Hiibru Yaab 7:16 - UWONBƆR A GBƆNPƆŊ LIKƆƆNL

¹⁶ ki ye wan kpann uminmann kaa ye wan nɔɔ u yaajam a siim kaah wɔɔn man nin amaa ki ye limiɛfol lan kaa jɔɔ ndiɛmin a pɔɔm.

Uwumbɔr aagbaŋ

¹⁶ Naa ye binib le nyan u ki ŋa u utotoor baakaal aah dii pu na. Uma le kpa limɔfal li kaa kpa ndoon na aapɔɔn. Nima le cha u ye utotoor.

Hiibru Yaab 7:16 ပူးပေါင်းရင်းမြစ်များ

Rom Yaab 7:14

Ti nyi nsiimin ye kinaaŋ a binbem le; amaa min le jɔɔ tigbanann a bam, le bi kɔɔrim sei tibir ke uyomin.

Galantiya 4:3

Man mu le ye ti, taah la nan ye nbuwaab Yisa a samin yaan nin, dulinya nan a maabiyiɛrug nan ŋmag ti le ke biyomin.

Galantiya 4:9

Amaa daandaan nan ni nin nyi Uwonbɔr, bee Uwonbɔr nyi ni, ke ba ŋa wee ni ji ban ni jir ki nɔɔ dulinya nan a maabiyiɛrug kan ye idaburig nin kunyunyunbaag a binbem nan naa? Ni ban ni kpann tiwann nmɔn a yomi le jigin naa?

Kolosiya 2:14

Uwonbɔr nan pir nsiim nin mi sɔbim man kaa nan chee sei ti-n, wee ki kɔn nin ti nle ki choo mi nyan le ki kpaa mi lidapunpunl bu.

Kolosiya 2:20

Ni nan lagin ki kpo nin Yisa ki sei kutingbɔŋ a maabiyiɛrugaa, ba ŋaa wee ni la be ke ni ye kutingbɔŋ nan a ninfob lee, ni chee sei kutingbɔŋ nmɔn a siim man ke:

Hiibru Yaab 10:1

Nsiimin ye tiwann ŋann tan chaan nin a jinjiim le, amaa naa ye tiwann ŋann bamɔn nmɔn tɔɔl le ye ni. Ni ma bu kumanug kan gbaa mann ibin biɛn kaa diɛrin, kaa yin fir ŋa ban fɔɔr mal bin jiɛn Uwonbɔrin kasi.

Hiibru Yaab 7:15

Ni ye biminmanib a yudaau wan nann Melikizɛdɛg degirin ke, nan wee ti pag nmɔn li mann wonn binum,

Hiibru Yaab 7:17

Ni ma bu ni sɔb Uwonbɔr a gbɔŋin ke, “A ye uminmann le, wan a toon yin be ke Melikizɛdɛg a toon kaah nan ye man nin hali nin n-yonn man kaa jɔɔ diɛmi.”

Hiibru Yaab 7:21

amaa Yisa nan ŋa biminmanib a yudaau nin tipoorin le, n-yonn man wee Uwonbɔr nan bei u ke, “Uyudaan poo tipoora le kaa yin kpenn U potiɛli ‘A ye uminmann wan a toon kaa jɔɔ diɛm le.’”

Hiibru Yaab 7:28

Ni ma bu nsiimin nan gann ndaburim le ki ŋaan bi biminmanib a yudam; amaa tipoor, tan nan ŋɔɔrin nsiimin a bɔɔn nin, nan gann Uma Uwonbɔr a Bija, wan bi ŋa u kasi hali nin isaŋ yan kaa jɔɔ diɛmin le.

Hiibru Yaab 7:3

Waa nan jɔɔ baa bee na, kaa jɔɔ yaajasan, kaa jɔɔ maa daali bee kum daali, u nann Uwonbɔr a Bija le, ki ye u minmanu hali nin iyoo yan kaa jɔɔ diɛm.

Hiibru Yaab 9:14

Mambu ke, Masiya ma a chamin tun nan jon man na, uma wan kaa jɔɔ igalin wee kinaaŋ kan be u ni kaa jɔɔ diɛmin nan che u ta uba ki mann kumanug ki sei Uwonbɔr, ki ŋunn ti potiɛri a toon yan yin liin ti kɔɔn nkumin nin, wee nin che ti fir jiɛn Uwonbɔr wan foo-n!

Tibɔkpiirkaan 1:18

N ye Wan Fo-n le; N nan kpou, liga n fii nkumin na ki ye wan fo-n le hali nin iyoo yan kaa jɔɔ diɛm! Le ki ŋmag Nkum nin Kitakpiin tiŋ a naanganl a piin.