Jemisi 5:15 - UWONBƆR A GBƆNPƆŊ LIKƆƆNL

¹⁵ Bi miɛ nin yada ke, ubaar nmɔn li pɔɔg, Uyudaan li fiin u paab. Ni ye u ŋa tibir le ke, u li kan jiɛn per.

Uwumbɔr aagbaŋ

¹⁵ Bi yaa mee Uwumbɔr ki pak ke u ga tii u laafee kan, mmeen ngbaan le ga cha ubun ngbaan pɔɔk, le Tidindaan ga fiin u. U yaa tun titunwanbir kan, u ga di cha pinn u.

Jemisi 5:15 ပူးပေါင်းရင်းမြစ်များ

Matiu 17:20

Le u jiin ke, “Ni yada kaah waarin bu. N bei ni le, ni ye ke ni ŋa yada hali wee yada-n foo nnyiɛnbim ke, ni li fir bei lijɔɔl ke, ‘Fii ki tan lu nan buu’, li sin bi yin fii le; niba kaa bi li pɔɔ ki sei ni.

Jɔnn 5:14

Lidaal nmɔn a bɔɔn le Yisa nan ban kan u iwonjiɛn niin le ki bei u ke, “Lig, a pɔɔga. Jiɛn tibir a tuma, naa ye man ke nan bir jon man li fir kaŋ.”

Jɔnn 6:39

Le Uwonbɔr wan nan tunimin a wiib kaah ban man sɔ, ke n laa lann nan biɛn wee u ta seimin ni, amaa ke lidajoorikaalin ke n don bi paab.

1 Korenti 1:21

Uwonbɔr tɔɔl a lamin bu che dulinya nan yaab a lam kaa fir biɛ wi. Ni nan gbee Uwonbɔr a num nin baah nan ke nan ye ijɔr leen nin kaah nan mɔɔn wee bininfob ban nan ŋa yada-n kan feeja-n bu.

2 Korenti 4:14

nan bu-n ti nyi wan nan fiin Yisa nkumin, u ma na yin fiin tim ke waah nan fiin Yisa man ni, ki ta tim nin nim ki jo u baan tɔɔl ban.

Jemisi 1:6

Amaa u miɛ ke, ni kpaa le nin un ŋa Uwonbɔr yada ki laa biɛn ni, nan bu-n wan jɔɔ nbiɛnim nann limɔgil a nyungbɔŋ le, man wee nfaam daar mi ki yeŋin.

Jemisi 5:13

Ni ni uba be tibɔmugkaarin naa? Un miɛm Uwonbɔr. Ni ni uba jɔɔ lipoopenl laa? Ni che un gaah ilan ki pag Uwonbɔr.

Jemisi 5:16

Mambu, ni kpiir ni bir ki wɔɔn taba, ki li miɛ Uwonbɔr ki tenn taba wee ni kan kutebug. Ubuchinn a wonmiɛl jɔɔ npɔɔn le mitoon yin.

Jemisi 5:20

ni li tiɛr ni niɛ: Wan biɛn fir labir tibirdaan wan borin ki jiin siin ibamɔn a samin yaan ke, udaan fee tibirdaan nmɔn nkum a nɔɔn na, ki li che tibirdaan nmɔn n kan feegab u bir takpemin bu.