Hiibru Yaab 7:26 - UWONBƆR A GBƆNPƆŊ LIKƆƆNL

²⁶ Biminmanib a yudaau nmɔn le tenn ti taah ban nan, ki ye wan be kasi, kaa jɔɔ igalin ni, kaa jɔɔ tijaginn ni, le Uwonbɔr che u be u binba kaa ŋmar nin tibirdamin ni, ki don u yinl ki jon ban biɛn be paab a naamin yaan.

Uwumbɔr aagbaŋ

²⁶ Yesu le ye utotoorninkpel taah ban pu na. U bi chain, kaa kpa ngalm, kaa kpa titunwanbir tibaa. U ni titunwanbirdam aa kpaani. Uwumbɔr yoor u paacham ki jer bimɔk bi paacham na.

Hiibru Yaab 7:26 ပူးပေါင်းရင်းမြစ်များ

Matiu 27:18

Nan bu-n Palati nan nyi naah ye linunchɔril bu le bi choo Yisa ki nan ŋa u nɔɔn.

Tibɔnyaan ti Mak ŋmee ti na 16:19

Tɔ, Yisa kaah nan pag tibɔr nmɔn ki diɛ n-yonn man nin, le Uwonbɔr ta u don U niin ki tan kaan u ma Uwonbɔr a nɔɔjiim paam.

Tibɔnyaan ti Luk ŋmee ti na 1:35

Le malaka n bei u ke, “Kasi a Naaŋ li jiirin a bu, Uwonbɔr wan be paab nan a pɔɔm li biin a bu. Ni ma bu ŋaah li maa kibig kan nan yin ye kasi daan le, le bi li yin u Uwonbɔr a Bija.”

Tibɔnyaan ti Luk ŋmee ti na 23:22

Le u ji nan pag kpiɛ nfim mitaa ke: “Ba ŋaa? Uja nan le tun igalin ila baa? Maa kan nan wee u tun wee ni foo nkum a tudaril li. Mambu n li che bin dar u tul wee ki jaau.”

Tibɔnyaan ti Luk ŋmee ti na 23:41

Tim kan litudaril nin ibamɔn le, nan bu-n bi jiin ti toon kaah kpaan ti gaa man le. Amaa uja nan ma kaa tun tibir ti ba.”

Tibɔnyaan ti Luk ŋmee ti na 23:47

Bitɔb a sanliiru kaah nan kan ni wan nan tun nin, le u nan don Uwonbɔr a yinl ki ke, “Ibamɔn uja nan ye ubuchin le.”

Tibɔnyaan ti Luk ŋmee ti na 24:26

Naa ye ni kpaa le ke Masiya n ji fala nmɔn, wee ki nan kɔɔ u pagin naa?”

Tibɔnyaan ti Luk ŋmee ti na 24:46

Le u bei ke: “Nan wee bi nan sɔb sɔ: Masiya-n li ji fala ki fii nkumin iween itaa daal,

Jɔnn 14:30

Maa ji li pag nin ni ki yuuri, nan bu-n dulinya nan a bɔrbig le chaan nin. Waa jɔɔ n pɔɔmi,

Jɔnn 8:29

Wan nan tunimin be n ban; waa jaam n binba, nan bu-n n gbaa ŋaan nan gbee u num le.”

Lituln 3:14

Ni yii Kasi daan nin Ubuchin daan le ki bei Palati ke un nyan uninfo kurin ki sei ni.

Lituln 4:27

“Ni ye ibamɔn le ke Herɔd, nin Pontiɛ Palati, nin ban kaa ye Juu yaab nin Iziral yaab sin nan lagin kitiŋ nan yaan le, ki lol ilol ke bin ku A kasi a yomu Yisa, wan wee A gann wee u ye A Masiya nan.

2 Korenti 5:21

Tim bu le Uwonbɔr nan che wan kaa jɔɔ tibir labir tibirdaan, u ma bu le ti na yin ŋa Uwonbɔr a buchim.

Hiibru Yaab 1:3

Uwonbɔr a pag le che U bija-n nyagin, ki jɔɔ Uwonbɔr a nunaŋ, ki ji ye wan ŋmag niwann biɛn u mɔleen a pɔɔm bu. Ni bɔɔn bu waah nan ban tibir a ŋunnim ki sei ti-n, le u kal Jilimadaan Uwonbɔr a nɔɔjiim paam papaab.

Hiibru Yaab 12:2

Ni che ti ta ti num ki tɔɔn Yisa bu, wan ye ti yada a piinim nin njoorimin. U nan jin fala lidapunpunl bu nin limɔril kaa san ifa, nmɔn man nan dɔ guu nbu, ki kal Uwonbɔr a naangbɔŋ bu u nɔɔjiim paam.

Hiibru Yaab 2:10

Waah yin ta nbuwaab takpem ki kɔɔn kupagin nin, ni nan kpaan ke Uwonbɔr wan nan naan niwann biɛn, nin wan bu wee niwann biɛn be-n, Un ŋa bi feegab a daau kasi u fala a jim bu.

Hiibru Yaab 2:17

Ni nan bu ni nan kpaa talar le u li be ke u nabum kaah be man nin niwann biɛn nin, wee ki fir kpann biminmanib a yudaau wan yab ki si nba bu nin wan ye unyunyunbasann u toon yin ki sei Uwonbɔr, ki ta uba ki mann tibir a manug ki sei bininfob.

Hiibru Yaab 3:1

Mambu, n nabum ban be kasi nan, wee ki kpiɛ Uwonbɔr a yimin yaan nin, ni li tiɛr Yisa buu, wan ye ntoon nin biminmanib a yudaau wan wee ti ŋa u yada tiwonjiɛn samin nin.

Hiibru Yaab 7:11

Ni ye Liifai a bol ban ye biminmanibin a toon yin nan bi ŋan ke (ni ma bu le Uwonbɔr nan sei bi nsiimin), ba ŋa wee ni ji nan kpaa talar ke uminmann uba n ji dan ki ye wan be ke Melikizɛdɛg, kaa ye Arɔnn a maalimin naa?

Hiibru Yaab 8:1

Nan bu wee ti len ni niɛ nan ye nan le: Ti jɔɔ biminmanib a yudaau, wan kal paab a naamin a naangbɔŋ nbu Jilimadaan a nɔɔjiim paamin,

Hiibru Yaab 9:14

Mambu ke, Masiya ma a chamin tun nan jon man na, uma wan kaa jɔɔ igalin wee kinaaŋ kan be u ni kaa jɔɔ diɛmin nan che u ta uba ki mann kumanug ki sei Uwonbɔr, ki ŋunn ti potiɛri a toon yan yin liin ti kɔɔn nkumin nin, wee nin che ti fir jiɛn Uwonbɔr wan foo-n!

1 Piita 1:19

amaa ni nan ye Masiya wan a cham ŋan nin le, Masiya wan ye kipeebig kan kaa jɔɔ igalin bee kidaŋi.

1 Piita 2:22

“Waa nan tun niba a biri, le kularug mu kaa nan nyi nyan u mɔnn ni.”

1 Piita 3:22

Yisa wan nan don paab ki be Uwonbɔr a nɔɔjiim paam nin Malakam nin tininkper a pɔɔm nin ipɔɔn biɛn yan cheel u mɔbin.

1 Jɔnn 2:2

Uma ye tibir a manug kan ŋunn ti bir, le naa ye tim a binba a bir bu amaa nin dulinya munl nan biɛn a bir.

1 Jɔnn 3:5

Amaa ni nyi ke u nan degirin un nan ta ti yaa bir le. Le u ni tibir kaa be.

Tibɔkpiirkaan 3:7

Ki ji ke, “Sɔb sei Filadelifiya a wonjiɛm a laguŋ a malaka: Wan be kasi ki ye ubamɔndaan ki ŋmag Defid a naanganl a piimin a mɔleen sɔ. U loor nan ke uba kaa li fir loon ni, le nan mu wee u loon ke uba kaa be ki li fir loor ni.