Jemisi 1:18 - UWONBƆR A GBƆNPƆŊ LIKƆƆNL

¹⁸ U yaa wiib bu le U ma ti, ibamɔn a mɔleen yin bu, ke nin che ti kpann u bininkpeem waah naan nan biɛn ni.

Uwumbɔr aagbaŋ

¹⁸ U tii timi waabɔr ti ye mbamɔn na, ki ŋa timi waabim. Waageehn le na. U ban ke ti jer waah naan tiwan ni mɔmɔk na.

Jemisi 1:18 ပူးပေါင်းရင်းမြစ်များ

Jɔnn 1:13

Bi yin ye nbuwaab ban kaa nan ye ncham a maaŋ, bee tigbanann a bam, bee uja a bami, amaa Uwonbɔr a bam.

Rom Yaab 4:17

Ke naah sɔb man Uwonbɔr a gbɔŋin nin: “Min le ŋaaŋ ibol takpem a baa.” U ye ti baa le Uwonbɔr ban, wan wee u ŋa u yada, U ma ye Uwonbɔr wan tenn bitakpiib limiɛfol wee ki che tiwann tan kaa nan be-n nin be ke ti pii nan be le-n.

1 Korenti 4:15

Nin naah le jɔɔ ban wɔɔnn ni Masiya a bɔr turpiig nan biɛn na, naa jɔɔ baam takpemi, Masiya a bɔŋann nbu le n nan ŋa ni baa.

2 Korenti 6:7

Ibamɔn a pipagir nin Uwonbɔr a pɔɔmin; nin tibuchinn a kunkɔntiɛr tan be ti nɔɔjiim nin ti nɔɔgam paamin;

Efesusi 1:12

wee tim ban chinn jɔɔ tama Masiya ni-n, nsei U kupag nin jilima.

Efesusi 1:13

Ni tɔɔl nan kpiɛ ki be nin Masiya le, naah nan gbir imɔleen yan ye ibamɔn nin, ki ye ni feeja a bɔŋann nin. Naah ŋa yada-n bu, le Uwonbɔr ta U yaa daagim ki daag ni, lan ye limɔsiinl Kasi a Naaŋin,

2 Timoti 2:15

Pɔɔn a ba ki ta a ba sei Uwonbɔr ke wan wee U ganniŋ, ke utoontunn wan kaa san ifa wee ki ŋmag Uwonbɔr a bɔr tan ye ibamɔn nin nbamɔm.

Hiibru Yaab 12:23

ni foon biwonjiɛm ban ye nbininkpeemin ban na, ban a yin sɔb dɔ papaabin. Ni foon Uwonbɔr, wan ye bininfob biɛn a bɔjiru win ban na, bininfob buchim ban a naaŋ ŋa kasi,

Jemisi 1:15

Tɔ, ni bɔɔn bu a bam nmɔn choo lipool ke, mi yin ma tibir le, le tibir nmɔn nan yabig ke, mi mu nmaa nkum.

Jemisi 1:21

Mambu, ni nyam niwann nan biɛn ye tijaginn nin nbinben biin nin, wee ki jiin niba tum ki gaa imɔleen yan wee bi ta sei nin, imɔleen nmɔn le li fee ni ki jaa.

Jemisi 3:14

Amaa ni ye ni jɔɔ lipiiponl nin npooton ni sufu ni ke, ni laa far igbingban Mambu bee ki yii ibamɔn ni.

1 Piita 1:23

Ni ma bu, ni ji kan nmaam jigin na, naa ye biwanboolib ban buri, amaa biwanboolib ban kaa bur, Uwonbɔr a mɔleen yan jɔɔ limiɛfol, ki be iyoo yan kaa jɔɔ diɛmin bu.

1 Piita 1:3

Ipoor ye Uwonbɔr wan ye ti Yudaau Yisa Masiya a Baa-n yaal le! U nyunyunbasanl takpenlin bu ti kan nmaal pɔɔn man be tama kan fo-n, waah nan fiin Yisa Masiya nkumin,

1 Jɔnn 3:9

Uwonbɔr kaah ma wan biɛn kaa yin gbaa tun tibiri, nan bu-n Uwonbɔr a nunaŋ be u ni, ni bu waa li fir gbaa tun tibiri, Uwonbɔr kaah ma win bu.

Tibɔkpiirkaan 14:4

Bi ma ye ban kaa bii biba lipiibanlin ni, nan bu-n bi ŋmag biba le chasi. Bi nɔɔ Kipeebigin kaah chaa nan yaan biɛn le. Bi ma ye ban wee Uwonbɔr nan da bininfob a sisiigin, ke bin ŋa chinchinn a ninfob ki sei Uwonbɔr nin Kipeebigin.