Jɔnn 1:4 - UWONBƆR A GBƆNPƆŊ LIKƆƆNL

⁴ U ni le limiɛfol nan be, limiɛfol nmɔn nan ye usaal a wonweem le.

Uwumbɔr aagbaŋ

⁴ Uma le ye umɔfadaan. Limɔfal ngbaan tii binib nwiihn mu woln binimbil na.

Jɔnn 1:4 ပူးပေါင်းရင်းမြစ်များ

Matiu 4:16

bininfob ban be libunbɔnlin nan ni kan nwonween takpen na; le ban ka nkum a jinjiimin a tingbɔŋin ni kan nween nin kaah won ki pii ba.”

Tibɔnyaan ti Luk ŋmee ti na 2:32

U li ye nwonween ki kpiir a samin ki wɔɔn ban kaa ye Iziral yaab nan, Ki ji ta kupag ki sei a tɔɔl a ninfob Iziral yaab.”

Jɔnn 11:25

Le Yisa bei u ke, “Min le ye nkum a fiim nin limiɛfol. Wan ŋaam yada li kan limiɛfol, hali nin waah le kpe-n biɛn na;

Jɔnn 12:35

Le Yisa bei bi ke, “Naa li yuuri nwonweenin li be ni ban. Nwonween kaah la be ni ban nin, ni li chonn na wee libunbɔnlin laa pii ni. Usaal wan chonn libunbɔnlin kaa nyi waah chaa nan yaan ni.

Jɔnn 12:46

N dan dulinya nan yaan le ke nwonween nin, wee uba laa ŋa min yada wee ki sin ji be libunbɔnlin ni.

Jɔnn 14:6

Le Yisa jiin ke, “Min le ye nsan nin ibamɔn nin limiɛfol. Uba kaa chaan Baa-n ban ni wee naa ye min bu.

Jɔnn 3:19

Ni nan le ye Uwonbɔr kaah len man: Nwonween dan dulinya nan yaan na, amaa bininfob jiɛ libunbɔnl le ki jon nwonween, nan bu-n bi toon biɛn nan ye tibir le.

Jɔnn 5:21

Nan bu-n Baa-n kaah le fiin ban kpo nkumin ki tenn bi limiɛfol man nin, man le Bija-n mu tenn ban wee u num gbee limiɛfol.

Jɔnn 5:26

Ke Baa-n kaah jɔɔ limiɛfol u baantɔɔl man nin, man le u sei Bija-n npɔɔn ke u mu li jɔɔ limiɛfol u baantɔɔla.

Jɔnn 8:12

Yisa kaah ji nan pag sei bininfobin, u nan ke, “Min le ye dulinya nan a wonweem. Wan biɛn nɔɔm kaa li nyi chonn libunbɔnlin ni, amaa u li jɔɔ nwonween man tenn limiɛfol.”

Jɔnn 9:5

Maah la be dulinya nan yaan nan, min le ye dulinya nan a wonweem.”

Lituln 26:23

ke Masiya li ji fala, ki li ye chinchinn a ninfo wan yin fii nkumin, ki wɔɔn u tɔɔl a ninfob nin ban kaa ye Juu yaab nan tibɔr tan li wonn bi num.”

1 Korenti 15:45

Man le ni sɔb Uwonbɔr a gbɔŋin ke, “Chinchinn a ninfou Adam nan ye wan fo le,” le Adam wan joorin mu ye wan tenn kinaaŋ a miɛfol.

Efesusi 5:14

nwonween le wonn niwann biɛn bu le ti ga. Mambu le ni sɔb Uwonbɔr a gbɔŋin ke, “Fin wan dɔ jiɛn nan, ligira, fii nkumin na, wee Masiya a wonweem nwonn a bu.”

Kolosiya 3:4

Masiya wan ye ni miɛfolin nan degirin ke, iyaayoo nim nin uma na li degirin nin kupag.

1 Jɔnn 1:1

Wan nan be npiinimin, wee ti gbir u bu-n, wee ti num kan win, le ti lig u, hali ki ta ti nɔɔi maa win, uma le ti mɔɔn ki jiin u paam ke u ye limiɛfol a mɔbonl le.

1 Jɔnn 1:2

Limiɛfol nmɔn degirin na; ti kan limiɛfol nmɔn ki jin li siɛrau, limiɛfol lan kaa jɔɔ diɛm nmɔn a bɔr le ti pag ki tenn ni nan, lan nan be Baa-n ban nin, li degirin ti buu.

1 Jɔnn 5:11

Siɛra nmɔn sɔ: Uwonbɔr sei ti limiɛfol lan kaa jɔɔ diɛma, le limiɛfol nmɔn be U Bija-n ban le.

Tibɔkpiirkaan 22:1

Iyaayoo le malaka nan wɔɔnim nkpen man ye limiɛfol a nyum, ki ween ke niɛnu a maarin, ki puu nyan Uwonbɔr nin Kipeebigin a naangbɔŋin,

Tibɔkpiirkaan 22:16

“Min, Yisa, le tun n malaka ke u nan sei biwonjiɛm a laginn siɛra nan. N ye Defid a tuŋ le ki ye u yaabil, ki ye kutaayɔg a ŋmabil lan ween.”