Hiibru Yaab 7:27 - UWONBƆR A GBƆNPƆŊ LIKƆƆNL

²⁷ Waa be ke ban nan ye biminmanib a yudamin ni, waa nan chinn mann kumanug lidaal biɛn u tɔɔl a bir bu, wee ki nin mann bitab a bir bu. U nan mann kumanug nba bu le ki sei bi biɛn bi bir bu waah nan ta uba ki mann kumanugin.

Uwumbɔr aagbaŋ

²⁷ Bitotoorninkpiib biken aah bi pu na, waa bi kina. Waa toor kitork uma ubaa aatunwanbir pu, u toor kitork binib aatunwanbir pu la. Waa toor kitork iwiin mɔmɔk. U nan di ubaa toor kitork nfum mubaa, kookoo aatork mu le na.

Hiibru Yaab 7:27 ပူးပေါင်းရင်းမြစ်များ

Rom Yaab 6:10

Nkum man wee u kpe-n, ti yaa bir bu le u kpo taaliba ki sei ti biɛn; amaa limiɛfol lan wee u nin jɔɔ-n, u nin be ki sei Uwonbɔr le.

Efesusi 2:22

Uma bu le ni mu lagin ki maa kudiig kan yaan wee Uwonbɔr be nin Kinaaŋin.

Efesusi 5:2

ki li be njiɛm a binbema, ke Masiya kaah jiɛ ti ki ta u ba ki mann kumanug kan jɔɔ nbaam mɔɔm ki sei Uwonbɔr ti bu man nin.

Taitus 2:14

wan ta uba ki ŋa nkpenim a manug ki sei ti, ki nyan ti titoonbir biɛn a yomirin, le ki ŋa ti u baantɔɔl a ninfob ban be kasi ki jɔɔ linunmanl nin itoon ŋan a tum.

Hiibru Yaab 5:1

Bi gann biminmanib a yudaau biɛn bininfob a sisiigin le, ki ta siin u kpiɛtiib a taai Uwonbɔr ban, ke u jɔɔ ipiin nin bi bir a manug ki tenn Uwonbɔr.

Hiibru Yaab 5:3

Ni ma bu le ni kpaa talar nin un mann u tɔɔl a bir a manug, nin bininfobin a bir a manug.

Hiibru Yaab 8:4

Ni ye u nan bi be dulinya nan yaan ke, waa nan bi li ye biminmanib a yudaau wi, nan bu-n bininfob pii nan be ki mann nsiim nmɔn kaah wɔɔn man nin le.

Hiibru Yaab 9:12

Waa nan ŋmag iŋɔɔb nin nnaabum a cham le ki kɔɔ nin yaan ni; amaa nba bu le u nan kɔɔ kasi mu a kasi a bolin ki ta u tɔɔl a cham ki mann kumanug kan ye nkpenim a manug kan kaa jɔɔ diɛm Uwonbɔr ban ki sei ti.

Hiibru Yaab 9:14

Mambu ke, Masiya ma a chamin tun nan jon man na, uma wan kaa jɔɔ igalin wee kinaaŋ kan be u ni kaa jɔɔ diɛmin nan che u ta uba ki mann kumanug ki sei Uwonbɔr, ki ŋunn ti potiɛri a toon yan yin liin ti kɔɔn nkumin nin, wee nin che ti fir jiɛn Uwonbɔr wan foo-n!

Hiibru Yaab 9:25

Waa nan don paab nmɔn ke u ta li gbaa jɔɔ uba ki mann kumanug ke biminmanib a yudaau kaah ti kɔɔ kasi mu a kasi a bol ibin biɛn ki ŋmag ncham man kaa ye u tɔɔl a cham ki tan mann man nin ni.

Hiibru Yaab 9:26

Ni bi ye man ke Masiya nan bi li ji fala n-yonn takpem naah nyan dulinya a piinimin. Amaa daandaan nan u degirin ti bu nba bu le, iyoo nan a diɛmin ki ta uba ki mann kumanug ki nyan tibir.

Hiibru Yaab 9:28

man mu le Masiya a manugin nan mann nba bu ki nyan bininfob takpem a bir; le u ji li jirin, kaa ye u nan ji tibir a fala, amaa u li ŋmag feegab ki nan sei ban guu win.

Hiibru Yaab 9:7

Amaa biminmanib a yudaau a binba le nan ti kɔɔ kunanboŋ kan be poolin nin taaliba libinl a poolin, u nan ti ŋmag ncham le ki kɔɔ, nan wee u li ta mann ubaantɔɔl a bir bu, nin bininfob kaah tun tibir tan wee kaa nyi.