Jemisi 1:22 - UWONBƆR A GBƆNPƆŊ LIKƆƆNL

²² Ni laa pelig imɔleen nin a binba, wee ki lar niba. Ni tum yaah len man nin.

Uwumbɔr aagbaŋ

²² Ni li ŋani waamɔboln aah len pu na. Ni yaa pel, ki yaa kaa ŋani kan, ni ŋmanni nibaa la.

Jemisi 1:22 ပူးပေါင်းရင်းမြစ်များ

Matiu 12:50

Nan bu-n wan tun n Baa wan be paab nan a bam ke, u ma ye n waal nin n ninsa nin n na.”

Matiu 28:20

ki wɔɔn bi wee bin chee nan wee n pii wɔɔn nimin n biɛn. Ibamɔn bu n yin be ni ban le hali nin dulinya a diɛm.”

Tibɔnyaan ti Luk ŋmee ti na 11:28

Le U jiin ke, “Tikaar be bininfob ban gbir Uwonbɔr a bɔr ki chee ti nan bu,”

Jɔnn 13:17

Daandaan nan naah biɛ ni niɛ nan, ni ye ke ni ŋa man ke ni li kan tikaar.

Rom Yaab 2:13

Nan bu-n naa ye ban gbir nsiimin le ye bibuchim Uwonbɔr ban ni, amaa ban chee sei nsiimin bi ma le bi na li yin bi bibuchim.

1 Korenti 15:33

Ni laa che uba nlar ni. “Kujɔtiibirug bii nbinben ŋan le.”

1 Korenti 3:18

Ni laa lar niba. Ni ye uba tiɛr ke u ye ulandaan le dulinya nan yaan ke, un ŋaam u ba “kujɔrug” wee ki fir ŋa ulandaan.

1 Korenti 6:9

Naa nyi ke bipootondam kaa na li kɔɔ Uwonbɔr a naamin naa? Ni laa lar niba: Bininfob ban tun iwanchɔgin toon lipiibanl bee lijabanl bee bibawomanib, bee iwanchɔgin toon bee bijab ban chon tun iwanjaab toon bee bijab ban taar bijatab ki kpann bipiibin,

Galantiya 6:3

Ni ye uninfo tiɛr ke u ye niba, wee kaah sin ye niba ke, u lar u ba le.

Galantiya 6:7

Ni laa che bin lar ni: Uwonbɔr kaa ye kuwanlawaŋi. Uninfosaal chiɛ waah bun niwann nan le.

Filipi 4:8

Ni joorimin, n nabum, nan ye ibamɔn, nin nan ye jilima, nin nan ŋan, nin nan be kasi, nin nan ye njiɛm, nin linungbeel, ni ye niwann ŋan ki tan lagir bee ki be kasi ke, ni li tiɛr tiwann nmɔn buu.

Kolosiya 3:17

Mambu ni ŋaan nan biɛn ke, naah ye ni mɔleen bee ni toon ke, ni ŋa ni biɛn Uyudaan Yisa a yinl bu, ki li tenn Uwonbɔr wan ye Baa-n kunɔɔpoog u bu.

2 Timoti 3:13

le tininfobir nin bilinlarib a toonbir li mann kpiɛ, le bin lar bitab le bi tab mu nlar bi.

Taitus 3:3

Isaŋ iba ti mu nan ye tijɔri le nin tukangbirdam, le ni lar ti ki ta ti ŋa tiyomir, ki jɔɔ kɔlisa birug nin dulinya nan a wan ŋan. Le ti jɔɔ kininaŋ nin linunchɔril, le bi nan ti le ti mu nan bitab.

Jemisi 1:26

Ni ye uba tiɛr ke u ye uwonjiɛn wee kaa chor u lanbil ke, u lar uba le, u wonjiɛnl nmɔn ye yɔli le.

Jemisi 4:11

N nabum, ni laa jɔɔ kutingbiig nin tabi. Wan pag tibɔbir ki sei u nabig bee ki jin u tibɔr ke, u pag galin nsiimin le, ki jin nsiim nmɔn tibɔra. Ni ye a jin nsiim tibɔr ke, ŋaa ŋmag mi le nmɔn, a ye wan jin nsiim nmɔn le tibɔr.

Jemisi 4:17

Mambu wan nyi itoon ŋan yan bi ye un tun, wee kaa tun ke, u ŋa tibira.

2 Piita 2:13

Bi na li yɔ bi ki jiin baah jin bininfob fala nbu. Bi ye ban a num gbee tigbanann a kɔlisa a toon yan wee bi tun nwonween nin le. Bi ji ye bifadam ban kaa san igalin le, hali bi le lagin ki ji nin ni tijiir ke, bi nyann bi mɔm bilig npaan nin le.

1 Jɔnn 1:8

Ni ye ti ke taa jɔɔ tibir ke, ti lar ti ba le, le ibamɔn kaa be ti ban ni.

1 Jɔnn 2:3

Ti nyi ni ye ti chee Uwonbɔr a siimin ke, ni ma li che ti biɛ U.

1 Jɔnn 3:7

N bibankaam, ni laa che uba nlar ni ki kɔɔn kulɔŋi. Wan tun nan ŋan nin uma ye ubuchin, a li ke Yisa kaah ye ubuchin man nin.

3 Jɔnn 1:11

N jɔ laa toog nan biri, amaa li toog nan ŋan na. Uninfo wan tun nan ŋan nyan Uwonbɔr ban le. Le wan tun nan bir kaa kan Uwonbɔr i.

Tibɔkpiirkaan 12:9

Le bi nyan kutunwiɛŋ takpeŋ nmɔn gab, u pii ye uwaa wan nan be le yaayoo-n, wee bi yi u ke ulinlaril bee Sintani, wan liir dulinya yaab a sam ki che bi borin, le bi nyan uma nin u malakam ki gabin dulinya nan yaan.

Tibɔkpiirkaan 22:7

“Ni lig, n chaan le daandaan nan! Tikaar be ban ŋmag ilinlen leen a mɔboi yan be kugbɔŋ nan yaan nin bu.”