Jemisi 5:3 - UWONBƆR A GBƆNPƆŊ LIKƆƆNL

³ Ni salima nin ni kurninann nin kɔɔ likurila. Likuril nmɔn le li ye siɛra ki li gaa ni gbanann ke nŋmi-n. Ni taah ifaa le ki woon idaajoorikaan.

Uwumbɔr aagbaŋ

³ Ni di ŋimombil bil, le ŋi daŋ a. Ŋaah daŋ pu na, nima le mɔk ke nimi aabɔr bii a, ki ga ji nimi aawon ke mmii na. Naah kuun liwankpal li wiir na bil na, ni kuun ntafadaan mu wiir ki ga pii nimi kookoo aataadaal na la.

Jemisi 5:3 ပူးပေါင်းရင်းမြစ်များ

Lituln 2:17

‘Uwonbɔr nan len ke, dulinya nan a joorimin, n na li kpaar n naaŋin ki jaa bininfob biɛn bu. Le ni bijam nin ni bisiɛm na li pag ilinlen leen, le ni naachipɔm na li kan zii, le ni janinkpeeb mu na li dɔgin tidindɔgin.

Rom Yaab 2:5

Amaa ni tukangbiril nin naah kaa ban ni kpenn ni sufu-n bu, le ni kpiɛg U ŋuufiiŋ lan yab ki tenn ni ba lidaal man wee Uwonbɔr a ŋuufiiŋ nin U buchin bɔjilin na yin degirin nin.

2 Timoti 2:17

Bi wɔɔm nmɔn li yann ke libiɛl kaah pɔr tigbanann nin man nin. Bi ni bibam le ye Hamenasi nin Filetusi,

2 Piita 3:3

Chinchinn, ni kpaa le nin ni li nyi ke idajoorikaa-n bininfob ban yɔɔlin na li dan, ki ta bi yɔɔlim nmɔn ki nɔɔ bitɔɔl a gbanann a kɔlisa birugin.

Tibɔkpiirkaan 17:16

Kuwanbiigin nin iyinh piig yan wee a nan kan nin na li nan lipiijagɔɔrilin, ki fee u faal biɛn wee ki jaa u lijakpalomil, bi na li ŋman u gbanann ki nyɔɔ u nŋmi.

Tibɔkpiirkaan 20:15

Ni ye wan a yinl kaa nan sɔb ŋa limiɛfol a gbɔŋin yaan ke, bi nan ti ta u le ki gab nŋmi a mɔgilin yaan.

Tibɔkpiirkaan 21:8

Amaa ban kaa jɔɔ lipoobil, nin ban kaa jɔɔ yada, nin bipootondam, nin bininfokub, nin ban tun iwanchɔgin toon lipiibanl nin lijabanl, nin ban ye binyɔgdam, nin bibawomanib, nin tibɔkardam biɛn na yin be lichibil a ŋmiim a mɔgilin yaan. Ni niɛ le ye nkum man kpiɛ milee.”