Hiibru Yaab 9:11 - UWONBƆR A GBƆNPƆŊ LIKƆƆNL

¹¹ Masiya kaah nan dan wee ki ye biminmanib a yudaau wan ye tiwann ŋan tan pii nan be-n, u nan kɔɔ kuwonjiɛn nanboŋ kan yab ki ŋan jon kan be dulinya nan yaan, wee naa ye bininfob le tii ki-n yaan le.

Uwumbɔr aagbaŋ

¹¹ Dandana wee Kristo fuu ni a, ki ye utotoorninkpel, ki joo ni nsanyaan mu bi nan len ke mu ga fuu ni na. Waa koo ni libool li binib ŋa li dulnyaa wee ni na. U dii lipepel li jer dulnyaa wee aabool ngbaan na,

Hiibru Yaab 9:11 ပူးပေါင်းရင်းမြစ်များ

Matiu 11:3

ke bin tan baan u ke, “Fin le ye wan yin dan ni bee, ti li guu u baa?”

Matiu 2:6

‘Amaa fin Betiliham kan be Juda a tingbɔŋin ni, ŋaa ye kitinbig Juda a paamin ni, nan bu-n a ban le ubɔr na li nya wan na li ye upeekpaar N ninfob ban ye Iziral yaab.’”

Tibɔnyaan ti Mak ŋmee ti na 14:58

“Ti gbir u bei ke, u li ber iwonjiɛn niin yan wee bininfob nan maa nan, ki ta iweehn itaa ki ji maa ki, wee nin laa ji ye bininfob li maa ki.”

Jɔnn 1:14

Limɔbonlin nan kpann tigbanann nin ncham le ki nan ŋa u kukɔɔbol ti ban. Ti nan kan u paga, kupag kiba kpeŋ kpeŋ, kan nan nyan ti Baa ban nin, ki gbee nin linyunyunbasanl nin ibamɔn nin.

Jɔnn 4:25

Le upii-n ke, “N nyi ke Masiya nmɔn chaan. U nan dan ke, u li mann pag ni biɛn ki wɔɔn ti.”

Lituln 7:48

“Amaa Uwonbɔr wan kaa jɔɔ kpiɛg nan kaa be iniin yan yaan wee bininfob maa nni. A li ke Uwonbɔr a linlenu kaah nan len ke:

2 Korenti 4:18

Naa ye ti num paa nan be npaan ni nin bu le, amaa ti num paa nan woo-n bu le. Nan be npaan ni nin kaa yin yuuri, amaa nan woo-n le yin yuur.

2 Korenti 5:1

Ti nyi ke dulinya nan a gbanann tan nann kunanboŋ wee ti be nan ber ke, ti jɔɔ iniin yan wee Uwonbɔr maa, iniin yan kaa jɔɔ nlumi ki be Uwonbɔr a niin, iniin yan wee uninfosaal kaa maa yi.

Kolosiya 2:11

Masiya ni le ni kan lipunjiil, ki nyan tibir a binbemin, naa ye lipunjiil lan wee bininfosaalib ta bi nɔɔi ki jii amaa Masiya le jii ni

Hiibru Yaab 10:1

Nsiimin ye tiwann ŋann tan chaan nin a jinjiim le, amaa naa ye tiwann ŋann bamɔn nmɔn tɔɔl le ye ni. Ni ma bu kumanug kan gbaa mann ibin biɛn kaa diɛrin, kaa yin fir ŋa ban fɔɔr mal bin jiɛn Uwonbɔrin kasi.

Hiibru Yaab 12:27

Imɔbon yan len ke, “N ji li chee-n,” wɔɔn ke tiwann tan dam ki ye tiwann naan kaarin na li choo nyan ki jiɛn tan kaa yin damin paar.

Hiibru Yaab 13:14

Nan bu-n dulinya nan yaan taa jɔɔ kitiŋ kan li gbaa be, amaa ti lig kitiŋ kan la yin danin le.

Hiibru Yaab 2:17

Ni nan bu ni nan kpaa talar le u li be ke u nabum kaah be man nin niwann biɛn nin, wee ki fir kpann biminmanib a yudaau wan yab ki si nba bu nin wan ye unyunyunbasann u toon yin ki sei Uwonbɔr, ki ta uba ki mann tibir a manug ki sei bininfob.

Hiibru Yaab 3:1

Mambu, n nabum ban be kasi nan, wee ki kpiɛ Uwonbɔr a yimin yaan nin, ni li tiɛr Yisa buu, wan ye ntoon nin biminmanib a yudaau wan wee ti ŋa u yada tiwonjiɛn samin nin.

Hiibru Yaab 4:15

Taa jɔɔ biminmanib a yudaau wan kaa li fir jogir ti, ti daburigin ni, amaa ti jɔɔ wan nan kan nbiginim niwann biɛn nin, a li ke taah be man nin, amaa waa nan jɔɔ tibiri.

Hiibru Yaab 7:1

Melikizɛdɛg nmɔn nan ye Salem a bɔru le nin Uwonbɔr wan be paab a minmanu. Abiraham kaah nan jon ki tan ton ki nyaŋ bibɔrtiib wee ki chaa kun nin, le Melikizɛdɛg nan to u nsan bu le ki kaab Uwonbɔr a kaar ki jaa u bu,

1 Jɔnn 5:20

Le ti ji nyi Uwonbɔr a big kaah dan ki nan sei ti nbiɛm, ke nin che ti biɛ Uma wan ye ibamɔndaan nin. Le ti mu be nin Uma wan ye ibamɔndaan nmɔn, hali nin U big Yisa Masiya. U ye ibamɔn a Wonbɔru le nin limiɛfol lan kaa jɔɔ ndiɛm.

2 Jɔnn 1:7

Bilinlarib takpem, ban kaa chee ke Yisa Masiya dan nin tigbanann le dulinya nan yaan nin, bi nyan le ki yal dulinya nan yaan. Bininfob nmɔn a bosu ye bilinlarib le nin Yisa a dataam.