Hiibru Yaab 8:5 - UWONBƆR A GBƆNPƆŊ LIKƆƆNL

⁵ Wonjiɛn bol kan yaan wee bi tun ibamɔn a toon yin ki nann le ke paab a naamin a jinjiimin. Ni niɛ bu le bi nan kpaan Moziz n-yonn man wee u na yin tii kuwonjiɛn nanboŋin ke: “Che niwann biɛn n ŋa ke maah nan wɔɔniŋ kuwonjiɛn nanboŋ kan lijɔɔl a paabin.”

Uwumbɔr aagbaŋ

⁵ Bitotoorninkpiib ngbaan aatuln ye paacham aatuln aanaŋ la. Moses yaan mu nan bi kina la. Waah nan ban ke u ŋa libool tii Uwumbɔr na, Uwumbɔr nan bui u ke u li nyi ki ŋa tiwan mɔmɔk ke waah mɔk u laanaŋ, lijool paab pu na.

Hiibru Yaab 8:5 ပူးပေါင်းရင်းမြစ်များ

Matiu 2:12

Tɔ, le Uwonbɔr kpaan bi tidindɔgin ni, ke bi laa ji jir ubɔr Herɔd ban ni, mambu le bi ni nan nɔɔ nsan nba ki jir kun bi tiŋ.

Lituln 7:44

“Ti yaajam nan jɔɔ kuwonjiɛn nanboŋ le kukunkɔɔg bu, le ki ye siɛra ki wɔɔn ke Uwonbɔr be bi ban. Uwonbɔr le nan wɔɔn Moziz baah li ŋa ki man, le bi ŋa ki ke Uwonbɔr kaah wɔɔn Moziz man nin.

Kolosiya 2:17

Ti nan le ye tiwann tan yin dan nin a jinjiim amaa niwann bamɔn nin be Masiya ni le.

Hiibru Yaab 10:1

Nsiimin ye tiwann ŋann tan chaan nin a jinjiim le, amaa naa ye tiwann ŋann bamɔn nmɔn tɔɔl le ye ni. Ni ma bu kumanug kan gbaa mann ibin biɛn kaa diɛrin, kaa yin fir ŋa ban fɔɔr mal bin jiɛn Uwonbɔrin kasi.

Hiibru Yaab 11:7

Yada bu le Nowa, Uwonbɔr kaah nan kpaan u ikpaan ki ta jiin tiwann tan paam wee u num kaa la nan kan nin, le kasi a jawaam nan che u kpee kuŋaluŋ kan fee uma nin u niin yaab gabin. U yada bu le Uwonbɔr nan bii dulinya le Nowa kpann ufaajir u buchin tan nyan u yada nin.

Hiibru Yaab 12:25

Ni laa nyi yii Uwonbɔr wan pag nan ni. Ni ye baa nan ŋmar baah nan yii wan a kpaan yin dulinya nan yaan nin ban ke, ŋma nin nan chaa baan timaa, ni ye ti labir ti bɔɔn kpaa wan be papaab ki kpaan ti nan ke naa?

Hiibru Yaab 13:10

Ti jɔɔ kumanug a binbinl lan wee ban tun itoon tiwonjiɛn nanbonn nin kaa jɔɔ nsan nin bin ji li bu a jiiri.

Hiibru Yaab 9:9

Ni niɛ le ye nan mag ki wɔɔn n-yonn man wee ti be daandaan nan, ni wɔɔn ke ipiin nin kumanug kan wee bi nan mann nin kaa nan fir ŋunn uwonjiɛn a potiɛli.

Tibɔkpiirkaan 15:5

Ni bɔɔn bu le n lig ki miin paab a wonjiɛn niin yan wee bi yi ke kuwonjiɛn nanboŋ wee ki ye siɛra-n choo loora.