Jemisi 3:13 - UWONBƆR A GBƆNPƆŊ LIKƆƆNL

¹³ Ŋma ye ulandaan nin ubiɛndaan ni sisiigin naa? Ni che un wɔɔn ni u binben ŋam a lam a toon yan ye jiininba a toon nmɔn.

Uwumbɔr aagbaŋ

¹³ Tɔ, unii ubaa bi ni ponn ni ki kpa nlan ni ŋuntii ii? Ni ŋan ke waabimbinyaan le mɔk ke u kpa. U li bi suuna, ki li kpa nlan, ki tun litunyaan.

Jemisi 3:13 ပူးပေါင်းရင်းမြစ်များ

Matiu 11:29

Ta n daagin ki paan a ba bu, wee ki tinn n ban, nan bu-n n ye jiininbadaan le ki jɔɔ jiininba n sufu ni, wee ni naam nkan lifooril.

Matiu 21:5

“Bei Zayɔnn a tiŋ yaab ke, Ni lig man, ni bɔru li chaan ni ban ni. U ye wan jiin u ba le, ki jig kiboŋ kan ye kibonbig.”

Matiu 5:5

Tikaar be ban jiin bi ba tum nan bu, nan bu-n bi li ji dulinya nan a faal.

Matiu 7:24

“Mambu, wan biɛn gbir n bɔr wee ki ŋmag ti nbamɔm ke, u nann ulandaan wan nan maa u niin ki tɔɔn kutanpiig bu-n le.

1 Korenti 6:5

N jin ni ifa nin maah len man nmɔn na. Limɔkpel dan nim a sisiigin ke, nim kaa jɔɔ ulandaan wan li fir mann tibɔr nmɔn naa?

2 Korenti 10:1

Min Pɔɔl wan jɔɔ jiininba nin nbinben ŋan Masiya ban ni, le tenn ni bimɔb nan, min wan wee ni ke n be ni ban ke n san bijawaamin amaa wee n nyan ngbaan ke n jɔɔ lipoobilin!

2 Korenti 8:24

Mambu ni wɔɔn bijab nan na ban bi man, nin nan bu wee ti jɔɔ kalanbaani ni bu, wee biwonjiɛm a laginn nin kan.

Galantiya 5:23

nin jiininba, ki kpiɛ choonba. Nsiim nba kaa ji be wee ki li bii ban tun nan ni.

Galantiya 6:1

N nabum, ni ye ni kan uba tun titoonbir ke, nim ban be nin Kinaaŋin ni ter mu soon wee un mann ki sir nbamɔm, amaa wee ki li nyi ni ba bu, naa ye man ke ni mu li kɔɔ libiginlin.

Galantiya 6:4

Uninfo biɛn nmag u ba a toon ya. Wee ki nin fir ki fa u gbingbanl u toon ŋan bu, ki laa jɔɔ u ba magir u kpiɛgi,

Efesusi 4:2

Ni jiin niba, ki li be soon, ki li jɔɔ limɔril nin njiɛm nin tab.

Filipi 1:27

Nan biɛn ŋa ke, ni che ni binbem li be ke Masiya a bɔŋann nin kaah wɔɔn ni man ni. Wee ni ye n dan ni ban ki nan gɔnn ni bee maa dan ni wee ki sin gbir ni bu ke, n li nyi ke ni si nbamɔm nin kinaaŋ kiba, ki lagin jɔɔ lipotiɛl liba ki kɔn ni yada wan wee ni jɔɔ tibɔŋann nin bu,

Kolosiya 3:12

Mambu, naah ye Uwonbɔr a ninfogannkaabin wee u jiɛ ni ki ŋa ni kasi-n, ni ta linyunyunbasanl nin tiŋann, nin jiininba, nin nbinben ŋan nin limɔril ki kpann daala ki yee u.

1 Timoti 4:12

Laa che bin lig ki ziɛŋ ŋaah ye kibipɔliŋ nbu, amaa ŋa limagil ki wɔɔn yadadam a pipagirin, a miɛfolin, a bamin, a yada-n nin a kasi a toon yin.

1 Timoti 6:11

Amaa fin, wan ye Uwonbɔr a ninfo nan, guun ki nya ni niɛ nan yaan biɛn na, pɔɔn a ba ki li jɔɔ nbuchin binben, nin nwonjiɛn binben, nin yada, nin njiɛm, ki li jɔɔ lipoobil ki li be soon.

2 Timoti 2:25

Ni kpaa le nin u li be soon ki fir wɔɔn ban yii u bɔrin, ki li jɔɔ tama ke Uwonbɔr li sei bi nkpenim man li wɔɔn bi ibamɔn nin,

Taitus 3:2

bi laa jɔɔ kutingbiig u ba bu, ki li be nin nposɔɔn, ki li jɔɔ nbinben ŋan, ki li tenn bininfob biɛn ibamɔn a jilima.

Hiibru Yaab 13:5

Ni choo niba nin ilig a jiɛma, wee ki che ni num ngbee nan wee ni jɔɔ-n, nan bu-n Uwonbɔr len ke, “Maa li nyi ki jiɛn ni; maa li nyi ki yii ni.”

Jemisi 1:21

Mambu, ni nyam niwann nan biɛn ye tijaginn nin nbinben biin nin, wee ki jiin niba tum ki gaa imɔleen yan wee bi ta sei nin, imɔleen nmɔn le li fee ni ki jaa.

Jemisi 2:18

Amaa uba li len ke, “Fin le jɔɔ yada, le n mu tun itoon.” Wɔɔm a yada kan kaa tun itoon nin ni, wee n wɔɔniŋ n yada nin n toon yan wee n tun.

Jemisi 3:1

N nabum, ni takpem nlaa ban ni ŋa ban wɔɔnn ni, nan bu-n, ni pii nyi ke tim ban wɔɔnn nin, a bɔr a jim na li pɔɔ ki jo bininfob biɛn yaal.

Jemisi 3:17

Amaa nlam man nyan paab a naamin nin, chinchinn mi ma ye kasi ki ye man jɔɔ limɔril nin jiininba, ki gbee nin linyunyunbasanl nin nbinben ŋan, nin ibamɔn a pagim.

1 Piita 1:15

Amaa Uwonbɔr wan yin ni kaah be kasi man nin, ni mu li be kasi nin ni toon biɛn nin na;

1 Piita 2:12

Ni li be nbinben ŋan nmɔn a bosuu ban kaa ye biwonjiɛmin a sisiigin na, hali baah le galin ni ke ni tun tibirin na, ni biɛn yɔli ni li che bin kan ni toon ŋan ki sei Uwonbɔr kupag lidaal lan wee U nan yin gɔnn ti.

1 Piita 2:9

Amaa nim ye bininfob gannkaab le, ki ye bininfob ban ye ibɔrniin a minmanib, ki ye kasi a bol, ki ye Uwonbɔr yaab, ke ni pag Uma wan yin ni ki nyan ni libunbɔnlin ki ta ni ŋa ligaril a wonweem n-yaan nin.

1 Piita 3:4

Amaa ni che niba a manim li be ni sufu ni, nŋinŋan man kaa wiiri ki be soon nin kinaaŋin, ni ma ye nŋan man wee Uwonbɔr a num gbee takpem.