Jɔnn 1:1 - UWONBƆR A GBƆNPƆŊ LIKƆƆNL

¹ Dulinya a piinim ni ki miin wan wee bi yi u ke Limɔbonlin pii nan be le, le Limɔbonlin nan be nin Uwonbɔr, Limɔbonl nmɔn nan ye Uwonbɔr le.

Uwumbɔr aagbaŋ

¹ Uwumbɔr aah kaa nan kee naan dulnyaa na, ubaa nan bi, bi yin u ke Limɔboln. U nan bi Uwumbɔr chee, ki bi ke Uwumbɔr aah bi pu na.

Jɔnn 1:1 ပူးပေါင်းရင်းမြစ်များ

Matiu 1:23

“Lig! Usapɔɔn wan kaa nyi uja na li choo lipool ki maa kibijag, le bi na li yin u yinl ke Imanuel.” Ni taai le ye, “Uwonbɔr be nin ti.”

Tibɔnyaan ti Luk ŋmee ti na 24:53

le bi nan be iwonjiɛn niin iyoo biɛn, ki donn Uwonbɔr a yinl.

Jɔnn 1:14

Limɔbonlin nan kpann tigbanann nin ncham le ki nan ŋa u kukɔɔbol ti ban. Ti nan kan u paga, kupag kiba kpeŋ kpeŋ, kan nan nyan ti Baa ban nin, ki gbee nin linyunyunbasanl nin ibamɔn nin.

Jɔnn 1:18

Uba kaa nyi kan Uwonbɔr i, amaa U ma Uwonbɔr a binba, wan be Baa-n a logilin che bi biɛ wa.

Jɔnn 1:2

U nan be nin Uwonbɔr le dulinya a piinimin.

Jɔnn 16:28

N nyann Baa-n ban le ki kɔɔn dulinya ni; daandaan nan n nya dulinya ni le ki chaa jir Baa-n ban.”

Jɔnn 17:5

Le daandaan nan, n Baa, seim kupag A nintogil ni, kupag kan wee n nan kan A ban n-yonn man wee dulinya kaa la nan naan nin.

Jɔnn 20:28

Le Tomasi bei u ke, “N yudaau nin n Wonbɔru!”

Jɔnn 8:58

Le Yisa jiin ke, “N bei ni ibamɔn le, Abiraham a na kaah nan maa win, ki miin n pii ye le!”

Rom Yaab 9:5

Bi yaab le ye ti yaajam ninkpeebin, ban nyan ti yaajamin a bolin nin Masiya tɔɔl nyan niin le u ninforin nin bu, U ma ye Uwonbɔr wan jon niwann biɛn, U ma kpaan npagim man kaa jɔɔ diɛm! Ibamɔn.

Efesusi 3:9

ki che uninfo biɛn n mann biɛ Uwonbɔr a bɔwoonkaarin a toon kaah ye man, wee Uwonbɔr, wan nan naan niwann biɛn nin, nan ŋmag ti liwoolin n-yonn man nan jon nin.

Filipi 2:6

U jɔɔ Uwonbɔr a nunaŋ le, amaa waa tiɛr ke un ta u ba kpaag nin Uwonbɔr bee niwann nan wee u li choo,

Kolosiya 1:15

Masiya le ye Uwonbɔr wan wee taa ga win a nunaŋ, uma ye kibininkpeeg kan yab jon kuwonaaŋ biɛn.

Kolosiya 1:17

U nan be ke niwann niba kaa la nan be, uma bu le niwann biɛn choo tab ki ŋmag.

1 Timoti 3:16

Ti biɛn chee tibɔwoonkaarin kaah polig man ti wonjiɛnlin na: U nan degirin nin tigbanann na, Kinaaŋ nan wɔɔn waah kan nnyaŋim man na, Malakam nan kan wa, Bi nan mɔɔn u bɔr ki sei ibol biɛn na, Bi nan ŋa u yada dulinya nan yaan na, U nan ta u don paab nin jilimau.

Taitus 2:13

A li ke taah le jɔɔ tama ki guu ti kaar a daalin, le ti lig lidaal lan wee ti Wonbɔr gbingbemilin nin ti feegabdaan Yisa Masiya kaah na yin degirin nin kupag man,

Hiibru Yaab 13:8

Yisa Masiya kaah won be man won nin yaan nin, u le be man le dinan, u le yin gbaa be man le nin iyoo yan kaa jɔɔ diɛmi.

Hiibru Yaab 7:3

Waa nan jɔɔ baa bee na, kaa jɔɔ yaajasan, kaa jɔɔ maa daali bee kum daali, u nann Uwonbɔr a Bija le, ki ye u minmanu hali nin iyoo yan kaa jɔɔ diɛm.

2 Piita 1:1

Min Simɔnn Piita wan ye Yisa Masiya a toontunnu nin u toomin, Le sɔb kugbɔŋ nan ki tenn ban wee Uwonbɔr nin ti Yudaau Yisa Masiya a buchin binbem bu che bi kan yada kan ŋan ke ti yaagin:

1 Jɔnn 5:20

Le ti ji nyi Uwonbɔr a big kaah dan ki nan sei ti nbiɛm, ke nin che ti biɛ Uma wan ye ibamɔndaan nin. Le ti mu be nin Uma wan ye ibamɔndaan nmɔn, hali nin U big Yisa Masiya. U ye ibamɔn a Wonbɔru le nin limiɛfol lan kaa jɔɔ ndiɛm.

1 Jɔnn 5:7

Nan bu-n tiwann titaa le jin ni siɛra:

Tibɔkpiirkaan 1:11

ki len ke, “Sɔb nan wee a kan nan ki ŋa kugbɔŋ kpabkaagin ki ta tan sei biwonjiɛm a laginn a kerim milile-n na: Ti ma ye Efesusi, nin Simarina, nin Pagamum, nin Tayatira, nin Sadusi, nin Filadelifiya nin Laodisiya.”

Tibɔkpiirkaan 1:17

Maah nan kan u n-yonn man nin le n lu u ta tum ke utakpiirin. Le u ta u nɔɔjiim ki paan nbu ki len ke, “Laa san bijawaami. Min le ye Npiinim nin Njoorim.

Tibɔkpiirkaan 1:2

le Jɔnn nan jin siɛra waah kan nan biɛn nin bu, ti ma ye, Uwonbɔr a mɔleen nin Yisa Masiya a siɛra.

Tibɔkpiirkaan 1:8

“Min le ye Npiinim nin Njoorim,” Uyudaan Uwonbɔr le len man, “Min wan be, nin wan nan be, nin wan yin dan, npɔɔn biɛn daan.”

Tibɔkpiirkaan 19:13

Le u wan yee wan man nin ncham, le u yinl ye Uwonbɔr a Mɔbonl.

Tibɔkpiirkaan 2:8

Le u ji ke “Sɔb sei Simarina a wonjiɛm a malaka ke: Wan ye Npiinim nin Njoorim, wan nan kpo wee ki ji fii nkumin nin a mɔleen sɔ.

Tibɔkpiirkaan 21:6

Le u beim ke: “Ni ŋau. Min le ye Wan chinn nin Wan joor, Npiinim nin Ndiɛm. Nnyunyum kaah jɔɔ ban nin, n li sei bi limiɛfol a nnyum, man ye nnyunbunkaamin yɔli.

Tibɔkpiirkaan 22:13

Min le ye Alifa nin Omega, Chinchinn nin Njoorim, Npiinim nin Ndiɛm.

Tibɔkpiirkaan 3:14

Le ki ji ke, “Sɔb ki sei Laodisiya a wonjiɛm a malaka ke: Wan a yinl ye Ibamɔn nin, nin ibamɔn a yada a siɛradaan wee ki ŋmag nan biɛn wee Uwonbɔr naan nin a mɔleen sɔ.