Jemisi 5:16 - UWONBƆR A GBƆNPƆŊ LIKƆƆNL

¹⁶ Mambu, ni kpiir ni bir ki wɔɔn taba, ki li miɛ Uwonbɔr ki tenn taba wee ni kan kutebug. Ubuchinn a wonmiɛl jɔɔ npɔɔn le mitoon yin.

Uwumbɔr aagbaŋ

¹⁶ Nima pu na, ni kpiir nimi aatunwanbir ki tuk tɔb, ki mee Uwumbɔr tii tɔb, aan u tii nimi laafee. Unii u dii Uwumbɔr aasan mbamɔm na yaa mee Uwumbɔr linimaln kan, waameel kpa mpɔɔn sakpen.

Jemisi 5:16 ပူးပေါင်းရင်းမြစ်များ

Matiu 21:22

Nan biɛn wee ni li miɛ Uwonbɔr ni bu, ni ye ni ŋa yada ke, ni sin li kan.”

Matiu 3:6

Le ki tan kpiir bi toonbir, le u fun bi Uwonbɔr a nyunful Jɔdann a kpenn.

Tibɔnyaan ti Mak ŋmee ti na 1:5

Le bininfob nan nyan Judiya a tingbɔŋin biɛn nin Jerusalam a timin, ki dan u ban ki nan kpiir bi toonbir, le u nan fun bi Uwonbɔr a nyunful Jɔdann a kpenn.

Tibɔnyaan ti Luk ŋmee ti na 9:6

Man le u bɔɔnɔɔbin sin nan nyan ki choon ntinbumin ki mɔɔn Uwonbɔr a bɔr ki sin teb bibaarib.

Jɔnn 9:31

Ti nyi ke Uwonbɔr kaa pelig tibirdam a wonmiɛli. U pelig wan nyi Uwonbɔr ki tun u bamin a wonmiɛl le.

Lituln 10:38

ni biɛn nyi Uwonbɔr kaah gbeen Yisa wan nyan Nazarif nan U pɔɔm man, ki sei u Kasi a Naaŋ nin npɔɔn nin waah nan choon ki tun itoon ŋan ki teb ban biɛn nan be ulinlarin a pɔɔmin ni, nan bu-n Uwonbɔr le nan be u ban.

Lituln 19:18

Le ban nan ye biwonjiɛmin takpem nan nyan npaan ni ki nan kpiir bi toonbir.

Lituln 8:24

Le Simɔnn bei bi ke, “Ni miɛ Uyudaan ki seim ni, wee nan wee ni len nan n laa kan mi.”

Rom Yaab 3:10

Ke naah sɔb man Uwonbɔr a gbɔŋin nin: “Uba kaa be ki ye ubuchin Uwonbɔr ban ni, hali uba kaa be;

Rom Yaab 5:19

A li ke naah nan ye uninfo uba a mɔyiil bu le nan che bininfob takpem kpann tibirdamin, man mu le uninfo uba a mɔcheel bu mu yin che bininfob takpem n kpann bibuchim.

Kolosiya 1:9

Ni niɛ nan bu, lidaal lan wee ti gbir ni bu-n, taa ta Uwonbɔr a miɛm ni bu ki jiɛn ni, le ki le miɛ Uwonbɔr ke Un gbeen ni nnyinyin man ye u bam ki sei ni kinaaŋ a lam nin nbiɛm.

1 Tesalonika 5:17

Ni li miɛ Uwonbɔr iyoo biɛn na;

1 Tesalonika 5:23

Che Uwonbɔr tɔɔl, wan ye nposɔɔn a Uwonbɔr win n ŋa ni kasi niwann biɛn nin. Ki che ni naaŋ nin ni sufu nin ni gbanann biɛn n laa nan jɔɔ igbarig ti Yudaau Yisa Masiya a dan daali.

1 Tesalonika 5:25

N nabum, ni li miɛ Uwonbɔr tenn ta.

Hiibru Yaab 11:4

Yada bu le Ebiɛl nan mann kumanug ŋaŋ ki sei Uwonbɔr ki jon Kenn a manug. Yada bu le Uwonbɔr nan pag u ke u ye ubuchin le, Uwonbɔr kaah nan pag nan ŋan ki jiin u manugin paamin. Yada bu le u le la pag, hali nin waah le kpo nan.

Hiibru Yaab 11:7

Yada bu le Nowa, Uwonbɔr kaah nan kpaan u ikpaan ki ta jiin tiwann tan paam wee u num kaa la nan kan nin, le kasi a jawaam nan che u kpee kuŋaluŋ kan fee uma nin u niin yaab gabin. U yada bu le Uwonbɔr nan bii dulinya le Nowa kpann ufaajir u buchin tan nyan u yada nin.

Hiibru Yaab 12:13

“Ni mann nsan man tel ki sei ni taai,” wee ni laa nyaŋ kuwɔbigi, amaa wee un kan kutebug.

Hiibru Yaab 13:18

Ni li miɛ Uwonbɔr ki tenn ta. Ti nyi ke ti jɔɔ potiɛri yan ween le ti ban ti li be jilima a binbemin niwann biɛn nin.

1 Piita 2:24

Uma tɔɔl le nan tu ti yaa bir u gbanann nin lidapunpunl bu, wee nin che ti kpo tibir bu ki kan limiɛfol nbuchin binben nin ban; u daŋin bu le ni kan kutebug.

1 Jɔnn 3:22

ki li kan nan biɛn wee ti miɛ U, nan bu-n ti chee U siima, ki tun nan li gbee U num.