Jemisi 3:17 - UWONBƆR A GBƆNPƆŊ LIKƆƆNL

¹⁷ Amaa nlam man nyan paab a naamin nin, chinchinn mi ma ye kasi ki ye man jɔɔ limɔril nin jiininba, ki gbee nin linyunyunbasanl nin nbinben ŋan, nin ibamɔn a pagim.

Uwumbɔr aagbaŋ

¹⁷ Le unii u kpa nlan mu nyan ni Uwumbɔr chee na, u bi chain, ki kpa nsuudoon, ni mbimbisuuna, ki ŋun tii binib, ki kpa linimbaasaln sakpen, ki tun litunyaan sakpen, kaa kpa imaagann, ki ye mbamɔndaan.

Jemisi 3:17 ပူးပေါင်းရင်းမြစ်များ

Matiu 23:28

Man le bininfob lig ni, ni num paam nann bibuchim le amaa le ni poolin gbee nin kularug nin npooton.

Matiu 5:8

Tikaar be ban a sufu be kasi nan bu, nan bu-n bi ma na li kan Uwonbɔr.

Matiu 5:9

Tikaar be ban ban nposɔɔn bu, nan bu-n bi ma le bi na li yin bi Uwonbɔr a buwaab.

Tibɔnyaan ti Luk ŋmee ti na 21:15

Nan bu-n n na li sei ni imɔbon nin nlam man wee ni dataam kaa na li fir yii bee ki niɛ.

Tibɔnyaan ti Luk ŋmee ti na 6:36

Ni li jɔɔ linyunyunbasanl ke ni Baa kaah jɔɔ linyunyunbasanl man nin na.

Jɔnn 1:14

Limɔbonlin nan kpann tigbanann nin ncham le ki nan ŋa u kukɔɔbol ti ban. Ti nan kan u paga, kupag kiba kpeŋ kpeŋ, kan nan nyan ti Baa ban nin, ki gbee nin linyunyunbasanl nin ibamɔn nin.

Jɔnn 1:47

Yisa kaah nan kan Nataniɛl be forin nin, le u bei u ke, “Iziral a big bamɔŋ kan kaa jɔɔ igalin nin sɔ.”

Lituln 11:24

Banabasi nan ye uninfoŋan le, ki gbee nin Kasi a Naaŋ nin yada, le ki nan ta-n bininfob takpem ki sei Uyudaan.

Lituln 9:36

Upii wonjiɛn uba mu nan be Jopa, le u yinl ye Tabita, (amaa le Girig a leen yin, bi nan yi u ke Dokasi). U nan tun itoon ŋan le iyoo biɛn ki tenn faladam.

Rom Yaab 12:18

Ni ye a bi li fir ke, naah tɔɔ a bu nan, li be nin nposɔɔn nin uninfo biɛn na.

Rom Yaab 12:9

Ni kpaa le nin njiɛm le ye ibamɔn. Ni li nan nan ye tibir; ki li ŋmag nan ŋan nin kenken.

Rom Yaab 15:14

N nabum, min tɔɔl kaa biɛni, ni tɔɔl gbee nin nbinben ŋan, ki jɔɔ nbiɛm takpem, ki li fir wɔɔn tab nbamɔm.

1 Korenti 12:8

Kasi a Naaŋ che biba pag nlam a bɔr, Kasi a Naaŋ nmɔn a piini le che biba pag nin nbiɛm Kinaaŋ kiba nmɔn a pɔɔmin,

2 Korenti 10:1

Min Pɔɔl wan jɔɔ jiininba nin nbinben ŋan Masiya ban ni, le tenn ni bimɔb nan, min wan wee ni ke n be ni ban ke n san bijawaamin amaa wee n nyan ngbaan ke n jɔɔ lipoobilin!

2 Korenti 6:6

ti ye bipopendam le, ki jɔɔ nnyinyin, limɔril nin nbinben ŋan ki gbee nin Kasi a Naaŋ nin njiɛm,

2 Korenti 7:11

Ni lig biwonjiɛm a poobiim nan kaah tun nan ni ni: Ni che ni jɔɔ inunman, ki kɔn ni bamɔn bu, le ni ŋuui fii, ki san bijawaam, ki ban ni kam le ki ta ni ba sei, nin naah ŋa sili ki ban ibamɔn ngann man, naah tun man nmɔn, ni sin wɔɔn ke naa jɔɔ niba a galin tibɔr nmɔn yaan ni.

2 Korenti 9:10

Uwonbɔr wan tenn bininfob idibool wee bi bu-n, ki ji tenn bi tijiir wee bi ji-n, U ma le li sei ni idibool ki che yin nɔb, man le U li che ni chiɛ ibuchin di takpem.

Efesusi 5:9

(nan bu-n nwonween a loonl ŋan ki jɔɔ nbuchin binben nin ibamɔn)

Filipi 1:11

ki gbee nin nbuchin binben man nyan Yisa Masiya ni, ki li ye kupag ki tenn Uwonbɔr.

Filipi 4:8

Ni joorimin, n nabum, nan ye ibamɔn, nin nan ye jilima, nin nan ŋan, nin nan be kasi, nin nan ye njiɛm, nin linungbeel, ni ye niwann ŋan ki tan lagir bee ki be kasi ke, ni li tiɛr tiwann nmɔn buu.

Kolosiya 1:10

Ti miɛ ni niɛ le ke ni fir be nbinben man kpaan ki gbee Uyudaan a num niwann biɛn nin: Ki lo iloon yan ye itoon ŋan biɛn a looi, ki yabirig nin Uwonbɔr a nyinyim.

1 Tesalonika 2:7

amaa ti nan be le soon, ke upii kaah ŋmag u buwaab man nin.

1 Timoti 5:21

Uwonbɔr a nintogil, nin Masiya a nintogil nin Malaka gannkaabin a nintogil le n kpaaniŋ ke, a chee nwɔɔm nan wee ki laa jɔɔ nbɔgirim bee ki gann ki ban uba ki jiɛn utɔ ŋaah tun nan biɛn nin ni.

2 Timoti 2:24

Naa ŋan nin Uyudaan a toontunnu li ban ikɔn ni, amaa u li jɔɔ nbinben ŋan nin bininfob biɛn, ki li ye wan li fir wɔɔn, ki li jɔɔ limɔril.

Taitus 1:15

Bininfob ban be kasi-n, bi wan biɛn be le kasi, amaa bininfob ban kaa be kasi wee kaa jɔɔ yada-n ma ban, niba kaa be ki be kasi. Nan bu-n bi sufu nin bi potiɛri biɛn ŋmarin na.

Taitus 3:2

bi laa jɔɔ kutingbiig u ba bu, ki li be nin nposɔɔn, ki li jɔɔ nbinben ŋan, ki li tenn bininfob biɛn ibamɔn a jilima.

Hiibru Yaab 12:11

Ikpaan a yoo kaa jɔɔ nmɔni, amaa ni ye nton le. Ni bɔɔn bu ke, le nim ban mu tinn nmɔn nkan nbuchin binben nin nposɔɔn.

Hiibru Yaab 12:14

Ni pɔɔn niba ki li jɔɔ nposɔɔn nin bininfob biɛn wee ki li be kasi; naa jɔɔ kasi a binbem ke uba kaa li fir kan Uyudaan ni.

Jemisi 1:17

Nan ŋan nin nan be kasi biɛn ye ipiin yan nyan paab le, ki nyan ti Baa wan jɔɔ papaab a weemin, wan kaa kpenn ke nbɔɔm kaah kpenn man nin.

Jemisi 1:5

Ni ye ni ni uba par nlam ke, u yaadaan n miɛm Uwonbɔr wan tenn bininfob nin tibuchinn wee kaa galin uba-n li ta sei u.

Jemisi 2:13

nan bu-n, ban kaa san bikpiɛtiib kunyunyunbaagin, Uwonbɔr mu na li ji bi tibɔr kaa yin san bi kunyunyunbaagi. Linyunyunbasanl jon tibɔr a jima.

Jemisi 2:4

naa ye nganim le ni ŋa ni sisiigin nmɔn naa? Ki labir bibɔjib ni potiɛbir buu?

Jemisi 3:15

“Nlam nmɔn a bosu kaa nyan paab a naamin ni amaa mi ye dulinya nan a lam man kaa gbee nin Kinaaŋ ki ye ulinlaril yaamin le.

Jemisi 4:8

Ni fɔɔr mal Uwonbɔr a, wee Uwonbɔr mu nfɔɔr ki mal ni. Nir ni nɔɔi ya, nim tibirdam nan, ki ŋa ni sufu kasiu, nim ipotiɛ ilelee dam nan.

1 Piita 1:22

Naah mann niba kasi wee ki jɔɔ ibamɔn a mɔcheelin wee ki jiɛ ni nabum ibamɔn ni, ni li jiɛ tab nin ni sufu biɛn na.

1 Piita 2:1

Mambu, ni jiɛn niwann nan ye kininaŋ nin kularug, nin bilinlarib a toon nin linunchɔril nin kutingbiig a booli biɛn na.

1 Piita 2:18

Nim ban ye biyomi, ni gaam ni yudam a mɔɔŋi nin jilima biɛn, wee nin laa ye ban ŋan wee bininfob a num gbee bin a binba, amaa hali nin ban a pooi to-n gbaa tɔɔl.

1 Jɔnn 3:18

N buwaab, ni laa che ti jiɛm ye imɔleen bee lilanbil a binba, amaa ni li nɔɔ nin itoon nin ibamɔn.

1 Jɔnn 3:3

Uninfo wan biɛn jɔɔ tama Uwonbɔr ni ke, udaan ŋa uba le kasi ke Yisa kaah be man ni.