Jemisi 2:1 - UWONBƆR A GBƆNPƆŊ LIKƆƆNL

¹ N nabum naah ŋa ti yudaau Yisa Masiya wan ye kupag daan nin yada man ni, ni laa gann tabi.

Uwumbɔr aagbaŋ

¹ Nnaabitiib, ni tii Tidindaan Yesu Kristo u yeh mpakm na naadii la. Naah tii u naadii pu na, ni taa pak ubaa ki jer uken.

Jemisi 2:1 ပူးပေါင်းရင်းမြစ်များ

Matiu 22:16

Bi nan tun bi bɔɔnɔɔb biba nin Herɔd a ninfob u ban, le bi tan baan u ke, “Wan wɔɔn, ti nyi ke a ye ubamɔn pagir le, ki wɔɔn bininfob Uwonbɔr a bɔr nbamɔm nan bu-n a baga kaa be bininfosaalib kaah ye ban ni.

Lituln 10:34

Le Piita piin ki bei bi ke, “N nin biɛ ke ni ye nbamɔm le ke Uwonbɔr kaa gann ni,

Lituln 20:21

N bei Juu yaab nin Girig yaab biɛn ke bin kpenn bi binbema ki jir Uwonbɔr ban, ki ŋa ti Yudaau Yisa yada.

Lituln 24:24

Ni bɔɔn bu, le Fɛlisi dan tibɔr a ji bol, u ma nin u poo Dirusila, wan nan ye Juu a bisiɛg nan, le ki che bi yin Pɔɔl ki dan bi ban. Le Pɔɔl pag uninfo kaah li ŋa Yisa Masiya yada man, le u pelig.

Lituln 7:2

Le Sitifin jiin ke, “N nabum nin n baam, ni pel n bɔr nan na man! N-yonn man wee ti yaaja Abiraham nan be Mesopotamiya a tingbɔŋin, iyaayoo ki miin waa la jon Haran ni, le Uwonbɔr a pag degir u bu.

Rom Yaab 1:11

N ban n kan ni le wee ki ta kinaaŋin a piini ibam ki sei ni wee yin sei ni npɔɔn,

1 Korenti 2:8

Dulinya nan a a bɔrtiib, uba kaa be ki nyi nlam nmɔn ni. Bi bi nyi mi ke, baah nan bi li kpaa ti Yudaau, wan ye jilimadaan nni.

Kolosiya 1:4

nan bu-n ti gbir naah ŋa Yisa yada man, nin naah jiɛ Uwonbɔr a ninfo gannkaabin man na,

1 Timoti 1:19

Li ŋmag a yada nin a potiɛŋamin na. Biba nan yii mi le ki che bi yada bii.

1 Timoti 5:21

Uwonbɔr a nintogil, nin Masiya a nintogil nin Malaka gannkaabin a nintogil le n kpaaniŋ ke, a chee nwɔɔm nan wee ki laa jɔɔ nbɔgirim bee ki gann ki ban uba ki jiɛn utɔ ŋaah tun nan biɛn nin ni.

Taitus 1:1

Min Pɔɔl wan ye Uwonbɔr a yomu nin Yisa Masiya a toomin, le Uwonbɔr tum u ninfo gannkaab ban, ke n ter bi bi yada-n wee bin biɛ ibamɔn a bɔr tan wɔɔn nwonjiɛn binben nin,

Taitus 2:13

A li ke taah le jɔɔ tama ki guu ti kaar a daalin, le ti lig lidaal lan wee ti Wonbɔr gbingbemilin nin ti feegabdaan Yisa Masiya kaah na yin degirin nin kupag man,

Hiibru Yaab 1:3

Uwonbɔr a pag le che U bija-n nyagin, ki jɔɔ Uwonbɔr a nunaŋ, ki ji ye wan ŋmag niwann biɛn u mɔleen a pɔɔm bu. Ni bɔɔn bu waah nan ban tibir a ŋunnim ki sei ti-n, le u kal Jilimadaan Uwonbɔr a nɔɔjiim paam papaab.

Hiibru Yaab 12:2

Ni che ti ta ti num ki tɔɔn Yisa bu, wan ye ti yada a piinim nin njoorimin. U nan jin fala lidapunpunl bu nin limɔril kaa san ifa, nmɔn man nan dɔ guu nbu, ki kal Uwonbɔr a naangbɔŋ bu u nɔɔjiim paam.

Jemisi 1:16

N nabubankaam, ni laa che bin lar ni.

Jemisi 1:19

N nabum ni li nyi ni niɛ nan bu: Ni ŋan nin uninfo li gbir weenweem, ki li pag soonsoon, wee u ŋuul mu n laa fii weenweemi.

Jemisi 2:3

ni ye ni sei wan yee tiwanŋann nin jilima ki bei u ke, “Kikaabol ŋaŋ sɔ kalim” amaa wee ki bei faladaan nin ke, “Fin li si doo,” bee “Kalim tum,” ke,

Jemisi 2:9

Ni ye a gann bininfob ke a ŋa tibira ki ye wan bii nsiim.

Jemisi 3:17

Amaa nlam man nyan paab a naamin nin, chinchinn mi ma ye kasi ki ye man jɔɔ limɔril nin jiininba, ki gbee nin linyunyunbasanl nin nbinben ŋan, nin ibamɔn a pagim.

2 Piita 1:1

Min Simɔnn Piita wan ye Yisa Masiya a toontunnu nin u toomin, Le sɔb kugbɔŋ nan ki tenn ban wee Uwonbɔr nin ti Yudaau Yisa Masiya a buchin binbem bu che bi kan yada kan ŋan ke ti yaagin:

Juud 1:16

Bininfob nmɔn ŋulin le ki ban bitab a galin; bi nɔɔ bi baantɔɔl a gbanann a kɔlisa; ki far bi tɔɔl a gbingban ki jɔɔ nmɔmɔn nin bininfob bi tɔɔl a nyɔɔr bu.

Tibɔkpiirkaan 14:12

Ni niɛ nan bu ni kpaan nin Uwonbɔr a ninfogannkaab ban chee Uwonbɔr a siim wee ki ŋa Yisa yada-n li ye ban li jɔɔ limɔril nin nnyiginim.