Jɔnn 1:38 - UWONBƆR A GBƆNPƆŊ LIKƆƆNL

³⁸ Yisa kaah nan gbiɛ lig ki kan bi nɔɔ win le u baan bi ke, “Ni ban baa?” Le bi ke, “Rabbi” (ni taai li ye wan wɔɔnn), “Laban wee a kɔɔ?”

Uwumbɔr aagbaŋ

³⁸ Le Yesu fenn, ki kan bi paan ni u pu. Le u baa bi, “Ni ban ba?” Le bi baa u, “Umɔmɔkr, aa koo la chee?”

Jɔnn 1:38 ပူးပေါင်းရင်းမြစ်များ

Tibɔnyaan ti Luk ŋmee ti na 10:39

U nan jɔɔ u naal uba, bi yi u ke Meri, le Meri nmɔn nan kal tum ki mal Uyudaan a taai paam ki pelig u bɔr.

Tibɔnyaan ti Luk ŋmee ti na 14:25

Bininfob takpem le nan nɔɔ Yisa, le u nan gbiɛ lig bi ki ke:

Tibɔnyaan ti Luk ŋmee ti na 15:20

Le u nan fii ki jir kun u baa ban. “Waah laa nan be nan fɔg ki chaa kun nin, le u baa kan u, le kunyunyunbaag choo u takpem, le u guun ki too u nsanbu ki tan bib u ki poor u.

Tibɔnyaan ti Luk ŋmee ti na 19:5

Yisa kaah nan foon kikinkansiig nmɔn yaan nin, le ki waan lig u ki ke, “Zakiusi jiirin weem ni. N yin n be a niin le dinan.”

Tibɔnyaan ti Luk ŋmee ti na 22:61

Le Uyudaan gbiɛ lig Piita chimm. Le Piita nan tiɛr limɔbonl lan wee Uyudaan nan pag sei win: “Kunyiɛg nan, ukooja kaa la yin mɔɔ le a niɛ nfimitaa ke ŋaa nyi mi.”

Tibɔnyaan ti Luk ŋmee ti na 8:38

Uja wan wee nnaanbiimin nan nyan u ni-n nan balin ke un nɔɔ Yisa, amaa le Yisa nan ŋɔɔr u, ki ke,

Jɔnn 1:37

U bɔɔnɔɔb bilee-n kaah nan gbir u len man nin, le bi nan nɔɔ Yisa.

Jɔnn 1:39

Le u jiin ke, “Ni dan, ni na li kan.” Le bi nan jon ki tan kan waah kɔɔ nan yaan, le ki be u ban lidaal nmɔn. Ni nan ye kijɔɔg a kur tina paam le.

Jɔnn 1:49

Le Nataniɛl nin len npaan ni ke, “Wan wɔɔn, a ye Uwonbɔr a bija-n le; a ye Iziral a bɔr takpenl le.”

Jɔnn 12:21

Bi nan dan Filib, wan nan nyan Befisada kan be Galilii-n ban le ki baan u ke, “Uninkpel, ti bi ban ti kan Yisa le.”

Jɔnn 18:4

Yisa, kaah nan nyi niwann nan biɛn li ŋa win, le u nan nyan sir ki too bi le ki baan ke, “Ŋma wee ni ban naa?”

Jɔnn 18:7

Le Yisa ji nan baan bi ke, “Ŋma wee ni ban naa?” Le bi ke, “Yisa wan nyan Nazarif.”

Jɔnn 3:2

Daal liba a nyiɛg le u nan dan Yisa ban le ki nan ke, “Rabbi, ti nyi ke a ye wan wɔɔnn le ki nyann Uwonbɔr ban. Nan bu-n uba kaa li fir ŋa ligaril a siɛram yan wee a ŋaan nan wee naa ye Uwonbɔr le be u ban ni.”

Jɔnn 3:26

Le bi nan dan Jɔnn ban ki nan bei u ke, “Wan wɔɔn, uja wan nan be a ban Jɔdann a kpendoolin, wan a siɛra wee a nan jin nin, lig u nin fu bininfob le Uwonbɔr a nyunful, le bininfob biɛn chaa u ban.”

Jɔnn 4:31

Ki miin u bɔɔnɔɔbin gbeer u le ki ke, “Wan wɔɔn, jim nibau.”

Jɔnn 6:25

Baah nan nan ban kan u limɔgil a nanbu a doolin, le bi baan u, “Wan wɔɔn, ibayoo a foon doo?”

Lituln 10:21

Le Piita jiirin tum ki nan bei bijabin ke, “Min le ni ban nmɔn. Babu wee ni dan naa?”

Lituln 10:29

Mambu, naah yim n bu le n dan kaa yii. Ni yim ba bu?”