Jemisi 2:5 - UWONBƆR A GBƆNPƆŊ LIKƆƆNL

⁵ N nabum; ni pela man: Naa ye Uwonbɔr le gann ban ye faladam kutingbɔŋ nan a poolin, ke bi li ye biwandam yada a ŋaam bu, wee ki nan ji paab a naam a faal lan wee Uwonbɔr siin limɔsiinl ke u li sei ban ban win naa?

Uwumbɔr aagbaŋ

⁵ Nnaabitiib bi m gee bi na, ni li pel man. Uwumbɔr nyan binib bi ye bigiim dulnyaa wee ni na ke bi gaa u ki kii ki li ye biwankpadam u chee, ki ji nnaan mu Uwumbɔr nan puu tipuur ke u ga tii binib bi gee u na.

Jemisi 2:5 ပူးပေါင်းရင်းမြစ်များ

Matiu 11:5

ke ni kan bijɔɔm ligir, le nwɔbim a taai tann le bi choon, le nkɔm a gbanann ŋaŋ, le bitukpaab gbir, le bitakpiib fii nkumin, le tibɔŋann nin nan mɔɔn ki sei bilanjiim.

Matiu 25:34

“Le ubɔrin na li bei ban si u nɔɔjiim paamin ke, ‘Ni dan, nim ban wee n Baa kaab tikaar ki jaa ni bu nan, ni gaam ni faal, nnaam man wee Uwonbɔr nan ŋa mi sili ki guu ni dulinya a piinimin ni.

Matiu 5:3

“Tikaar be ban ye bilanjiim kinaaŋin ni, nan bu-n paab a nnaamin ye bi yaal le.

Tibɔnyaan ti Mak ŋmee ti na 7:14

Le Yisa nan mann ki yin kuninfogbaluŋin u ban le ki bei bi ke, “Nim ban biɛn be do nan, ni pel nbamɔma wee ki biɛ maah yin pag tibɔr tan nan a taai.

Tibɔnyaan ti Luk ŋmee ti na 12:21

“Wan lagin njɔɔm ki tenn uba, wee kaa sin jɔɔ njɔɔm Uwonbɔr ban ke, u mu nann kujajɔrug nan le.”

Tibɔnyaan ti Luk ŋmee ti na 12:32

“N ninfob ban kaa yab nan, ni laa san bijawaami, ni Baa Uwonbɔr jɔɔ npopeen nin waah yin jin ni nnaam n bu.

Tibɔnyaan ti Luk ŋmee ti na 16:22

“Le faladaan nin nan kpo, le malakam nan ta u jon Abiraham ban. Le ujɔɔndaan nin mu nan kpo, le bi pii u.

Tibɔnyaan ti Luk ŋmee ti na 16:25

“Amaa le Abiraham nan jiin u ke, ‘N big, li tiɛr ŋaah nan be a miɛfolin ni a nan gaa a wan ŋann na, le Lazarusi mu nan gaa nan kaa ŋan na, amaa daandaan nan u ni be lifooril ni le a mu be limugil ni.

Tibɔnyaan ti Luk ŋmee ti na 22:29

N Baa Uwonbɔr kaah jim nnaam man nin, mu yaa naam le n yin jin ni mu,

Tibɔnyaan ti Luk ŋmee ti na 6:20

Le Yisa nan lig u bɔɔnɔɔbin ki bei ke: “Tikaar be nim ban ye bilanjiimin bu, nan bu-n Uwonbɔr a naam ye ni yaan le.

Jɔnn 7:48

Biyudamin a ni uba bee Farasiim ŋa u yada waa?

Lituln 7:2

Le Sitifin jiin ke, “N nabum nin n baam, ni pel n bɔr nan na man! N-yonn man wee ti yaaja Abiraham nan be Mesopotamiya a tingbɔŋin, iyaayoo ki miin waa la jon Haran ni, le Uwonbɔr a pag degir u bu.

Rom Yaab 8:17

Daandaan nan ni ye ti sin ye Uwonbɔr a buwaab ke, man ke ti ye U faajib le, tim nin Masiya le lagin ki ye Uwonbɔr a faajib, ni ye tim nin Masiya lagin ki jin U fala-n ke tim nin U ma ji na yin lagin kan U pag.

1 Korenti 2:9

Ke naah sɔb Uwonbɔr a gbɔŋin ke, “Linunbil kaa kan ni, Litul mu kaa gbiri, le uninfosaal a sufu mu kaa nyi, nan wee Uwonbɔr ŋa ni sili ki guun ban ban win ni.”

2 Korenti 4:15

Ni niɛ nan biɛn ye tinyɔɔr le ki sei ni, wee Uwonbɔr a nyunyunbasanl n foo bininfob takpem, wee bin sei Uwonbɔr kunɔɔpoog takpem nin kupag.

2 Korenti 6:10

ti jɔɔ npoobiin, amaa le iyoo biɛn ke ni mɔ ti, ti ye faladam le, amaa le ti che bininfob takpem kpann bijɔɔndam; taa jɔɔ niba, amaa le ki sin jɔɔ niwann biɛn.

2 Korenti 8:9

Ni nyi ti Yudaau Yisa Masiya a nyunyunbasanl kaah ye man. U nan ye uwandaan le, amaa nim bu le u kpann faladaan, naah li ŋa man wee u fala nmɔn n che ni kpann biwandam.

Efesusi 1:18

N ji miɛ Uwonbɔr le ke Un ligir ni sufu wee ni biɛ tama kan bu wee U yin ni-n, ki ji biɛ U jilima takpenl a faal lan wee U nan siin limɔsiinl ki sei U ninfogannkaabin,

Efesusi 3:8

Min le joor kaa yabi Uwonbɔr a ninfob nmɔn biɛn a sisiigin, amaa ni biɛn yɔli, Uwonbɔr a nyunyunbasanl bu le U gannim ki seim nsan ke: N mɔɔn ki wɔɔn ban kaa ye Juu yaabin Masiya a jɔɔm man kaa li fir ban kan ni,

1 Tesalonika 2:12

ki pɔɔgir ni gbanann, ki sɔŋir ni sufu, ki balin ni ke ni li be nbinben ŋan man gbeeg Uwonbɔr wan yin ni ki ta ni kɔɔn U naam man jɔɔ jilima-n a num.

2 Tesalonika 1:5

Ni niɛ biɛn ye siɛra le ki wɔɔn ke Uwonbɔr a bɔjil ŋan, le ni joorimin bi li kan ni ki kpiɛ bininfob ŋamin Uwonbɔr a naam man bu wee ni ji fala nan.

1 Timoti 6:18

Bei bi wee bi li tun nan ŋan na, ki li ye bijɔɔndam itoon ŋan nin, ki li por baah jɔɔ nan ki tenn taba ki laa jɔɔ woog tabi.

2 Timoti 4:18

Uyudaan li nyam niwanbirilin kaah li legim nan yaan biɛn, wee ki nan taam kun U paab a naamin yaan soon. Uma ye npagim nin isaŋ yan kaa jɔɔ diɛmi. Ibamɔn.

2 Timoti 4:8

Daandaan nan n buchin yuchigirig ŋa sili ki dɔ guum, kan wee Ubuchin yudaan wan ye ubɔjirin na yin ta ki yɔm lidaal nmɔn, naa yin ye n yaa binba, amaa u na li yɔ ban guu waah na yin degirin lidaal lan nin tɔɔl.

Hiibru Yaab 11:26

U nan tiɛr ke u jin ifa Masiya bu ke ni jɔɔ tinyɔɔr jon Ijibir a jɔɔma, nan bu-n u num nan tɔɔ u nyɔɔr tan be nintogilin bu le.

Jemisi 1:12

Tikaar be wan jɔɔ limɔril limagil a poolin nin bu, nan bu-n ni ye u nyaŋ limagil ki diɛ ke u li kan u naan yuchigirig kan ye limiɛfol wee Uwonbɔr nan siin limɔsiinl ke u li ta sei ban ban win.

Jemisi 1:16

N nabubankaam, ni laa che bin lar ni.

Jemisi 1:19

N nabum ni li nyi ni niɛ nan bu: Ni ŋan nin uninfo li gbir weenweem, ki li pag soonsoon, wee u ŋuul mu n laa fii weenweemi.

Jemisi 1:9

Kinabig kan jɔɔ jiininba iyoo biɛn n nan kan ndom ke, ki na li fa ligbingbanl.

1 Piita 1:4

ki sei ti lifaal lan kaa li nyi buri, bee ki bii bee ki wiiri. Le li be paab ki guu nim,

2 Piita 1:11

man le li che ni ga ipoor ŋan ki kɔɔ nnaam man kaa jɔɔ diɛm ti Yudaau nin ti feeru Yisa Masiya nin.

Tibɔkpiirkaan 2:9

N nyi ni fala a jim bu nin naah ye faladam, amaa ni ye bijɔɔndam le! Ki nyi biba kaah jɔɔ kutingbiig ki bei ni ke bi ye Juu yaab le amaa kaa sin ye; amaa bi ye Sintani a wonjiɛndiig a ninfob le.

Tibɔkpiirkaan 21:7

Wan fir ki nyaŋ ke udaan li kan lifaalin biɛn, le N li ye u Wonbɔru le u mu li ye N big.

Tibɔkpiirkaan 3:18

Mambu n kpaan ni le ke ni daam salima kan pul nŋmi-n wee ki mann nin n ban, wee ni ŋa biwandam; ki ji daa tiwann yɔɔr penn tan wee ni li yee, ki fir degin ni fai naah gaan nin bu; wee ki daa nnunkpam n ban ki li balig wee ki ga.