Hiibru Yaab 9:14 - UWONBƆR A GBƆNPƆŊ LIKƆƆNL

¹⁴ Mambu ke, Masiya ma a chamin tun nan jon man na, uma wan kaa jɔɔ igalin wee kinaaŋ kan be u ni kaa jɔɔ diɛmin nan che u ta uba ki mann kumanug ki sei Uwonbɔr, ki ŋunn ti potiɛri a toon yan yin liin ti kɔɔn nkumin nin, wee nin che ti fir jiɛn Uwonbɔr wan foo-n!

Uwumbɔr aagbaŋ

¹⁴ Nimina yaa nan ŋa tiwon chain kan, Kristo aasin ga ter timi, ki jer kina. Uwumbɔr Aafuur Nyaan mu bi n‑yoonn mu kaa kpa ndoon na aapɔɔn pu, u nan di ubaa toor kitork ki kaa kpa ngalm na tii Uwumbɔr. Waasin ga nyan titunwanbir ti ga ku timi na tisui ni, aan ti dii Uwumbɔr u ye limɔfadaan na.

Hiibru Yaab 9:14 ပူးပေါင်းရင်းမြစ်များ

Matiu 12:28

Amaa ni ye n nyann nnaanbiim, Uwonbɔr a Naaŋ bu ke, Uwonbɔr a naamin foon ni ban na.

Matiu 16:16

Le Simɔnn Piita bei u ke, “Fin le ye Masiya, Uwonbɔr wan fo nan a bija.”

Matiu 20:28

Ke Uninfosaal a Big kaah be man nan, waa dan ke bininfob ntun sei wi, amaa u dan ke u nan tun sei bininfob le, ki jin ta u miɛl ki daa bininfob takpem.”

Matiu 7:11

Ke ni ye nim ban ye tibirdam nan nyi ipiin ŋan ni ta sei ni buwaab ke, ni Baa Uwonbɔr wan be paab nan ma kaa nyi nan ŋan kag ki li ta sei ban miɛ waa!

Tibɔnyaan ti Luk ŋmee ti na 1:74

ke u li nyan tim ti dataam a nɔɔn, wee ti li nɔɔ u ki laa san bijawaami,

Tibɔnyaan ti Luk ŋmee ti na 12:24

Ni lig nnɔɔm: Baa bu tijiiri, ki mu kaa chiɛ, ki mu kaa jɔɔ tinaapɔr bee tinanbonn ni, amaa, Uwonbɔr li jinn bi, naa jɔɔ tinyɔɔr takpem ki jon nnɔɔm maa?

Tibɔnyaan ti Luk ŋmee ti na 12:28

Timɔɔr tan be dinan, wee won ke bin nyɔɔ ti nŋmi nan, le Uwonbɔr mann ŋaŋir ti le kaa li fir yeen nim maa? Nim ban a yada waar nan!

Tibɔnyaan ti Luk ŋmee ti na 4:18

“Uyudaan a Naaŋ be nim, nan bu-n U ma kpaar nkpam jaa n bu, ke n mɔɔn u bɔr ŋan nmɔn ki sei bilanjiim. U tunim ke n pag feeja a bɔr ki sei biloondiikɔɔb, wee ki ligir bijɔɔm a num, ki nyan limugildam bi mugilin,

Jɔnn 3:34

Nan bu-n wan wee Uwonbɔr nan tun nin pag Uwonbɔr a mɔbonl le, nan bu-n Uwonbɔr gbeen u Kinaaŋ le.

Lituln 1:2

ki nan kpaa lidaal lan wee bi nan nan ta u don paabin, Kasi a Naaŋin kaah nan che u wɔɔn u tooi yan wee u gann nin, le Uwonbɔr nin nan ta u don paab.

Lituln 10:38

ni biɛn nyi Uwonbɔr kaah gbeen Yisa wan nyan Nazarif nan U pɔɔm man, ki sei u Kasi a Naaŋ nin npɔɔn nin waah nan choon ki tun itoon ŋan ki teb ban biɛn nan be ulinlarin a pɔɔmin ni, nan bu-n Uwonbɔr le nan be u ban.

Lituln 14:15

“Bininfob nan, ba ŋa wee ni tun man naa? Ti tɔɔl le ye bininfob le ke naah ye man nin. Ti ŋmagin tibɔŋann le ti nan sei ni wee ni jiɛn dulinya nan a wann yɔɔra wee ki li nɔɔ Uwonbɔr Wan fo-n, Wan naan paab nin tum nin imɔg nin nan biɛn be i yaan.

Lituln 15:9

Waa wiɛr tim nin bima, nan bu-n U ŋunn bi sufu le bi yada bu.

Rom Yaab 1:20

Uwonbɔr kaah nan naan dulinya n-yonn man nin, le bininfob kan Uwonbɔr wan kaa ga-n a binbem, nin U Pɔɔm man kaa jɔɔ diɛmin, le U wonaaŋin ji che bininfob biɛ U, ni bu baa jɔɔ nan wee bi li ta pag ke baa nyi.

Rom Yaab 1:4

ki jiin u wonaaŋ paam mu ke, Uwonbɔr a Kasi a naaŋin nan wɔɔn nin npɔɔn ke u ye Uwonbɔr a bija le u kum a fiimin bu: U ma ye ti Yudaau Yisa Masiya.

Rom Yaab 11:12

Amaa ni ye bi burim nmɔn bu le dulinya yaab kan njɔɔm, le baah lann nan nin che ban kaa ye Juu yaabin kan njɔɔm ke, man ke Juu yaab mu nan jiɛn bi bir ki kan nŋmarim ke, dulinya nan yaab li kan njɔɔm nin jo man.

Rom Yaab 11:24

Ni biɛn nan a bɔɔn, ni ye Uwonbɔr nan bi gaa fin wan ye kulɔŋ a olif wee ki ji gaa bukpaab a olif ki ta tugin tab ke, li nyi ke naa pɔɔ sei U nin Un gaa bukpasib a bon ki ji jiin mi tugin mi tɔɔl a sib bu!

Rom Yaab 6:13

Laa ta a gbanann a bɔgi ki sei tibir ke npooton a toontunn tiɛri, amaa ta a baa ki sei Uwonbɔr, ki li be ke bininfob ban nyan nkumin ki be limiɛfolin nin; wee ki nin ta a gbanann a bɔgi ki sei Uwonbɔr ke tibuchinn a toontunn tiɛrin.

Rom Yaab 6:22

Amaa daandaan nan wee Uwonbɔr fee ni jaa ni tibirin wee ni nin ye Uwonbɔr a yomi nan, tinyɔɔr tan wee ni kan ye kasi a binbem le, le ni joorim ye limiɛfol lan kaa jɔɔ ndiɛm.

1 Korenti 15:45

Man le ni sɔb Uwonbɔr a gbɔŋin ke, “Chinchinn a ninfou Adam nan ye wan fo le,” le Adam wan joorin mu ye wan tenn kinaaŋ a miɛfol.

2 Korenti 5:21

Tim bu le Uwonbɔr nan che wan kaa jɔɔ tibir labir tibirdaan, u ma bu le ti na yin ŋa Uwonbɔr a buchim.

2 Korenti 6:16

Kuwonjiɛndiig nin kutingbandiig jɔɔ baa a mɔcheel nin tab baa? Tim le ye Uwonbɔr wan fo-n a diig. A li ke Uwonbɔr kaah len ke, “N li be nin bi, ki li choon nin bi, Ki li ye bi Wonbɔru, wee bi mu ye n ninfob.”

Galantiya 2:19

Uwonbɔr a siimin bu le n kpo sei nsiim nmɔn, ke n fir ki be Uwonbɔr kaah ban man.

Efesusi 2:5

le U che ti jɔɔ limiɛfol nin Yisa, hali nin taah le nan kpo nin taah bii nsiimin. U nyunyunbasanl bu le ni kan feegab.

Efesusi 5:2

ki li be njiɛm a binbema, ke Masiya kaah jiɛ ti ki ta u ba ki mann kumanug kan jɔɔ nbaam mɔɔm ki sei Uwonbɔr ti bu man nin.

1 Tesalonika 1:9

bininfobin biɛn pag ki jiin naah nan gaa ti man, taah nan dan ni ban n-yonn man nin, nin naah nan jiɛn ni bawoli ki dan Uwonbɔr ban man, ke ni jiɛn Uma ibamɔn a Wonbɔru wan fo-n,

1 Timoti 1:17

Daandaan nan, Ubɔr wan kaa jɔɔ ndiɛm, wan kaa kpegi, wan wee baa ga, Uwonbɔr uba, Uma ŋan nin jilima nin kupag hali nin iyoo yan kaa jɔɔ ndiɛmi. Ibamɔn.

1 Timoti 3:15

ni ye maa dan weem ke, kugbɔŋ nmɔn li che a biɛ bininfob a binbem kaah ye man Uwonbɔr a niin, ban ye Uwonbɔr wan fo a wonjiɛmin, ki ye kijaantelig nin ibamɔn a fiɛl.

Taitus 2:14

wan ta uba ki ŋa nkpenim a manug ki sei ti, ki nyan ti titoonbir biɛn a yomirin, le ki ŋa ti u baantɔɔl a ninfob ban be kasi ki jɔɔ linunmanl nin itoon ŋan a tum.

Hiibru Yaab 1:3

Uwonbɔr a pag le che U bija-n nyagin, ki jɔɔ Uwonbɔr a nunaŋ, ki ji ye wan ŋmag niwann biɛn u mɔleen a pɔɔm bu. Ni bɔɔn bu waah nan ban tibir a ŋunnim ki sei ti-n, le u kal Jilimadaan Uwonbɔr a nɔɔjiim paam papaab.

Hiibru Yaab 10:10

Uwonbɔr a bam nmɔn bu le U ŋa ti kasidam Yisa Masiya kaah nan ta u gbanann ki mann kumanug nba bu ki sei ti-n bu.

Hiibru Yaab 10:12

Amaa uminmann u niɛ man nan mann kumanugin nba bu le kpeŋileŋ tibir bu, le ki kal Uwonbɔr a nɔɔjiim paam.

Hiibru Yaab 10:2

Ni ye biminmanib nmɔn nan bi li fir ke, baa nan bi li ta kumanug ki jiɛn naa? Ni ma bu na biwonjiɛmin bi kan nŋunnim nba buu le nin diɛ, le bi sufu kaa ji bi li bii bi toonbir bu.

Hiibru Yaab 10:22

ni che ti fɔɔr mal Uwonbɔr nin sufu ŋaŋ nin yada kan gbee nin ibamɔn na, waah jɔgin ki ŋunn ti sufu nyan kasi, wee ti nyan igalin ti potiɛlin ni, wee ki fun tigbanann mu nnyum ŋami.

Hiibru Yaab 11:21

Yada bu Jekɔb, kaah nan yin kpe-n, u nan kaab tikaar ki jaa Josef a naachim bu ubaba, le ki nyii u jaangbiɛg bu ki jiɛn Uwonbɔr.

Hiibru Yaab 13:12

Mambu le Yisa mu nan jin fala ntingbaan kitiŋ nmɔn a timansanmɔnn, ki ta u tɔɔl a cham ke un nyan bininfob tibirin.

Hiibru Yaab 3:12

N nabum, ni li nyi wee ni ni uba laa jɔɔ sufu birug kan li che un fɔɔr ki jiɛn Uwonbɔr wan ye limiɛfol daan nin ban ni.

Hiibru Yaab 6:1

Mambu ni che ti jiɛn Masiya a bɔr tan ye npiinim a wɔɔnimin, wee ki ta nninkpelam ki wɔɔn ki jo nintogil, naa ji kpaa talar nin ti ji mann bil lifiɛl a bɔr tan wɔɔn ke ni jiɛn titoonbir tan ye nkum a samin a nɔɔma, amaa wee ki ŋa Uwonbɔr yada,

Hiibru Yaab 7:16

ki ye wan kpann uminmann kaa ye wan nɔɔ u yaajam a siim kaah wɔɔn man nin amaa ki ye limiɛfol lan kaa jɔɔ ndiɛmin a pɔɔm.

Hiibru Yaab 7:27

Waa be ke ban nan ye biminmanib a yudamin ni, waa nan chinn mann kumanug lidaal biɛn u tɔɔl a bir bu, wee ki nin mann bitab a bir bu. U nan mann kumanug nba bu le ki sei bi biɛn bi bir bu waah nan ta uba ki mann kumanugin.

Hiibru Yaab 9:12

Waa nan ŋmag iŋɔɔb nin nnaabum a cham le ki kɔɔ nin yaan ni; amaa nba bu le u nan kɔɔ kasi mu a kasi a bolin ki ta u tɔɔl a cham ki mann kumanug kan ye nkpenim a manug kan kaa jɔɔ diɛm Uwonbɔr ban ki sei ti.

Hiibru Yaab 9:26

Ni bi ye man ke Masiya nan bi li ji fala n-yonn takpem naah nyan dulinya a piinimin. Amaa daandaan nan u degirin ti bu nba bu le, iyoo nan a diɛmin ki ta uba ki mann kumanug ki nyan tibir.

Hiibru Yaab 9:7

Amaa biminmanib a yudaau a binba le nan ti kɔɔ kunanboŋ kan be poolin nin taaliba libinl a poolin, u nan ti ŋmag ncham le ki kɔɔ, nan wee u li ta mann ubaantɔɔl a bir bu, nin bininfob kaah tun tibir tan wee kaa nyi.

Hiibru Yaab 9:9

Ni niɛ le ye nan mag ki wɔɔn n-yonn man wee ti be daandaan nan, ni wɔɔn ke ipiin nin kumanug kan wee bi nan mann nin kaa nan fir ŋunn uwonjiɛn a potiɛli.

1 Piita 1:19

amaa ni nan ye Masiya wan a cham ŋan nin le, Masiya wan ye kipeebig kan kaa jɔɔ igalin bee kidaŋi.

1 Piita 2:22

“Waa nan tun niba a biri, le kularug mu kaa nan nyi nyan u mɔnn ni.”

1 Piita 2:24

Uma tɔɔl le nan tu ti yaa bir u gbanann nin lidapunpunl bu, wee nin che ti kpo tibir bu ki kan limiɛfol nbuchin binben nin ban; u daŋin bu le ni kan kutebug.

1 Piita 3:18

Nan bu-n nba le Masiya nan kpo ki sei tibirdam biɛn, ubuchin nan gaa ban kaa ye bibuchim a kum ki kpo, ke un che ni foo Uwonbɔr ban. Bi nan ku u le tigbanann ni le u ji kan limiɛfol Kinaaŋ bu,

1 Piita 4:2

Naah ŋa man nin, waa che u binbem a joorim dulinya nan yaan ye tigbanann a kɔlisa, amaa Uwonbɔr kaah ban man.

1 Jɔnn 1:7

Amaa ni ye ti choon nwonween nin, a li ke waah be nwonween nin man nin ke, tim nin nim jɔɔ nɔɔnintab, le Yisa wan ye U Bija-n a cham li ŋunn ti biɛn nan a bir.

1 Jɔnn 3:5

Amaa ni nyi ke u nan degirin un nan ta ti yaa bir le. Le u ni tibir kaa be.

Tibɔkpiirkaan 1:5

Linyunyunbasanl nin nposɔɔn lan ji nyan Yisa Masiya, wan ye ibamɔn a siɛradaau win, kibininkpeeg kan chinn fii nkumin, nin wan ye dulinya nan a bɔrtiib biɛn a bɔru win li be ni ban. Wan jiɛ ti wee ki ta u cham ki nyan ti tibirin nin,