Hiibru Yaab 7:28 - UWONBƆR A GBƆNPƆŊ LIKƆƆNL

²⁸ Ni ma bu nsiimin nan gann ndaburim le ki ŋaan bi biminmanib a yudam; amaa tipoor, tan nan ŋɔɔrin nsiimin a bɔɔn nin, nan gann Uma Uwonbɔr a Bija, wan bi ŋa u kasi hali nin isaŋ yan kaa jɔɔ diɛmin le.

Uwumbɔr aagbaŋ

²⁸ Bi nan leer bitotoorninkpiib Moses aakaal aah dii pu na. Bitotoorninkpiib ngbaan aa nan ŋan ti doo. Nkaal ngbaan aapuwɔb le Uwumbɔr puu tipuur, ki ŋa Ujapɔɔn utotoorninkpel. Uma le ye utotoorninkpel bamɔnn, ki ga li bi n‑yoonn mu kaa kpa ndoon na.

Hiibru Yaab 7:28 ပူးပေါင်းရင်းမြစ်များ

Tibɔnyaan ti Luk ŋmee ti na 13:32

Le U jiin ke, “Ni li chaa ki tan bei kuŋɔg nmɔn ke, ‘Dinan nin won le n yin nyan nnaanbiim bininfobin, ki che bibaarib n pɔɔg. Iweehn itaa daal le n toon yin diɛ.’

Jɔnn 19:30

Yisa kaah nan gaa nyun nin, le ki bei ke, “Ni diɛu.” Le ki tibin u yul tum le ki kpo.

Hiibru Yaab 1:2

amaa idaa yan joor nan, u che U bija le pag sei ti, wan wee U ŋau niwann biɛn a faajiru win, nin wan bu wee U nan naan dulinya nan nin.

Hiibru Yaab 2:10

Waah yin ta nbuwaab takpem ki kɔɔn kupagin nin, ni nan kpaan ke Uwonbɔr wan nan naan niwann biɛn, nin wan bu wee niwann biɛn be-n, Un ŋa bi feegab a daau kasi u fala a jim bu.

Hiibru Yaab 2:17

Ni nan bu ni nan kpaa talar le u li be ke u nabum kaah be man nin niwann biɛn nin, wee ki fir kpann biminmanib a yudaau wan yab ki si nba bu nin wan ye unyunyunbasann u toon yin ki sei Uwonbɔr, ki ta uba ki mann tibir a manug ki sei bininfob.

Hiibru Yaab 3:1

Mambu, n nabum ban be kasi nan, wee ki kpiɛ Uwonbɔr a yimin yaan nin, ni li tiɛr Yisa buu, wan ye ntoon nin biminmanib a yudaau wan wee ti ŋa u yada tiwonjiɛn samin nin.

Hiibru Yaab 3:6

Amaa Masiya ma si nba bu le Uwonbɔr a ninfob biɛn bu ki ye U bija, tim le ye Uwonbɔr a niin yaab, ni ye ti li jɔɔ lipoobil le nin tama kan wee ti far ligbingbanl ki bu-n.

Hiibru Yaab 4:14

Mambu taah jɔɔ biminmanib a yudaau wan ye Uwonbɔr a Bija Yisa wan nan don paabin, ni che ti li ŋmag ti yada kan ti ŋa nan kenken na.

Hiibru Yaab 5:5

Masiya mu kaa nan taa kupag nmɔn ubaantɔɔl a bam bu ke un ŋa biminmanib a yudaau wi. Amaa Uwonbɔr le nan bei u ke, “A ye N Bija le; dinan le N kpann a Baa.”

Hiibru Yaab 7:21

amaa Yisa nan ŋa biminmanib a yudaau nin tipoorin le, n-yonn man wee Uwonbɔr nan bei u ke, “Uyudaan poo tipoora le kaa yin kpenn U potiɛli ‘A ye uminmann wan a toon kaa jɔɔ diɛm le.’”

Hiibru Yaab 7:24

amaa Yisa kaah be nin n-yonn man kaa jɔɔ diɛmin, u minmanug a toon nmɔn yin gbaa be le.

Hiibru Yaab 7:3

Waa nan jɔɔ baa bee na, kaa jɔɔ yaajasan, kaa jɔɔ maa daali bee kum daali, u nann Uwonbɔr a Bija le, ki ye u minmanu hali nin iyoo yan kaa jɔɔ diɛm.