bei u baah tan tun man. Le u nan ta bi le bi jon kitiŋ kan wee bi yi ki ke Befisada nan bi binba.

Jɔnn 1:43

Ni nan wonn kutaag le Yisa nan bon ke un nya jo Galilii. Waah ban kan Filib nan, le u bei u ke, “Li nɔɔm ni.”

Jɔnn 1:45

Le Filib nan ban kan Nataniɛl le ki bei u ke, “Tim ban kan Moziz kaah nan sɔb wan a bɔr nsiimin nin na, nin wan a bɔr wee bilinlem tɔɔl nan sɔbin, u ma ye Yisa wan nyan Nazarif, ki ye Josef a bija-n.”

Jɔnn 1:46

Le Nataniɛl baan ke, “Nazarif aa! Niwann ŋan li fir nyann niin naa?” Le Filib len ke, “Dan ki nan lig.”

Jɔnn 1:48

Le Nataniɛl baan ke, “A ŋaa nii ki nyi maa?” Le Yisa jiin ke, “N bi kaŋ ŋaah la bi ka bikinkamin a tum wee Filib nin bi yiŋin.”

Jɔnn 12:21

Bi nan dan Filib, wan nan nyan Befisada kan be Galilii-n ban le ki baan u ke, “Uninkpel, ti bi ban ti kan Yisa le.”

Jɔnn 12:22

Le Filib nan jon tan bei Anduru; le Anduru nin Filib nan labir jon ki tan bei Yisa.

Jɔnn 6:5

Yisa kaah nan nan lig ki kan kuninfobabugin kaah chaan u ban nin, le u bei Filib ke, “Ti yin da boroboro laa ki sei bininfob nan njii?”

Jɔnn 6:7

Le Filib jiin u ke, “Iŋmal iniin a yɔr kaa li fir da boroboro wee i yin yab ki foo wee bi biɛn pii nyiri!”

Lituln 1:13

Baah foo Jerusalam n-yonn man nin, le bi jon tan kɔɔ iniin yan yaan wee bi ti be-n, i nan ye tidititɔɔr le. Ban nan be nin yaan le ye Piita, Jɔnn, Jemisi nin Anduru; Filib nin Tomasi, Batolomiu nin Matiu; Jemisi wan nan ye Alifiu a bija-n, nin Simɔnn wan wee bi nan yi u ke zealo, nin Judasi wan ye Jemisi a bija-n.