Hiibru Yaab 6:4 - UWONBƆR A GBƆNPƆŊ LIKƆƆNL

⁴ Ni li pɔɔ ki sei bininfob ban wee Uwonbɔr wonn bi numin, ban nyi len paab a piini wee ki nan por kasi a Naaŋ a piini ki sei tabin.

Uwumbɔr aagbaŋ

⁴ Tɔ, binib bi Uwumbɔr woln binimbil na yaa di cha waasan kan, baan ki ŋmaa kpeln baabimbin ki ki dii u. Bi kan waapiin, ki gaa Waafuur Nyaan,

Hiibru Yaab 6:4 ပူးပေါင်းရင်းမြစ်များ

Matiu 12:45

ki yin jir nya le ki jo ki tan yin u nnaanbiim tab milile, ban bir ki jon u, ki ta bi dan, le bin kɔɔ ki lagin be, uninfo nmɔn a binbem li bir takpem ki jo waah nan chinn be man ni. Ni ma na yin dan daandaan nan a ninfobir nan bu.”

Matiu 5:13

“Ni ye kutingbɔŋ nan a yaam le, amaa n-yaam nan lann nmimalig ke, mu ji yin ŋa nii ki mɔŋ ŋaa? Maa ji ŋan ki li fir ŋa niba, man ke bin kpaar mi wur, le bininfob ni taan mi bu.

Jɔnn 15:6

Ni ye wan biɛn kaa lagin be nin min ke, u nann nbon man bi gaa jaa wee mi koor le; ibon nmɔn a bosu le bi pii, ki jaar nŋmi-n le yin gaa boor.

Jɔnn 3:27

Le Jɔnn jiin ki len ke, “Uninfo le li fir gaa nan nyan paab ki tenn u le.

Jɔnn 4:10

Le Yisa jiin u ke, “Ni ye ke a nyi Uwonbɔr a piin nin wan miɛŋ nnyunyukaam nan ke, a bi li baan u le u bin seiŋ limiɛfol a nyum.”

Jɔnn 6:32

Le Yisa bei bi ke, “N bei ni ibamɔn le, naa ye Moziz le nan sei ni boroboro kan nan nyan paabin ni, amaa n Baa le tenn boroboro bamɔn kan nyan paabin.

Lituln 10:45

Le ni gar biwonjiɛm ban nan jii bi pun ki chiɛn Piita nan, Kasi a Naaŋ a piin kaah kpaar wur ban kaa ye Juu yaab n mu bu-n.

Lituln 11:17

Ke, ni ye Uwonbɔr sin pu bi ke waah pu tim ban ŋa Uyudaan Masiya yada-n ke, n mu ye ŋma wee ki ke n yii wee Uwonbɔr kaah len man n laa tun naa?”

Lituln 15:8

Uwonbɔr wan nyi uninfosaal a sufu ni nin, u ma gaa ban kaa ye Juu yaab ki sei bi Kasi a Naaŋ, ke waah nan sei ti man nin.

Lituln 8:20

Amaa le Piita jiin u ke, “A tug ke a li fir ta ilig ki daa Uwonbɔr a piin yaa? Fin nin a ligi nmɔn n gabim yɔli!

Rom Yaab 1:11

N ban n kan ni le wee ki ta kinaaŋin a piini ibam ki sei ni wee yin sei ni npɔɔn,

2 Korenti 4:4

Dulinya nan a weem jɔɔn ban kaa ye biwonjiɛm a potiɛriya, ni bu baa ga Masiya a bɔŋann nin a wonweemi, u ma ye Uwonbɔr a nunaŋ.

2 Korenti 4:6

Uwonbɔr kaah nan len ke, “Che nwonween nwonn libunbɔnlin.” U ma che u wonweem ween ti sufu ni, ke un sei ti nbiɛm a weem man li sei Uwonbɔr kupag Masiya a num paam.

Galantiya 3:2

N ban n biɛ niwann niba le kpeŋileŋ ni ban: Naah ŋmag Uwonbɔr a siimin bu le che ni gaa Kinaaŋin bee naah gbir tibɔŋannin ki ŋa ti yada-n buu?

Galantiya 3:5

Uwonbɔr nan ta U Kasi a Naaŋin ki sei ni nin ligaril a toon yan wee U nan tun ni sisiigin nin ke naah ŋmag nsiim nbu le, bee naah gbir tibɔŋannin ki ŋa ti yada n buu?

Efesusi 1:18

N ji miɛ Uwonbɔr le ke Un ligir ni sufu wee ni biɛ tama kan bu wee U yin ni-n, ki ji biɛ U jilima takpenl a faal lan wee U nan siin limɔsiinl ki sei U ninfogannkaabin,

Efesusi 2:8

Uwonbɔr a nyunyunbasanl bu le ni kan nŋmarim, naah ŋa Yisa yada-n bu, naa ye ni tɔɔl a toon ŋan bu, ni ye Uwonbɔr a piini le,

Efesusi 3:7

Uwonbɔr a nyunyunbasanl bu le n kpann tibɔŋann nan a yomu Uwonbɔr a piini yan wee u seim u pɔɔm a toon yin nin.

Efesusi 4:7

Amaa ti biɛn nan Uwonbɔr ta U nyunyunbasanlin le sei ti uba ba uba ba ke Masiya kaah nan por man ki sei ti-n.

1 Timoti 4:14

Laa che a piin yin ŋa yɔli, nan ye ilinlen leen ki seiŋ n-yonn man wee bininkpeeb nan ta bi nɔɔ-i paan a bu-n.

2 Timoti 2:25

Ni kpaa le nin u li be soon ki fir wɔɔn ban yii u bɔrin, ki li jɔɔ tama ke Uwonbɔr li sei bi nkpenim man li wɔɔn bi ibamɔn nin,

2 Timoti 4:14

Alɛgzanda wan ye ucha-n ŋaam nan kaa ŋan na. Uyudaan li yɔ u ki jiin waah tun nan nmɔn bu.

Hiibru Yaab 10:32

Ni tiɛr iyoo yan nan chinn nin, wee ni nan gaa nwonween nin a bɔɔn bu, wee ni nan ye fala a jim nin linunmanlin, amaa naa nan nyaŋ ni.

Hiibru Yaab 2:4

Uwonbɔr tɔɔl nan jin mi siɛra nin ligaril a siɛra nin lijinjeel a toon nin ligaril a toon balbal, nin waah nan ta U kasi a Naaŋ a piini ki tol bi waah ban man.

1 Jɔnn 5:16

Ni ye uba kan u nabig tun tibir tan kaa joor nin nkum ke, un miɛm wee Uwonbɔr n sei udaan limiɛfol. N pag jiin ban a bir kaa ye bin kpo nle. Tibir tiba be ki ye nkum. Naa ye ti a bir le n ke un miɛ.