Jɔnn 1:14 - UWONBƆR A GBƆNPƆŊ LIKƆƆNL

¹⁴ Limɔbonlin nan kpann tigbanann nin ncham le ki nan ŋa u kukɔɔbol ti ban. Ti nan kan u paga, kupag kiba kpeŋ kpeŋ, kan nan nyan ti Baa ban nin, ki gbee nin linyunyunbasanl nin ibamɔn nin.

Uwumbɔr aagbaŋ

¹⁴ Baah yin u ke Limɔboln na nan kpaln unibɔn, ki nan bi tikaasisik ni. U gee binib chob, ki len ibamɔn baanja la. Le ti kan waah kpa mpɔɔn pu na. Waah ye Uwumbɔr Aajapɔnbaal na, u kpa mpɔɔn ke Ute Uwumbɔr aah kpa pu na.

Jɔnn 1:14 ပူးပေါင်းရင်းမြစ်များ

Matiu 1:16

Jekɔb le nan ma Josef, wan a poo nan ye Meri-n, le Meri ma Yisa wan wee bi yi u ke Masiya nan.

Tibɔnyaan ti Luk ŋmee ti na 2:11

Dinan nan Defid a tiŋin bi ma ufeerin na, U ma ye Uyudaan Masiya.

Tibɔnyaan ti Luk ŋmee ti na 2:7

le u ma usapɔnmal kibijag, le ki ta u pɔbin likinkenlin, ki ta u ŋa kubulunkpoŋ a poolin; npaan kaa ji nan be bicham a diig n-yaan bin kɔɔ.

Tibɔnyaan ti Luk ŋmee ti na 9:32

Amaa njiɛm nan jɔɔ Piita nin u tabin pam, le bi jiɛn ki nan jee ligir ki kan waah pag nin bijab bilee ban lagin si u ban nin.

Jɔnn 1:1

Dulinya a piinim ni ki miin wan wee bi yi u ke Limɔbonlin pii nan be le, le Limɔbonlin nan be nin Uwonbɔr, Limɔbonl nmɔn nan ye Uwonbɔr le.

Jɔnn 11:40

Le Yisa ke, “Maa beiŋ ke ni ye ke a ŋa yada ke, a li kan Uwonbɔr a pagaa?”

Jɔnn 14:6

Le Yisa jiin ke, “Min le ye nsan nin ibamɔn nin limiɛfol. Uba kaa chaan Baa-n ban ni wee naa ye min bu.

Jɔnn 14:9

Le Yisa jiin ke, “Naa nyi maa, Filib, nin maah le nan be ni ban ni yuur man nan a bɔɔn naa? Wan biɛn kam ke u kan Baa-n na. Ni yin ŋa niin ki len ke, ‘Wɔɔn ti Baa-n’ naa?

Jɔnn 17:22

N ta kupag kan wee A nan ta seimin ki sei ba, ke nin che bin ŋa nba ke taah ye nba man nin:

Jɔnn 17:24

“N Baa, n ban bininfob ban wee A ta seimin na li be n ban le maah na yin be nan yaan nin. Wee bin kan npagim, kupag kan wee A nan ta seimin, nan bu-n Ŋaah jiɛm n-yonn man wee dulinya kaa la nan naan nin.

Jɔnn 18:37

Le Palati ke, “Tɔ a ye ubɔr le!” Le Yisa jiin u ke, “A jɔɔ ibamɔn nin ŋaah pag ke n ye ubɔr nmɔn. Ibamɔn buu, ni ma bu le bi mam, ni ma bu le n dan dulinya nan yaan, n nan ji ibamɔn a siɛra. Le ban be ibamɔn paamin pelig n bɔr.”

Jɔnn 2:11

Ni ma nan ye u chinchinn a garil a siɛra, lan wee Yisa nan ŋa Kena a tiŋ kan be Galilii a poolin. U nin nan kpiir ki wɔɔn u pag a toon kaah ye man, le u bɔɔnɔɔbin nan ŋa u yada.

Jɔnn 3:16

Mambu Uwonbɔr kaah jiɛ dulinya nan kagin bu le u ta u bija gaŋ sei ti, ke wan ŋa u yada ke waa li kpo, amaa u li kan limiɛfol lan kaa jɔɔ ndiɛmi.

Jɔnn 3:18

Waa yin bii wan biɛn ŋaa u yada, amaa wan biɛn kaa ŋaa yada pii si nbiimin le nan bu-n waa ŋa Uwonbɔr a Bija gaŋin yada.

Jɔnn 6:51

Min le ye boroboro kan fo-n wee ki nyan paabin. Ni ye uninfo wan ŋman boroboro nan ke, u yin be le ki gbaa be. Boroboro nan le ye n gbanann, tan wee n yin ta sei dulinya, dulinya nan a miɛfol bu.”

Jɔnn 8:32

Ni li biɛ ibamɔn kaah ye nan, le ibamɔn nmɔn li che ni kan feegab.”

Lituln 13:33

U gbeen limɔsiinl nmɔn ki sei tim ban ye bi yaabili n na ki fiin Yisa nkumin na. Ke naah sɔb ilan yan kpiɛ milee n yaan ke: ‘Fin le ye N bija; dinan le N ŋa a baa.’

Rom Yaab 8:3

Uwonbɔr tun nan wee nsiimin kaa fir tun nna nan bu-n uninfosaal a gbanann kaa nan fir ŋmag nsiim nmɔn ni, le U tun U tɔɔl a big le ki nann uninfosaal wan ye tibirdaan nin ke un nan mann tibir a manug. Le ki bii tibir tan be uninfosaal a gbanann nin ni-n,

Rom Yaab 9:5

Bi yaab le ye ti yaajam ninkpeebin, ban nyan ti yaajamin a bolin nin Masiya tɔɔl nyan niin le u ninforin nin bu, U ma ye Uwonbɔr wan jon niwann biɛn, U ma kpaan npagim man kaa jɔɔ diɛm! Ibamɔn.

1 Korenti 15:47

Chinchinn a ninfo win nan nyan titann nin le, le uninfo wan kpiɛ milee n mu nyan paab.

2 Korenti 12:9

Amaa le u beim ke, “Maah saŋ kunyunyunbaag man ni kpaan nin ŋa, N pɔɔm jɔɔ yaag idaburigin le.” Ni bu n li fa ligbingbanl takpem n daburigi yin bu, wee Masiya a pɔɔm li be n ban.

Galantiya 4:4

N-yonn nmɔn kaah nan nan foon biɛn nin, le Uwonbɔr tun U tɔɔl a bija, wan wee upii ma u, wee nsiim ŋmag u,

Efesusi 3:8

Min le joor kaa yabi Uwonbɔr a ninfob nmɔn biɛn a sisiigin, amaa ni biɛn yɔli, Uwonbɔr a nyunyunbasanl bu le U gannim ki seim nsan ke: N mɔɔn ki wɔɔn ban kaa ye Juu yaabin Masiya a jɔɔm man kaa li fir ban kan ni,

Kolosiya 1:19

Nan bu-n, Uwonbɔr nan jɔɔ linungbeel le u bu, U binbemin biɛn kaah nan gbee u ni-n.

Kolosiya 2:3

uma ban le nlamgɔrikaam nin nnyinyin gbee le ki woo.

Kolosiya 2:9

Ni ma bu Uwonbɔr a nunaŋ be Masiya a gbanann nin le waah nan ye uninfo-n,

1 Timoti 3:16

Ti biɛn chee tibɔwoonkaarin kaah polig man ti wonjiɛnlin na: U nan degirin nin tigbanann na, Kinaaŋ nan wɔɔn waah kan nnyaŋim man na, Malakam nan kan wa, Bi nan mɔɔn u bɔr ki sei ibol biɛn na, Bi nan ŋa u yada dulinya nan yaan na, U nan ta u don paab nin jilimau.

Hiibru Yaab 1:3

Uwonbɔr a pag le che U bija-n nyagin, ki jɔɔ Uwonbɔr a nunaŋ, ki ji ye wan ŋmag niwann biɛn u mɔleen a pɔɔm bu. Ni bɔɔn bu waah nan ban tibir a ŋunnim ki sei ti-n, le u kal Jilimadaan Uwonbɔr a nɔɔjiim paam papaab.

Hiibru Yaab 1:5

Malaka u la ba wee Uwonbɔr la nyi len ke, “Fin le ye N bijaa; dinan a daal N ŋa a Baa”? Bee, “N li ŋa u Baa, wee u mu n ŋa n bijaa”?

Hiibru Yaab 10:5

Mambu Masiya kaah dan dulinya nan yaan nin, u nan bei Uwonbɔr ke: “Ŋaa ban kumanug nin ipiin nin, amaa tigbanann le a ŋa ti sili ki seim;

Hiibru Yaab 2:11

Yisa le che bininfob be kasi, le kasi dam nmɔn nin Yisa ye iniin yaab. Ni bu ifa kaa jɔɔ Yisa nin un yin bi ke u nabumi.

Hiibru Yaab 5:5

Masiya mu kaa nan taa kupag nmɔn ubaantɔɔl a bam bu ke un ŋa biminmanib a yudaau wi. Amaa Uwonbɔr le nan bei u ke, “A ye N Bija le; dinan le N kpann a Baa.”

1 Jɔnn 4:14

Le ti kan ki jin siɛra ke ti Baa-n le nan tunn U Bija ke un nan ŋa dulinya nan a feeru.

1 Jɔnn 4:9

Uwonbɔr kaah wɔɔn ti waah jiɛ ti man sɔ: U nan tunn U bija gaŋin dulinya nan yaan ke nin che ti kan limiɛfol kibig nmɔn bu.

2 Jɔnn 1:7

Bilinlarib takpem, ban kaa chee ke Yisa Masiya dan nin tigbanann le dulinya nan yaan nin, bi nyan le ki yal dulinya nan yaan. Bininfob nmɔn a bosu ye bilinlarib le nin Yisa a dataam.

Tibɔkpiirkaan 19:13

Le u wan yee wan man nin ncham, le u yinl ye Uwonbɔr a Mɔbonl.

Tibɔkpiirkaan 21:3

Le n gbir likukɔl kaah nyan nnaam a gbɔŋin yaan ki len ke, “Daandaan nan Uwonbɔr a binben bol be bininfob ban, le U li be nin bi. Bi li ŋa U ninfob, le Uwonbɔr mu tɔɔl li be nin bi ki ye bi Weem.