Jemisi 1:12 - UWONBƆR A GBƆNPƆŊ LIKƆƆNL

¹² Tikaar be wan jɔɔ limɔril limagil a poolin nin bu, nan bu-n ni ye u nyaŋ limagil ki diɛ ke u li kan u naan yuchigirig kan ye limiɛfol wee Uwonbɔr nan siin limɔsiinl ke u li ta sei ban ban win.

Uwumbɔr aagbaŋ

¹² Tɔ, unii u kan ntɔŋ ki kpa limɔr na, Uwumbɔr aanyoor bi u pu. Ba pu? u yaa kan ntɔŋ ki si mbamɔm kan, u ga kan ipiin i ye limɔfal li Uwumbɔr nan puu tipuur ke u ga tii binib bi gee u na.

Jemisi 1:12 ပူးပေါင်းရင်းမြစ်များ

Matiu 10:22

Uninfo biɛn na li nan ni. Naah nɔɔ min bu; amaa wan nan fir sir nin nton nan a joorim ke, u li kan nŋmarim.

Matiu 25:34

“Le ubɔrin na li bei ban si u nɔɔjiim paamin ke, ‘Ni dan, nim ban wee n Baa kaab tikaar ki jaa ni bu nan, ni gaam ni faal, nnaam man wee Uwonbɔr nan ŋa mi sili ki guu ni dulinya a piinimin ni.

Tibɔnyaan ti Luk ŋmee ti na 6:22

Tikaar be ni bu, n-yonn man wee bininfob nan ni, n-yonn man wee bininfob wiɛr ni, ki sugir ni, kaa ban ni yin tibir bu-n, Uninfosaal a Bigin bu.

Rom Yaab 5:4

nnyiginim li tenn ti nbinben le nbinben tenn ti tama.

Rom Yaab 8:28

Le ti nyi ke niwann biɛn nin, Uwonbɔr tun le ki tenn bininfob ban jiɛ win naah li ŋan ki sei bi man, U jɔɔ nan bu wee U yin bi.

1 Korenti 2:9

Ke naah sɔb Uwonbɔr a gbɔŋin ke, “Linunbil kaa kan ni, Litul mu kaa gbiri, le uninfosaal a sufu mu kaa nyi, nan wee Uwonbɔr ŋa ni sili ki guun ban ban win ni.”

1 Korenti 8:3

Amaa uninfo wan ban Uwonbɔrin, u ma le Uwonbɔr nyi.

1 Korenti 9:25

Bitaaguum biɛn ŋmag biba le ntinnim biɛn ni. Bi ŋaan man ki ban bin gaa tiyɔr tan kaa yuur le, amaa tim ŋaan man ki ban ti ga tiyɔr tan yuur kaa jɔɔ ndiɛm le.

2 Timoti 2:15

Pɔɔn a ba ki ta a ba sei Uwonbɔr ke wan wee U ganniŋ, ke utoontunn wan kaa san ifa wee ki ŋmag Uwonbɔr a bɔr tan ye ibamɔn nin nbamɔm.

2 Timoti 4:8

Daandaan nan n buchin yuchigirig ŋa sili ki dɔ guum, kan wee Ubuchin yudaan wan ye ubɔjirin na yin ta ki yɔm lidaal nmɔn, naa yin ye n yaa binba, amaa u na li yɔ ban guu waah na yin degirin lidaal lan nin tɔɔl.

Hiibru Yaab 10:32

Ni tiɛr iyoo yan nan chinn nin, wee ni nan gaa nwonween nin a bɔɔn bu, wee ni nan ye fala a jim nin linunmanlin, amaa naa nan nyaŋ ni.

Hiibru Yaab 11:17

Yada bu Abiraham, Uwonbɔr kaah nan mag u ligin, u nan ta u bija Azig ke un mann kumanug ki sei Uwonbɔr. Uma wan nan gaa limɔsiinlin ji nan yin ta u bijagaŋ nmɔn le ki mann kumanug,

Hiibru Yaab 12:5

Ni tam imɔleen yan wee Uwonbɔr ta pɔɔg ni gbanann ki yin ni u buwaab ki ke: “N big, Uyudaan dar a tul ke, laa yin li yɔli, ni ye U fuun a bu ke, laa che a gbanann ngbɔɔ,

Hiibru Yaab 6:15

Abiraham kaah nan jɔɔ limɔril ki guurin, ni bɔɔn bu le u nan kan nan wee Uwonbɔr nan siin limɔsiinlin.

Jemisi 2:5

N nabum; ni pela man: Naa ye Uwonbɔr le gann ban ye faladam kutingbɔŋ nan a poolin, ke bi li ye biwandam yada a ŋaam bu, wee ki nan ji paab a naam a faal lan wee Uwonbɔr siin limɔsiinl ke u li sei ban ban win naa?

Jemisi 5:11

Ke naah nyi man ni, ni ye tinyɔɔr le ki sei ban jin fala. Ni gbir Job kaah nan jɔɔ limɔril man u fala a jimin, ki ji kan ni joorim Uwonbɔr kaah tun nan ki sei wa. Uyudaan ye Unyunyunbasann le.

1 Piita 3:14

Amaa hali ni le ye ni ji fala itoon ŋan bu ke, tikaar be ni bu. “Ni laa san bininfob kaah san nan bijawaamin nni; ni laa che ni lam yugiri.”

1 Piita 4:13

Amaa ni che ni li mɔ na nin naah por ki ji Masiya a fala-n bu, wee ni nan kan nmɔn takpen u pagin a kpiirimin.

1 Piita 4:14

Ni ye bi sug ni Masiya a yinlin bu ke, ni kan tikaara, nan bu-n Kinaaŋ a pag nin Uwonbɔr be nin ni.

1 Piita 5:10

Le Uwonbɔr wan ye linyunyunbasanl biɛn daan ni, wan yin ni ke ni kan u pag kan kaa jɔɔ diɛm Masiya nin, naah jin fala wama a bɔɔn nin, Uma tɔɔl le ji li jiin ni siin ni yada-n ki che ni pɔɔg, le ni sir kenken.

1 Piita 5:4

Wee upeekpaabɔr nan degirin ke, a kan kupag a yuchigirig kan kaa wiirin.

1 Jɔnn 4:19

Ti jiɛ U nan bu-n Uma nan chinn jiɛ ti.

Tibɔkpiirkaan 2:10

Ni laa che bijawaam jɔɔ ni fala kan wee ni yin ji nbu. N bei ni le, Sintani li loon nim bibam tiloondirin ki mag ni, le nin che ni ji fala iweehn piig. Ni le li ŋmag ni yadau, hali ni le ye nkum ke ni, wee n nan sei ni limiɛfol a yuchigirig.

Tibɔkpiirkaan 3:19

Ban wee n jiɛ-n, bi ma le n fu bi bu ki dar bi tuli. Mambu ni ŋaam kinunmaŋ ki kpenn ni binbema.

Tibɔkpiirkaan 3:21

Wan fir ki nyaŋ ke, n li sei udaan nsan wee min nin uma n nan lagin ki kal n naangbɔŋin bu. A li ke maah nan nyaŋ wee min nin n Baa lagin ki kal U naangbɔŋ bu man nin.