Jemisi 4:1 - UWONBƆR A GBƆNPƆŊ LIKƆƆNL

¹ Ba che ikɔn nin imɔkpel be ni sisiigin naa? Naa ye ni nyan ni gbanann a bam man be nin ni ki kɔn nin ni n lee?

Uwumbɔr aagbaŋ

¹ Tɔ, butɔb ni kijaak ki bi nikaasisik ni na, ni nyan ni la chee? Naa ye nimi aakpeek le jaa kijaak nisui ni ii?

Jemisi 4:1 ပူးပေါင်းရင်းမြစ်များ

Matiu 15:19

Uninfo a sufu ni le tipotiɛbir, nin lininfokul, nin iwanchɔgin toon, nin lipiibanl nin lijabanl, nin nnaayigim, nin tibɔkar a siɛra, nin kutingbiig nya.

Jɔnn 8:44

Ni ye ni baa, ulinlaril, a buwaab le, ki ban ni li ŋaan ni baa kaah ban man. U pii nan ye uninfokur le npiinimin, kaa ŋmag ibamɔn ni, nan bu-n ibamɔn kaa be u ban ni. U nan por tibɔkar ke, u pag u bol a leen le, nan bu-n u ye tibɔkar daan le ki ji ye tibɔkar a baa.

Rom Yaab 7:23

amaa n kan nsiim miba mu kaah be n gbanann nin, ki kɔnn nsiim man be n potiɛmin ni, ki ŋaam tibir tan be n gbanann ni a bɔgi a loondikɔɔru.

Rom Yaab 7:5

Tigbanann a bam kaah la nan ŋmag ti n-yonn man nin, le nsiimin nan che kɔlisa birug fii ti gbanann nin, ki che ti lo iloon ki sei nkum.

Rom Yaab 8:7

wan ta u potiɛl ki ŋa tigbanann a bamin ke, u ye Uwonbɔr a dataag le, nan bu-n waa nɔɔ Uwonbɔr a siimin ni, hali kaa sin li fir nɔɔ mi.

Galantiya 5:17

Tigbanann kaah ban nan nin kaa chee sei kinaaŋ kaah ban nan nin ni, le kinaaŋ mu kaah ban nan nin kaa chee sei tigbanann kaah ban nan nin ni. I kɔn nin tab le, ni ma le che naa fir tun naah ban nan ni.

Kolosiya 3:5

Mambu ni ku nan ye dulinya nan a binbem man be nin ni na: Nan ye iwanchɔgin toon, nin ni piibanlin bee ni jabanlin, nin tijaginn a toon, nin nmɔsanyunsɔɔm, nin titoonbir nin kujaŋuuŋ ni ma ye libawol manil.

2 Timoti 2:23

Nyam a nɔɔ ijɔrig nin nlinliim a mɔkpel faalin na, nan bu-n a nyi ke ni jɔɔ ikɔn le chaan.

Taitus 3:3

Isaŋ iba ti mu nan ye tijɔri le nin tukangbirdam, le ni lar ti ki ta ti ŋa tiyomir, ki jɔɔ kɔlisa birug nin dulinya nan a wan ŋan. Le ti jɔɔ kininaŋ nin linunchɔril, le bi nan ti le ti mu nan bitab.

Taitus 3:9

Amaa ni nyam ijɔrig nin nmaal a ninkpeeb a yin a bɔrin nin imɔkpel a famin nin ikɔn ki ta jiin Uwonbɔr a siim paam, nan bu-n ni ye yɔli le kaa jɔɔ tinyɔɔri.

Jemisi 1:14

amaa uninfo biɛn ga nbiginim, n-yonn man wee u potiɛ bir a bam dar u ki chor u nle.

Jemisi 4:3

Ni ye ni miɛ ke, naa ga, nan bu-n ni miɛ nin tipotiɛbir le, ni miɛ ke ni ta ŋa ni baantɔɔl a gbanann a bam le.

1 Piita 1:14

Naah ye nbuwaab ban jɔɔ limɔcheelin, ni laa ji nɔɔ kɔlisabirug, kan wee naa la nan nyi wee ki nɔɔ nni.

1 Piita 2:11

N jɔtiib, n balin ni le, naah kaa ye dulinya nan yaab wee ki sin be dulinya nan ki ye bichamin, ni jiɛn titoonbir a kɔlisau, tan kɔnn nin ni naamin.

2 Piita 2:18

Bi mɔɔŋi kaa jɔɔ nyɔɔri, kalanbaani a mɔleen le bi jɔɔ, ki lar ban ban bin nya tigbanann a kɔlisa a toon yin ni, le bi jir kuŋmaruŋ a toon yin.

2 Piita 3:3

Chinchinn, ni kpaa le nin ni li nyi ke idajoorikaa-n bininfob ban yɔɔlin na li dan, ki ta bi yɔɔlim nmɔn ki nɔɔ bitɔɔl a gbanann a kɔlisa birugin.