Hiibru Yaab 9:27 - UWONBƆR A GBƆNPƆŊ LIKƆƆNL

²⁷ A li ke uninfo kaah ye un kpo nba bu man nin, wee ni bɔɔn ke bin ji u tibɔr man nin,

Uwumbɔr aagbaŋ

²⁷ Uwumbɔr siin ke binib ga kpo nfum mubaa la, nee aapuwɔb le u ga ji bi tibɔr.

Hiibru Yaab 9:27 ပူးပေါင်းရင်းမြစ်များ

Tibɔnyaan ti Luk ŋmee ti na 20:32

Ni bɔɔn bu le upii nmɔn mu nan kpo.

Lituln 17:31

Nan bu-n, u pii siin lidaal lan wee u na yin che uninfo gannkaau nmɔn nji dulinya yaab tibɔr ibamɔn a sam bu. U jin ni siɛra ki sei uninfo biɛn na le ki fiin u nkumin.”

Rom Yaab 2:5

Amaa ni tukangbiril nin naah kaa ban ni kpenn ni sufu-n bu, le ni kpiɛg U ŋuufiiŋ lan yab ki tenn ni ba lidaal man wee Uwonbɔr a ŋuufiiŋ nin U buchin bɔjilin na yin degirin nin.

Rom Yaab 5:12

Mambu, tibir kaah nan nɔɔ uninfo uba bu ki kɔɔn dulinya nan yaan nin, wee u bir nmɔn ta nkum ki dan nin, ni ma che nkum dan bininfob biɛn bu, nan bu-n ti biɛn tun tibira.

1 Korenti 4:5

Ni bu ni laa ji uba tibɔr daandaan nan wee n-yonn kaa la foo, ni li guu n-yonn man wee Uyudaan na li foon. U ma na li nyan nan be libunbɔnlin nween ni, ki kpiir tibir tan be uninfo a sufu-n npaan ni, iyaayoo bininfob biɛn na li kan bi pɔg Uwonbɔr ban.

2 Korenti 5:10

Nan bu-n ti biɛn na li sir Masiya a nintogil tibɔr a ji daal; uninfo biɛn na li gaa u yɔr u toon kaah nan ye man waah nan be tigbanann nan yaan ni, naah ŋan naa, naa kaa ŋan naa u yɔr le yen.

2 Timoti 4:1

Uwonbɔr a nintogil nin Masiya wan na yin ji ban fo nin ban kpo a bɔr, wee ti lig waah na yin degirin nin u naamin, le n kpaaniŋ nan:

Hiibru Yaab 10:27

amaa taah guu tibɔr a jim nin nŋmi takpen man na yin gaa Uwonbɔr a dataamin a jawaam le be.

Hiibru Yaab 6:2

nin Uwonbɔr a nyunful a wɔɔnim, nin inɔɔ a paanim bininfob bu, nin n kum a fiim, nin litudaril lan kaa jɔɔ diɛmi.

1 Jɔnn 4:17

Ni niɛ nan bu, njiɛm ŋa dede ti ban na le ti li fir jɔɔ tidindann tibɔr a jidaal, nan bu-n ti nann U le dulinya nan yaan.

Juud 1:15

ke un ji uninfo biɛn tibɔr, ki choo ban kaa ye biwonjiɛm biɛn baah nɔɔ nan kaa ye liwonjiɛnl a sam ki ŋaan tiŋaar tan kaa ye Liwonjiɛnl a ŋaarin bu, nin titintann a mɔleen yan wee tibirdam ban kaa ye biwonjiɛm pag ki galin Uwonbɔr nan.”

Tibɔkpiirkaan 20:11

Le n kan kunaangbɔŋ pɔŋ takpoŋ, nin wan ka ki bu-n. Le kutingbɔŋ nin kitilangbɔŋ nan guun fɔɔr u ban kaa ji jɔɔ binbeboli.