Jemisi 2:18 - UWONBƆR A GBƆNPƆŊ LIKƆƆNL

¹⁸ Amaa uba li len ke, “Fin le jɔɔ yada, le n mu tun itoon.” Wɔɔm a yada kan kaa tun itoon nin ni, wee n wɔɔniŋ n yada nin n toon yan wee n tun.

Uwumbɔr aagbaŋ

¹⁸ Unii yaa len ke, “Ubaa gaa Yesu ki kii la, ubaa mu tun litunyaan la,” m mu ga bui u, “Aa yaa kaa tun lituln nyaan kan, saan ŋmaa len ke aa gaa Yesu ki kii. Maatunyaan mu le ga mɔk si ke m gaa Yesu ki kii.”

Jemisi 2:18 ပူးပေါင်းရင်းမြစ်များ

Rom Yaab 14:23

Amaa wan jɔɔ nbiɛnim ki jiin waah ji tijiir tan nin paam wee ki sin jin ti ke u bii u bau. Nan bu-n waah jin nan nin kaa nyan u yada-n ni; nan mu wee a tun wee naa nyan a yada ni ke ni ye tibir le.

Rom Yaab 3:28

Ni ma bu tim le si le ke uninfosaal a yada le che u bɔr ŋan Uwonbɔr ban amaa naa ye waah ŋmag nsiimin bu.

Rom Yaab 4:6

Defid tɔɔl nan len man le, waah nan pag ke Uwonbɔr a kaar be uninfo bu u buchin binbem bu ki kpiɛ u toon bu-n:

Rom Yaab 8:1

Mambu, daandaan nan Uwonbɔr kaa yin bii bininfob ban be nin Masiya nni,

Rom Yaab 9:19

Ni ni uba li beim ke: “Ke ni ŋa nii wee Uwonbɔr le la biɛn nin galin taa? Ŋma li fir yii Uwonbɔr kaah ban man naa?”

1 Korenti 13:2

Ni ye n jɔɔ ilinlen leen a piini, ki fin biɛr tibɔwoonkaar biɛn, ki jɔɔ nbiɛm biɛn, hali ki jɔɔ yada kan wee n li fir pag wee ijɔɔ nfii, amaa wee kaa sin jɔɔ njiɛm ke n ye yɔli le.

2 Korenti 5:17

Ni bu uninfo wan be Masiya ban ke, udaan nin ye uninfopɔɔn le, u binben kpegim nbiɛn jon na, le nbinben pɔɔn dan!

2 Korenti 7:1

A li ke taah jɔɔ limɔsiinl man ni, n jɔtiib, ni che ti ŋa tiba kasi ki nya nan ye tijaginn ni ki sei tigbanann nin kinaaŋ nna, wee ki li be nbamɔm ki li jɔɔ kasi a binbem nin jilima ki tenn Uwonbɔr.

Galantiya 5:6

Ni ma bu Masiya ban, taah jii ti pun bee taah kaa jii kaa kpaa talari. Nan kpaa talar le ye yada kan be npaanin nin njiɛm.

1 Timoti 1:5

Nwɔɔnim nan a num kaah paa nan bu ye njiɛm le, man nyan kasi a sufu-n nin ipotiɛ ŋan nin ibamɔn a yada-n.

Taitus 2:7

Nin niwann biɛn ni ŋaam limagil ki sei bi ki li tun nan ŋan na. A wɔɔm a poolin ke, a wɔɔn bi tininforin nin inunman na.

Hiibru Yaab 11:31

Yada bu baah nan ku ban ye limɔyiildamin, baa nan ku Rahab wan nan ye lipiijagɔɔrilin ki kpiɛ bi bu, nan bu-n waah gaa Iziral a ninfob ban jon bin pigir kitiŋin ki ligin ki woon u niin nin bu.

Hiibru Yaab 11:33

ban a yada bu wee bi nan kɔn ki nyaŋ ntim a bɔrtiib, ki tun ibamɔn a itoon, ki kan nan nan ye Uwonbɔr a mɔsiinlin; ki ye ban nan loon igbegin a mɔɔŋi,

Hiibru Yaab 11:6

Naa ye yada ke uba kaa li fir tun wee nin gbee Uwonbɔr a numi, nan bu-n wan biɛn dan Uwonbɔr ban ke ni ŋan udaan li jɔɔ yada ke Uwonbɔr be, ki ye wan tenn ban ban u nin inunman tinyɔɔr.

Jemisi 2:14

N nabum, ni ŋam ye baa, ni ye uninfo ke u jɔɔ yada wee u yada nmɔn kaa tun itoon ke, yada nmɔn a bosu li fir fee u jaa?

Jemisi 3:13

Ŋma ye ulandaan nin ubiɛndaan ni sisiigin naa? Ni che un wɔɔn ni u binben ŋam a lam a toon yan ye jiininba a toon nmɔn.