Hiibru Yaab 7:19 - UWONBƆR A GBƆNPƆŊ LIKƆƆNL

¹⁹ (nsiim nmɔn kaa nan fir ŋa niba kasi), mambu le Uwonbɔr wɔɔn ti tama kan ŋan, nan che ti fɔɔr mal Uwonbɔr.

Hiibru Yaab 7:19 ပူးပေါင်းရင်းမြစ်များ

Jɔnn 1:17

Uwonbɔr le nan che Moziz sei ti nsiim; le Yisa Masiya mu bu le ti kan linyunyunbasanl nin ibamɔn.

Jɔnn 14:6

Le Yisa jiin ke, “Min le ye nsan nin ibamɔn nin limiɛfol. Uba kaa chaan Baa-n ban ni wee naa ye min bu.

Lituln 13:39

Wan ŋa Yisa yada ke, u daan kan nŋmarima, amaa Moziz a siim n ma, kaa li fir sei uninfo nŋmarimi.

Rom Yaab 5:2

wan a yada bu wee ti kan Uwonbɔr a nyunyunbasanl lan yaan wee ti nin be nan. Le ni mɔ ti nin tama kan wee ti jɔɔ-n ke ti na li por Uwonbɔr a pag.

Rom Yaab 7:7

Ti ni yin len ke nii? Nsiimin ye tibir lee? Naa ye man ni! Ibamɔn buu maa bi yin nyi tibir kaah ye nan ni, nsiimin le che n biɛ. Maa bi yin nyi linunchɔril kaah jann ye nan ni, ni ye nsiimin kaa bi be ke, “Laa jɔɔ linunchɔrili.”

Rom Yaab 8:3

Uwonbɔr tun nan wee nsiimin kaa fir tun nna nan bu-n uninfosaal a gbanann kaa nan fir ŋmag nsiim nmɔn ni, le U tun U tɔɔl a big le ki nann uninfosaal wan ye tibirdaan nin ke un nan mann tibir a manug. Le ki bii tibir tan be uninfosaal a gbanann nin ni-n,

Galantiya 2:16

ti nyi ke naa ye uninfo wan ŋmag nsiim le bi ke u ye uninfo ŋan Uwonbɔr ban ni, amaa ban ŋa Yisa Masiya yada-n. Ti tɔɔl ŋa Masiya yada le ke nin che ti bɔr li ŋan Uwonbɔr ban, ti yada n bu, amaa naa ye taah ŋmag nsiim n bu, uba kaa li fir ŋa uninfo ŋan Uwonbɔr ban nsiimin bu.

Galantiya 3:21

Mambu nsiim kɔn nin Uwonbɔr a mɔsiinlin lee? Naa ye man ni! Ni ye Uwonbɔr bi siin nsiim man li fir sei uninfo limiɛfol ke, U bi li ke bininfob ye bibuchim le U ban, nsiim nmɔn a ŋmagim bu.

Galantiya 3:24

Mambu, nsiim nmɔn nan ye uguguur le ki jɔɔ ti chaa Masiya ban, naah li ŋa man wee Uwonbɔr n len ke ti bɔr ŋan yada bu.

Efesusi 3:12

Taah ŋa Yisa yada ki be u ni nbu, le ti jɔɔ lipoobil ki li foo Uwonbɔr ban, nin tidindann.

Kolosiya 1:27

Bininfogannkaab nmɔn le Uwonbɔr nan gann ke bin kpiir liwool a bɔrin ki wɔɔn ban kaa ye Juu yaabin, liwool a pag kan yabin, ni ma ye Masiya wan be nin ni-n, ki ye kupag a tama-n.

1 Timoti 1:1

Min Pɔɔl wan wee Uwonbɔr ŋaam Masiya a toomin, wan ye ti feeru nin Masiya wan bu wee ti jɔɔ tama-n,

Hiibru Yaab 10:1

Nsiimin ye tiwann ŋann tan chaan nin a jinjiim le, amaa naa ye tiwann ŋann bamɔn nmɔn tɔɔl le ye ni. Ni ma bu kumanug kan gbaa mann ibin biɛn kaa diɛrin, kaa yin fir ŋa ban fɔɔr mal bin jiɛn Uwonbɔrin kasi.

Hiibru Yaab 11:40

Uwonbɔr nan bon ibonn yan ŋan le ki sei ti ke tim nin bi ma nan lagin ki be ke u li ŋa bi kasi.

Hiibru Yaab 11:6

Naa ye yada ke uba kaa li fir tun wee nin gbee Uwonbɔr a numi, nan bu-n wan biɛn dan Uwonbɔr ban ke ni ŋan udaan li jɔɔ yada ke Uwonbɔr be, ki ye wan tenn ban ban u nin inunman tinyɔɔr.

Hiibru Yaab 3:6

Amaa Masiya ma si nba bu le Uwonbɔr a ninfob biɛn bu ki ye U bija, tim le ye Uwonbɔr a niin yaab, ni ye ti li jɔɔ lipoobil le nin tama kan wee ti far ligbingbanl ki bu-n.

Hiibru Yaab 4:16

Ni bu ni che ti fɔɔr mal Uwonbɔr wan ye unyunyunbasann nin a naangbɔŋin ban nin tidindann, wee ti kan linyunyunbasanl n-yonn man wee ti ban.

Hiibru Yaab 6:18

Uwonbɔr ŋa tiwann tilee nan le taa jɔɔ kpenimi, ti ma ye limɔsiinl nin tipoor tan bu wee ni li pɔɔ nin Uwonbɔr n por tibɔkar. Mambu tim ban kan wunwoon bol u ban ni, ni ŋan nin ti li ŋmag ti tama kan be ti nintogilin nin lipoobil kenken.

Hiibru Yaab 7:11

Ni ye Liifai a bol ban ye biminmanibin a toon yin nan bi ŋan ke (ni ma bu le Uwonbɔr nan sei bi nsiimin), ba ŋa wee ni ji nan kpaa talar ke uminmann uba n ji dan ki ye wan be ke Melikizɛdɛg, kaa ye Arɔnn a maalimin naa?

Hiibru Yaab 7:20

Le Uwonbɔr nan poo tipoor! Amaa le biba nan ŋa biminmanib a yudam le waa nan poo tipoori,

Hiibru Yaab 7:25

Mambu u li fir fee ban dan Uwonbɔr ban u ma bu-n iyoo biɛn ki gab, nan bu-n iyoo biɛn u be le ki miɛ ter bi.

Hiibru Yaab 8:6

Amaa itoon yan wee Yisa gaa-n yab jon bi yaa toon ke, tipoopɔnn tan wee Yisa si bininfob nin Uwonbɔr a sisiigin nin kaah jon tipookpegirin man nin, nan bu-n Uwonbɔr a mɔsiinl ŋanl nmɔn tɔɔ lifiɛŋanlin bu le.

Hiibru Yaab 9:9

Ni niɛ le ye nan mag ki wɔɔn n-yonn man wee ti be daandaan nan, ni wɔɔn ke ipiin nin kumanug kan wee bi nan mann nin kaa nan fir ŋunn uwonjiɛn a potiɛli.

Jemisi 4:8

Ni fɔɔr mal Uwonbɔr a, wee Uwonbɔr mu nfɔɔr ki mal ni. Nir ni nɔɔi ya, nim tibirdam nan, ki ŋa ni sufu kasiu, nim ipotiɛ ilelee dam nan.