Hiibru Yaab 6:2 - UWONBƆR A GBƆNPƆŊ LIKƆƆNL

² nin Uwonbɔr a nyunful a wɔɔnim, nin inɔɔ a paanim bininfob bu, nin n kum a fiim, nin litudaril lan kaa jɔɔ diɛmi.

Uwumbɔr aagbaŋ

² Naa ki ban ke ti li beenin tuk nimi n‑yoonn mɔmɔk baah muini binib nnyun ni pu na, ni baah joo biŋaal paani binib pu pu na aabɔr, ni binib aah ga fikr nkun ni pu na aabɔr, ni ntafadaan mu kaa kpa ndoon na aabɔr. Timina mɔmɔk ye njan aabɔr le waasan ni.

Hiibru Yaab 6:2 ပူးပေါင်းရင်းမြစ်များ

Matiu 28:19

Ni bu, ni li chaa kutingbɔŋ nan yaan, binib a booli biɛn ban ki ŋa bi n-yaa bɔɔnɔɔb, ki fu bi Uwonbɔr a nyunful, Baa nin Bija nin Kasi a Naaŋ a yinl bu,

Matiu 3:14

Amaa le Jɔnn kaa chee. Le ki bei u ke, “Min li bi ye n dan a ban wee a fum, le a mu ji chaan n ban naa?”

Tibɔnyaan ti Mak ŋmee ti na 16:16

Wan biɛn ŋa yada wee bi fun u Uwonbɔr a nyunfulin ke u li kan nŋmarim; amaa wan kaa ŋa yada ke Uwonbɔr na li bii u.

Tibɔnyaan ti Mak ŋmee ti na 7:4

Ni ye bi nyan kinyaŋin ki foon ke, baa ji, see ke bi fun chinchinn wee ki nin ji. Bi biɛ nan ti ŋmag ikaa takpem le ki kpiɛ ni niɛ nan bu. Bi biɛ nan ŋmag nkaal man wɔɔn ke bi li nir bi yir nin bi binbom, ki sin li ŋunn bi wan dɔɔn wan na.)

Tibɔnyaan ti Mak ŋmee ti na 7:8

Le Yisa mann ki bei bi ke, “Nim n ta Uwonbɔr a siimin bil niba paama wee ki si li nɔɔ bininfosaalib a kaal kaah wɔɔn man nin na.

Tibɔnyaan ti Luk ŋmee ti na 11:38

Amaa le li ŋa Farasii yaab a ninfo nmɔn ligaril nin Yisa kaah kaa nir wee ki sin yin ji tijiir.

Tibɔnyaan ti Luk ŋmee ti na 12:50

Amaa n jɔɔ nnyum a fum n gaa, ni yin ŋaam npoobiin le hali nin naah na li diɛ.

Tibɔnyaan ti Luk ŋmee ti na 14:14

le Uwonbɔr a kaar li be a bu. Hali baah kaa li fir yɔŋ nan, Uwonbɔr li na yin yɔŋ, lidaal lan wee bibuchim na yin fii nkumin nin.”

Tibɔnyaan ti Luk ŋmee ti na 3:16

Le Jɔnn jiin bei bi biɛn ke, “Min fun ni nnyum le, amaa wan jom chaan, wan a naatagil ŋmim wee maa kpaan n gbinn ni. U na li fu ni Kasi a naaŋ nin nŋmi ki ŋunn ni jaginn.

Jɔnn 1:33

Maah bi li nyi wi, wee naa ye wan nan tunim ke n nan fu bininfob Uwonbɔr a nyunfulin le nan beim, ‘Uja wan wee ni kan Kinaaŋ jiirin ki nan tɔɔn u bu-n le ye wan li ta Kasi a Naaŋ ki fu bininfob Uwonbɔr a nyunful.’

Jɔnn 5:29

le ki nyann, ban ŋa nan ŋan li fii nin limiɛfol, le ban ŋa titoonbir li fii ki kpo.

Lituln 10:47

“Uba li fir len ke bininfob nan n laa gaa Uwonbɔr a nyunful laa? Bi gbee nin Kasi a Naaŋ ke ti mu kaah nan gaa man nin le.”

Lituln 13:3

Le bi lol imɔɔŋ ki miɛ Uwonbɔr, ni bɔɔn bu le bi ta bi nɔɔi paan bi bu, le ki che bi jon.

Lituln 16:15

Taah nan fun u ma nin u niin yaab Uwonbɔr a nyunfulin, le u gɔɔ ti ke ti jo u niin. Le ki ke, “Ni ye ni sin nyi ke n ŋa ti Yudaau yada ke, ni li chaan ki nan be n niin.” Le u balin ti le ti jon.

Lituln 16:33

Lidaal a nyiɛg, le uloondiiguurin nan ŋunn bi biɛi; le u ma nin u niin yaab biɛn nan gaa Uwonbɔr a nyunful.

Lituln 17:18

Le ban wɔɔnn wee bi yi biba ke Epikurusi, ki yi biba mu Sitoog nan, mu nan dan ki nan far limɔkpel nin Pɔɔl. Le bi ni biba nan pag nin tab ke, “Wan be jabin nan mu ke baa?” Le biba jiin ke, “Ni nann ke u pag iweenchaan iba a bɔr le-n.” Bi nan len man babu, Pɔɔl nan mɔɔn Yisa a bɔŋann nin le nin u kum a fiim.

Lituln 2:38

Le Piita bei bi ke, “Ni jiɛn ni toonbir a tuma, wee ti fu ni biɛn nan Uwonbɔr a nyunful, Yisa Masiya a yinl bu, wee Uwonbɔr njiɛn ni bir ki per ni, ki sei ni ipiin yan ye Kasi a Naaŋin.

Lituln 2:41

Ban nan chee u bɔr nmɔn ni le bi nan fun bi Uwonbɔr a nyunful. Ban nan kpiɛ bi bu lidaal nmɔn nan foo bininfob turita paama.

Lituln 23:6

Pɔɔl kaah biɛ ke Juu yaab a yudam nmɔn biba ye Sadusim yaab, wee biba mu ye Farasiimin, le u pag npɔɔn ke, “N nabum, n ye Farasii a ninfou le, le ki ye Farasii a big. Le baah jim tibɔr tan bu ye maah jɔɔ tama ke bitakpiib naah li fii nkumin nin bu.”

Lituln 24:15

le n jɔɔ tama uba le nin Uwonbɔr ke baah jɔɔ man nin, ke nkum a fiim na li be ki sei bininfoŋam nin bipootondam.

Lituln 24:21

See limɔbonl liba lan wee n nan tiɛn ki pag bi sisiigin ke, “Bitakpiib na li fii nkumin nin bu le n si a nintogil dinan nan.”

Lituln 24:25

Pɔɔl kaah nan pag ki wɔɔn nbuchin binben nin ba a ŋmagim nin tibɔr a jidaal a yonn kaah yin foon man nin, le bijawaam choo Fɛlisi, le u ke, “Ni li kpaan man daandaan nan! Li chaau. Amaa ni ye n kan isaŋ ke n ji li yiŋ.”

Lituln 26:8

Babu che ni li pɔɔ ni ban nin ni ŋa yada ke Uwonbɔr fiin bitakpiibaa?

Lituln 4:2

Bi ŋuui nan fii itoon ni bu le takpem baah wɔɔn bininfobin ke, Yisa nan fii nkumin ni.

Lituln 6:6

Le bi ta bi jon itoon nan ban, le bi ta bi nɔɔi ki paan bi bu ki miɛ Uwonbɔr ki sei bi.

Rom Yaab 2:16

Ni niɛ nan na yin tun lidaal lan wee Uwonbɔr na yin ji bininfob a bɔwoonkaar Yisa Masiya bu, ke n bɔŋann nin kaah wɔɔn man nin.

1 Korenti 10:2

Bi nan fun bi nnyum le ke kitilangbɔŋ kaah nan piin Moziz bu nin baah nan tan don limɔgilin man ni.

1 Korenti 12:13

Ti biɛn nan fun Kasi a Naaŋ nmɔn le nin kinaaŋ kiba nin gbanann tiba, ŋaah ye Juu a ninfou bee Girig a ninfou wi, ŋaah ye uyom bee ŋaah ye a ba, Kinaaŋ kiba nmɔn le bi nan ta sei ti nyun.

2 Korenti 5:10

Nan bu-n ti biɛn na li sir Masiya a nintogil tibɔr a ji daal; uninfo biɛn na li gaa u yɔr u toon kaah nan ye man waah nan be tigbanann nan yaan ni, naah ŋan naa, naa kaa ŋan naa u yɔr le yen.

Filipi 3:21

Uma wan ta u pɔɔm ki lagin niwann biɛn u nintogilin, u li kpenn ti gbanann tan kaa pɔɔ-n ki ŋa ti u jilima a gbanann.

Kolosiya 2:12

n-yonn man wee bi nan lagin pii ni nin Masiya Uwonbɔr a nyunfulin ni, wee ni ji fii nkumin nin Masiya ni yada-n Uwonbɔr a pɔɔm man nan fii-n u nkumin ni.

2 Timoti 2:18

ban bor kaa nɔɔ ibamɔn a samin. Bi ke nkum a fiim pii jon na, mambu che bi bii bibam a yadau.

Hiibru Yaab 11:35

Bipiib biba a takpiib le Uwonbɔr nan fiin bi nkumin, le bi ji be nin bi miɛfol. Biba nan kan limugil, amaa le baa chee bin guun nin, naah li ŋa man wee bin kan nkum a fiim man ŋan.

Hiibru Yaab 9:10

Ni nan ye tijiir, nin tiwann nyuwann, nin kuchiig daal a kaal nin dulinya nan a siim kaah wɔɔn man hali ki nan kpaa tipoopɔnn nin a yoo.

2 Piita 3:7

Uwonbɔr a mɔleen iba nmɔn le U ji ta guu papaab nin tum kan be daandaan nan ke nŋmi n nan gaa, ni si le ki guu tibɔr a ji daal nin ban kaa ye biwonjiɛmin a biim.