Jemisi 1:27 - UWONBƆR A GBƆNPƆŊ LIKƆƆNL

²⁷ Liwonjiɛnl lan wee ti Baa a num gbeeg ke li ye kasi kaa jɔɔ tibir ye nan le: Nkpeebim nin ipukɔɔ a terim bi bɔmugkaarin nin choonba ki jiin dulinya nan a ŋmaruŋ paam.

Uwumbɔr aagbaŋ

²⁷ Unii yaa ter nkpobim ni bikpopiib baabɔr ni, ki yaa joo ubaa chain, ki di cha titunwanbir mɔmɔk kan, uma le dii Tite Uwumbɔr mbamɔm, ki bi chain Uwumbɔr aanimbil ni.

Jemisi 1:27 ပူးပေါင်းရင်းမြစ်များ

Matiu 12:32

Wan pag tibɔbir ki tenn Uninfosaal a Big ke, Uwonbɔr li jiɛn per u; amaa wan pag tibɔbir ki tenn Kasi a Naaŋin ke, Uwonbɔr kaa li nyi jiɛn per u daan dulinya nan yaan ni, bee dulinya kan na yin dan nin yaan ni.”

Matiu 5:8

Tikaar be ban a sufu be kasi nan bu, nan bu-n bi ma na li kan Uwonbɔr.

Tibɔnyaan ti Luk ŋmee ti na 1:6

Zakariya nin u poo biɛn nan ye bininfoŋam le Uwonbɔr ban, ki nɔɔ u kaal nin u siim biɛn.

Rom Yaab 12:2

Ni laa chee sei dulinya nan yaab a binbem jigin ni, amaa ni mann pɔŋ ni potiɛla wee ni binbemin kpenn. Ni ma le ni li fir mag ki chee Uwonbɔr a bam kaah ye man. U bam man ŋan ki jɔɔ linungbeel ki be chasi-n.

Rom Yaab 2:13

Nan bu-n naa ye ban gbir nsiimin le ye bibuchim Uwonbɔr ban ni, amaa ban chee sei nsiimin bi ma le bi na li yin bi bibuchim.

Galantiya 1:4

u ma ti yudaau Yisa nmɔn le ta uba ki siin ti taalin ti yaa toonbirin, ke un nyan ti dulinya birig kan a yonn wee ti be nan, ke ti Baa Uwonbɔr kaah ban man nin,

Galantiya 3:11

Ibamɔn, nsiimin bu ke uba kaa be wee Uwonbɔr ke u bɔr ŋan ni, nan bu-n, “Ubuchin le be yada bu.”

Galantiya 5:6

Ni ma bu Masiya ban, taah jii ti pun bee taah kaa jii kaa kpaa talari. Nan kpaa talar le ye yada kan be npaanin nin njiɛm.

Galantiya 6:14

Min kaa li nyi ki fa ligbingbanli, see ti Yudaau Yisa Masiya a dapunpunlin a binba bu, u dapunpunl nmɔn le ku kutingbɔŋ nan a kɔlisa n gbanann nin, le n mu a kɔlisa nyan kutingbɔŋin na.

Efesusi 2:2

Naah nan be nsiim a biim nin ni toonbirin ki nɔɔ dulinya nan a sam nin kutingbɔŋ nan a yudaau a naamin, nin kinaaŋ kan tun nin bininfob ban kaa jɔɔ limɔcheelin.

1 Timoti 1:5

Nwɔɔnim nan a num kaah paa nan bu ye njiɛm le, man nyan kasi a sufu-n nin ipotiɛ ŋan nin ibamɔn a yada-n.

1 Timoti 5:4

Amaa lipukɔɔl lan jɔɔ nbuwaab bee iyaabil ke, nbuwaab nin iyaabili nmɔn le ye bin chinn tinn biwonjiɛnl a sam ki li jɔɔ tun ki lig bi niin yaab, bi ŋa man ke bi li yɔ ki jiin bi baam nin bi yaajam kaah nan tun nan ki sei bin, Uwonbɔr a num kaah gbeeg nan le yen.

Taitus 2:12

U nyunyunbasanl nmɔn wɔɔn ti ke ti yiim nan kaa ye nwonjiɛn binben nin dulinya nan a kɔlisa birug biɛn, wee ki li chor ti ba ki li ye ban jɔɔ lasaab, ki li jɔɔ nwonjiɛn binben n-yonn man wee ti be nan yaan.

Jemisi 3:17

Amaa nlam man nyan paab a naamin nin, chinchinn mi ma ye kasi ki ye man jɔɔ limɔril nin jiininba, ki gbee nin linyunyunbasanl nin nbinben ŋan, nin ibamɔn a pagim.

Jemisi 3:9

Lilanbil le ti jɔɔ pagir ti yudaau nin ti Baa, le ki biɛ jɔɔ li ki sugir bininfob, ban wee Uwonbɔr naan bi wee bi nann win.

Jemisi 4:4

Nim ban kaa si bogiliba nan, naa nyi ke nim ban jɔɔr dulinya nan kujɔtiigin ŋa Uwonbɔr ni dataag lee? Wan jɔɔr dulinya nan kujɔtiig ke, udaan ŋa Uwonbɔr u dataaga.

2 Piita 1:4

Ni niɛ nan bu, le u sei ti imɔsiin takpen yan ŋan wee ni ma bu nin che ni por Uwonbɔr a wonaaŋ a pɔɔm wee ki ŋmar dulinya a ŋmaruŋin kan nyann tibir a kɔlisa-n.

2 Piita 2:20

Ni ye baah nyan dulinya nan a ŋmaruŋin, baah nyi ti Yudaau nin ti feeru Yisa Masiya-n, wee ni ye kuŋmaruŋ nmɔn ji choo bi ki nyaŋ bi ke, bi joorim na li bir ki jo bi piinim.

2 Piita 3:14

Ni ma bu n jɔtiib, naah guu ni niɛ nan bu, ni pɔɔn niba ki li jɔɔ kasi a binbem wee ki laa jɔɔ igalin Uwonbɔr ban ni, wee ki li jɔɔ nposɔɔn nin Uwonbɔr.

1 Jɔnn 5:18

Ti nyi uninfo wan biɛn wee Uwonbɔr ma win kaa gbaa tun tibiri. Wan wee Uwonbɔr nan ma-n le guu u, le ulinlaril kaa li fir sei u kidaŋi.