Jɔnn 1:10 - UWONBƆR A GBƆNPƆŊ LIKƆƆNL

¹⁰ U nan be dulinya nan yaan le, nin dulinya nan kaah le nan naan u bu nan yɔli dulinya kaa nan biɛ wi.

Uwumbɔr aagbaŋ

¹⁰ Baah yin u ke Limɔboln na nan naan dulnyaa, ki dan nan bi dulnyaa ni, le dulnyaa aanib aa bee u.

Jɔnn 1:10 ပူးပေါင်းရင်းမြစ်များ

Matiu 11:27

“Tɔ, n Baa le wɔɔm tibɔr nan biɛn. Uba kaa nyi min Bija-n kaah ye wan ni see n Baa-n; le uba mu kaa nyi n Baa-n ni, see min, wan ye u bija nan, ke maah kpiir ki wɔɔn ban wee n ban ni.

Jɔnn 1:11

U nan dan u yaabin le, amaa le u yaab nmɔn kaa nan gaa wi.

Jɔnn 1:18

Uba kaa nyi kan Uwonbɔr i, amaa U ma Uwonbɔr a binba, wan be Baa-n a logilin che bi biɛ wa.

Jɔnn 1:3

U bu le niwann biɛn nan naan; niba kaa be ki nan naan wee waa be niin ni.

Jɔnn 1:5

Nwonween nin nan wonn libunbɔnlin, amaa le libunbɔnlin kaa nan biɛ mi.

Jɔnn 17:25

“N Baa Wan ye tibuchinn daan, hali dulinya yaab kaah kaa le nyiŋin, min nyiŋ, le bi nyi ke Fin le tunim.

Jɔnn 5:17

Le Yisa bei bi ke, “N baa le tun U toon le ki nan kpaa dinan, le n mu, tɔɔl, tun le.”

Lituln 14:17

Nin man biɛn ni, Waa nan ŋa niba wee naa jin siɛra, U wɔɔn U binbenŋam le ki che u taal nu ki che tiwanbukaar biɛn lo iyoo biɛn ki tenn ni tijiir takpem le ki che ni mɔ ni.”

1 Korenti 1:21

Uwonbɔr tɔɔl a lamin bu che dulinya nan yaab a lam kaa fir biɛ wi. Ni nan gbee Uwonbɔr a num nin baah nan ke nan ye ijɔr leen nin kaah nan mɔɔn wee bininfob ban nan ŋa yada-n kan feeja-n bu.

1 Korenti 2:8

Dulinya nan a a bɔrtiib, uba kaa be ki nyi nlam nmɔn ni. Bi bi nyi mi ke, baah nan bi li kpaa ti Yudaau, wan ye jilimadaan nni.

1 Korenti 8:6

tim ban ma ke, Uwonbɔr uba kpeŋileŋ le be, u ma ye ti Baa Uwonbɔr wan nan naan niwann biɛn, le Uyudaan uba kpeŋileŋ mu le be u ma ye Yisa Masiya, u ma bu le tiwann biɛn nan naan, le ti mu be u ma bu le.

Kolosiya 1:16

Uma bu le niwann biɛn nan naan: Nan be papaab nin tum, nan wee ti ga nin nan wee taa ga, naah ye kunaangbɔŋ bee ipɔɔn bee nnaam a pɔɔm bee tininkper a pɔɔm; uma nan naan niwann biɛn le ki ye niwann biɛn.

Hiibru Yaab 11:3

Yada bu le ti biɛ ke Imɔleen le Uwonbɔr nan ta naan dulinya, ni bu naa ye nan wee ti ga nan le Uwonbɔr nan ta naan dulinya.

1 Jɔnn 3:1

Ni lig ti Baa Uwonbɔr kaah pu ki jiɛ ti tan lagir man, ke bi li yi ti ke Uwonbɔr a buwaab! Man mu le ti sin ye! Nan bu wee dulinya yaab kaa nyi ti-n ye baah kaa nyi Uwonbɔr nle.