Jemisi 3:2 - UWONBƆR A GBƆNPƆŊ LIKƆƆNL

² Tiwann takpemin, ti biɛn tun ki bura. Ni ye uba kaa nyi ki pag burin u pipagirin ke, u yaadaan ye kasi daan le, ki li fir ŋmag u gbanann nbamɔm.

Uwumbɔr aagbaŋ

² Ba pu? ti mɔmɔk yenni sakpen. Unii yaa kaa yenni waabɔlen ponn ni kan, uma le ye unibamɔnn, ki ga ŋmaa chuu tiwon mɔmɔk ti taa ŋa bakaa.

Jemisi 3:2 ပူးပေါင်းရင်းမြစ်များ

Matiu 12:34

Nim iwaalab a buwaab nan, naah ye tininfobir man nan, ni yin ŋa nii wee tibɔŋann nfir nya ni mɔnn naa? Nan bu-n nan wee uninfo tiɛr u sufu ni, ni ma nya u mɔnn.

Matiu 12:37

Nan bu-n uninfo biɛn a pipagir le na yin nyan u bee ki ku u.”

Rom Yaab 3:10

Ke naah sɔb man Uwonbɔr a gbɔŋin nin: “Uba kaa be ki ye ubuchin Uwonbɔr ban ni, hali uba kaa be;

Rom Yaab 7:21

N kan ke nsiim nmɔn tun itoon: Ni ye n ban n tun nan ŋan ke, nan bir be n ban.

1 Korenti 9:27

Aai, n mug n gbanann le ki ŋa ti tiyomir, ke maah mɔɔn tibɔŋannin ki tenn n tab man ni, ni bɔɔn bu min tɔɔl n laa nan lann n yɔri.

Galantiya 3:22

Amaa Uwonbɔr a gbɔŋin bei ke, uninfo biɛn be tibir a loondiigin le, naah li ŋa man wee Uwonbɔr kaah nan siin limɔsiinl ke U li sei ban ŋa Yisa Masiya yada lifaal lan nin, bi yada nmɔn bu le U yin sei bi.

Galantiya 5:17

Tigbanann kaah ban nan nin kaa chee sei kinaaŋ kaah ban nan nin ni, le kinaaŋ mu kaah ban nan nin kaa chee sei tigbanann kaah ban nan nin ni. I kɔn nin tab le, ni ma le che naa fir tun naah ban nan ni.

Kolosiya 1:28

Yisa nmɔn le ti mɔɔn, ki kpaan bininfob ki wɔɔn bi nlam a booli biɛn, naah li ŋa man wee ti ŋa uninfob biɛn kasi ki sei Uwonbɔr, Masiya ni.

Kolosiya 4:12

Epafarasi, wan ye ni ni uba wee ki ji ye ni toontunn kpiɛg Masiya a toon nin mu poor ni. U miɛ Uwonbɔr le nin linunmanl iyoo biɛn ki tenn ni, ke ni sir kenken ki li ye bininfob chegirikaab ban tun Uwonbɔr a bam.

Hiibru Yaab 13:21

un sei ni nan ŋan biɛn wee ni ta tun u bam, ki che ni tinn nan li gbee u num, Yisa Masiya, wan ŋan nin npagim iyoo yan kaa jɔɔ ndiɛm bu. Ibamɔn.

Jemisi 1:26

Ni ye uba tiɛr ke u ye uwonjiɛn wee kaa chor u lanbil ke, u lar uba le, u wonjiɛnl nmɔn ye yɔli le.

Jemisi 1:4

Ni kpaa le nin limɔril n diɛ mi toonl wee nin che ni gbee bininfob nbamɔm, wee niba n laa par ni.

Jemisi 2:10

Wan ŋmag nsiimin biɛn, amaa wee ni ŋa le u bii nsiim nmɔn miba ke, u bii nsiim man gurin biɛn na.

1 Piita 3:10

Ni ma bu ni sɔb Uwonbɔr a gbɔŋin ke, “Wan jiɛ limiɛfol wee u num nkan idaa yan ŋan ke, un choom u lanbil tibɔbir a pagimin nin u mɔgbai kularug a leen yin.

1 Piita 5:10

Le Uwonbɔr wan ye linyunyunbasanl biɛn daan ni, wan yin ni ke ni kan u pag kan kaa jɔɔ diɛm Masiya nin, naah jin fala wama a bɔɔn nin, Uma tɔɔl le ji li jiin ni siin ni yada-n ki che ni pɔɔg, le ni sir kenken.