Jɔnn 1:12 - UWONBƆR A GBƆNPƆŊ LIKƆƆNL

¹² Nin ni ma biɛn ni, ban biɛn nan gaa win, nin ban nan ŋa yada u yinl bu-n, le u nan sei bi nsan ke bin nin ŋa Uwonbɔr a buwaab.

Uwumbɔr aagbaŋ

¹² Binib bimɔk gaa u na, u tii bi nsan ke bi kpaln Uwumbɔr aabim. Bima le ye binib bi gaa u ki kii na.

Jɔnn 1:12 ပူးပေါင်းရင်းမြစ်များ

Matiu 10:40

“Wan gaa ni kuchɔŋ ke, u yaa daan gaa min le, wan mu gaa min kuchɔŋ ke u gaa n Baa Uwonbɔr wan tum min le.

Matiu 12:21

U yinl bu le ibol biɛn nan na li jɔɔ tama.”

Matiu 18:5

“Wan gaa kibig nan a binbem nan a bosu n yinl bu ke, u gaa min le.

Jɔnn 1:11

U nan dan u yaabin le, amaa le u yaab nmɔn kaa nan gaa wi.

Jɔnn 1:7

U nan dan ki ye siɛra jir le ki wɔɔn nwonween nmɔn bu, wee u ma bu uninfosaal n ŋa yada.

Jɔnn 11:52

le naa ye bi bol a binba bu, amaa Uwonbɔr a bum ban yaalin, ke un lagin bi bogil liba wee bi ŋa ninfo uba.

Jɔnn 2:23

Tɔ waah nin nan be Jerusalam yuglagir a chiigin ni, bininfob takpem nan kan ligaril a siɛram yan wee u nan ŋaan nin le ki ŋa u yinl yada.

Jɔnn 20:31

Amaa nsɔbim nan ye ni ŋa mi yada le ke Yisa le ye Masiya, Uwonbɔr a Bija, le ni ŋa u yada ke ni li kan limiɛfol u yinlin.

Jɔnn 3:18

Waa yin bii wan biɛn ŋaa u yada, amaa wan biɛn kaa ŋaa yada pii si nbiimin le nan bu-n waa ŋa Uwonbɔr a Bija gaŋin yada.

Lituln 3:16

“Yada nin Yisa a yinl bu le uja wan wee ni kan ki nyi u nan pɔɔg ki fin choon, waah ŋa Yisa a yinlin yada n bu. Yada kan wee u jɔɔn le che u kan kutebug ni biɛn a numin.

Rom Yaab 8:14

nan bu-n, ban wee Uwonbɔr a Naaŋin lii bi samin, bi ye Uwonbɔr a naachim le.

Rom Yaab 8:16

Uwonbɔr a Naaŋin tɔɔl le jin siɛra ti naaŋin ke ti sin ye Uwonbɔr a buwaab le.

Rom Yaab 8:19

Niwann nan wee Uwonbɔr naan nan biɛn le guu le bi sufu ŋa sili ki lig lidaal lan wee Uwonbɔr na yin kpiir U naachimin ni.

Galantiya 3:26

Ni biɛn nan ye Uwonbɔr a buwaab le naah ŋa Masiya yada-n bu.

Galantiya 4:6

Naah ye Uwonbɔr a buwaabin bu le Uwonbɔr tun U big nmɔn a Naaŋ le ki dan ki nan be ti sufu ni, le kinaaŋ nmɔn yi ke, “Ti dindaau, ti baa.”

Kolosiya 2:6

Ni ma bu, naah pii nan gaa Masiya ke Uyudaan nan, ni li gbaa be u ban na,

2 Piita 1:4

Ni niɛ nan bu, le u sei ti imɔsiin takpen yan ŋan wee ni ma bu nin che ni por Uwonbɔr a wonaaŋ a pɔɔm wee ki ŋmar dulinya a ŋmaruŋin kan nyann tibir a kɔlisa-n.

1 Jɔnn 3:1

Ni lig ti Baa Uwonbɔr kaah pu ki jiɛ ti tan lagir man, ke bi li yi ti ke Uwonbɔr a buwaab! Man mu le ti sin ye! Nan bu wee dulinya yaab kaa nyi ti-n ye baah kaa nyi Uwonbɔr nle.

1 Jɔnn 3:10

Ni niɛ le che ti biɛr ban ye Uwonbɔr a buwaab nin ban ye ulinlaril a buwaab: Ban kaa tun nan ŋan bee kaa jiɛ bi nabumin kaa ye Uwonbɔr a buwaabi.

1 Jɔnn 3:2

N jɔtiib, daandaan nan ti ye Uwonbɔr a buwaab le, le taah na yin be man kaa la kpiir wɔɔn ti. Amaa ti nyi ke u nan degirin ke, ti yin be le ke uma-n, nan bu-n ti na yin kan u le ke waah be man nin.

1 Jɔnn 3:23

U siim sɔ: Ke ti ŋaam U bija Yisa Masiya a yinl yada, wee ki li jiɛ tab ke waah siin ti man nin.